YOHANES 5:17 - JANJAI BLAU Lem Bahaso Jang Bebilai

¹⁷ Tapi Si madeak ngen tobo'o, “Bapa-Ku kerjo sapei uyo, mako Uku kerjo kulo.”

YOHANES 5:17 ပူးပေါင်းရင်းမြစ်များ

MATIUS 10:29

Duai likup burung pipit nam tenukua ngen de caci de paling titik gone. Coa gen gok dikup neak pitok, amen coa Baknu kemlokne.

YOHANES 10:36

Masiak udi madeak ngen Si de senucai ngen Bak ngen de sudo nutus-Ne moi lem dunio. Ko mino Allah! Kerno Uku bi madeak: Uku anok Allah?

YOHANES 14:10

Coa pecayo ko bahwo Uku lem Bak ngen Bak lem Uku? Jano de Uku madeak ngen udi, coa Uku madeak kunei dirai-Ku suang, tapi Bak, de tinggea lem Uku, Siba de menea kerjo-kerjo-Ne.

YOHANES 5:16

Kerno o, tobo penguaso Yahudi berusaho semaro Yesus, kerno Si menea hal-hal o pado bilai Sabat.

YOHANES 5:18

Sebab o tobo penguaso Yahudi tambeak berusaho utuk munuak Si, iso bae kerno Si melanggea peraturan Sabat, tapi pulo kerno Si madeak bahwo Allah adeba Bapa-Ne suang. Ngen awei yo si semrai dirai-Ne ngen Allah.

YOHANES 9:4

Ite arus kemerjo kerjo Si de mutus Uku, selamo masiak kebilai; bakea teko kelemen neak ipe coa ade suang tun de dapet bekerjo.

KISAH RASUL-RASUL 14:17

Tapi si iso coa melei bukti tetang dirai-Ne ngen bebagoi plep baik, adeba temu'un ujen kunei lenget ngen melei musim-musim subur utuk udi. Si melei kembuk ngen semnang atei nu.”

KISAH RASUL-RASUL 17:28

Kerno neak lem Si ite idup, ite begerok, ite ade, awei de sudo kulo nadeak kekedau penyairnu: ‘Kerno ite yo royot Allah kulo.’

1 KORINTUS 12:6

Ade bebagoi ca'o kemerjo kerjo Tuhan, tapi de melei kekuatan utuk o ngen tiep tun adeba Allah de do kulo.

KOLOSE 1:16

Sebab liwet Siba Allah menciptakan kute sesuaktau neak surgo ngen de neak bumai, kute sesuaktau de keten ngen de coa keten, termasuk kulo kute roh de bekuaso ngen de mriteak. Kute alam yo diciptakan liwet Kristus ngen utuk Kristus.

1 TESALONIKA 2:13

Ade igai do hal luyen de menea keme bogoa mucep mokasiak ngen Allah. Hal o adeba, bahwo pado waktau keme semapei bito kunei Allah, udi temi'uk ngen temimo bito o iso sebagai bito kunei manusio, tapi sebagai bito de benea-benea kunei Allah. Siba de gidong kerjo lem dirainu de pecayo ngen Kristus.

IBRANI 1:3

Si adeba cahayo kemuliaan Allah, Siba wujud nyato kunei dirai Allah suang. Siba kulo de miaro keutuhan alam semesta yo ngen sabda-Ne de kembiak bekuaso. Sesudo Si temtau manusio utuk bebas kunei duso-duso tobo'o, Si mipin pemerintahan neak surgo besamo-samo Allah, Penguaso de paling lekat.