YOHANES 3:6 - JANJAI BLAU Lem Bahaso Jang Bebilai

⁶ Jano de laher seca'o jasmani sifetne jasmani, ngen jano de laher kunei Roh, sifetne rohani.

YOHANES 3:6 ပူးပေါင်းရင်းမြစ်များ

YOHANES 1:13

Tun-tun de leherne iso kunei daleak atau kunei kelok jasmani iso kulo ngen kelok suang semanei, seluyen kunei Allah.

YOHANES 3:7

Jibeakba ko heran, kerno Uku madeak ngen ko, ‘Ko harus laher igai.’

ROMA 7:18

Sebab uku namen, bahwo neak lem uku, adeba neak lem uku sebagai manusio, coa ade sesuaktau de baik. Sebab kelok memang ade neak lem uku, tapi iso hal menea jano de baik.

ROMA 7:25

Syukur ngen Allah! Ngen Yesus Kristus, Tuhan ite.

ROMA 7:5

Sebab waktau ite masiak idup temurut sifet-sifet manusio de ade kerno hukum agamo Yahudi, kerjo lem anggota-anggota awok ite, kunyau ite melei asea utuk maut.

ROMA 8:13

Sebab, amen udi idup temurut tabi'at manusio, udi bakea matei; tapi amen ngen Roh udi munuak plep-plep awoknu, udi bakea idup.

1 KORINTUS 6:17

Tapi tun de jemijai do diraine ngen Tuhan, Roh Tuhan ngen roh tun o jijai do.

2 KORINTUS 5:17

Jijai, api de ade neak lem Kristus, si adeba ciptaan blau: De an bi liwet, sesungguakne de blau bi teko.

GALATIA 5:24

Api bae de sudo jijai de Kristus Yesus temuan, si bi munuak plep manusione ngen kute hawo nafsu ngen kelokne.

EFESUS 2:3

Bel'o ite kute serai kulo ngen tobo'o, ite idup temotoa tabiat manusio ite ngen menea jano de semnang awok ngen pekeran ite. Pado waktau o ite adeba tun-tun de keno murko Allah kulo, serai awei tun-tun luyen.

KOLOSE 2:11

Kerno jijai do ngen Kristus, udi bi senunat, iso sunat de nea manusio, meluyen ngen sunat de nea Kristus, de mbebas udi kunei duso.

1 YOHANES 3:9

Tun de sudo jijai Anok Allah, coa menea duso igai, sebab sifet Allah ade neak diraine. Ngen kerno Allah o Bapane, mako si coa dapet menea duso igai.