YOHANES 4:15 - JANJAI BLAU Lem Bahaso Jang Bebilai

¹⁵ Nadeak selawei'o, “Tuan, neleiba uku bioa'o, supayo uku coa haus ngen coa teko igai miyo utuk tenimbo bioa.”

YOHANES 4:15 ပူးပေါင်းရင်းမြစ်များ

YOHANES 4:16

Nadeak Yesus, “Lalauba, menok ba sematennu ngen teko miyo.”

YOHANES 6:26

Yesus jemawab, “Sesungguakne Uku madeak ngen udi, udi mesoa Uku iso kerno udi bi kemliak mujizat-mujizat, tapi kerno ko bi mbuk ruti o sapei kenyang.

YOHANES 6:34

Mako nadeak tobo'o ngen Si, “Tuan, keleiba keme ruti o terus.”

YOHANES 6:35

Nadeak Yesus ngen tobo'o, “Ukuba ruti de melei idup; api bae de teko ngen Uku, si coa bakea perneak nyemen igai, ngen api bae de pecayo ngen Uku, si coa bakea perneak haus igai.

ROMA 6:23

Sebab upeak duso adeba maut; tapi karunio Allah adeba idup de kekal lem Kristus Yesus, Tuhan ite.

ROMA 8:5

Sebab tobo'o de idup temurut tabi'at manusio, bogoa meker hal-hal kunei tabi'at manusio, tapi tobo'o de idup temurut Roh Allah, meker hal-hal kunei Roh Allah.

1 KORINTUS 2:14

Tun de coa temuan Roh Allah, coa dapet temimo jano de nadeak Roh o. Sebab bagiak tun-tun o hal-hal o adeba awei kebodohan bae. Tun o coa dapet ngertai, sebab hal-hal o cuma dapet kenliak seca'o rohani.

YAKOBUS 4:3

Atau udi sudo minoine, tapi udi coa dapet, sebab de minoi o saleak; jano de udi minoi adeba utuk kesenangan dirainu su'ang

1 YOHANES 5:20

Ite namen bahwo Anok Allah bi teko ngen sudo melei pengertian ngen ite, supayo ite kemnal Allah de benea. Ite idup jijai do ngen Allah de benea ngen idup jijai do ngen anok-Ne Yesus Kristus, dioba Allah de benea, ngen dioba idup sejati ngen kekal.