YOHANES 4:53 - JANJAI BLAU Lem Bahaso Jang Bebilai

⁵³ Bak'o kulo tinget, bahwo pado waktau'oba Yesus madeak ngen si, “Anoknu idup.” Lajau si ngen kute keluargone pecayo.

YOHANES 4:53 ပူးပေါင်းရင်းမြစ်များ

MATIUS 8:13

Lajau Yesus madeak ngen pemipin tentra'o, “Belekba, jano de ko pecayo, do bakea tetijai.” Ngen waktau'o kulo Yesus kema'en pelayan tentra'o.

LUKAS 19:9

Nadeak Yesus ngen si, “Bilai yo bi tejijai keselamatan ngen seisai umeak yo, kerno tun yo kulo anok Abraham.

YOHANES 4:51

Ketiko si masiak neak tengeak dalen pelayan-pelayanne bi teko ngen Si ngen bito, bahwo anokne idup.

YOHANES 4:52

Si betanye ngen tobo'o jam kedau anokne muloi ka'en. Jawab tobo'o, “Bilai lebeak jam satu dememne ka'en.”

KISAH RASUL-RASUL 11:14

Si bakea semapei bito ngen udi de bakea semlamat ko ngen keluargo nu.’

KISAH RASUL-RASUL 16:15

Sesudo si dibaptis besamo-samo kute tun neak umeakne, si majok keme, nadeakne, “Amen udi bependapet bahwo uku sungguak-sungguak pecayo ngen Tuhan, maroba nupang neak umeakku.” Si desok sapei keme temimone.

KISAH RASUL-RASUL 16:34

Lajau si mbin tobo'o moi umeak ne, melei kembuk ngen tobo'o. Si kembiak riang bahwo si ngen kute isai umeakne bi jijai pecayo ngen Allah.

KISAH RASUL-RASUL 18:8

Tapi Krispus, pemipin umeak semyang o, jijai pecayo ngen Tuhan besamo-samo ngen kute si'ing umeakne, dau kunei tun-tun Korintus, de temi'uk bito de senapei Paulus, jijai pecayo ngen dibaptis.

KISAH RASUL-RASUL 2:39

Sebab de jenanjai Allah o adeba utuknu ngen royotnu serto utuk tun-tun de ade neak penan-penan de uak – adeba kute tun de menok Allah Tuhan ite utuk teko ngen-Si.”