YOHANES 3:34 - JANJAI BLAU Lem Bahaso Jang Bebilai

³⁴ Sebab api de nutus Allah, Siba de senapei Firman Allah, kerno Allah melei karunio Roh-Ne ngen ade batas.

YOHANES 3:34 ပူးပေါင်းရင်းမြစ်များ

MATIUS 12:18

“Keliakba, dioba utusan-Ku de niliak-Ku, Tun de Uku kemasiak ngen de semnang atei-Ku, Uku bakea melei Roh-Ku ngen-Si, Si bakea melei namen bangso-bangso bahwa tobo'o bakea temimo ukuman-Ku de adea.

LUKAS 4:18

“Roh Tuhan ade pado-Ku, ngen sebab Si bi melatik Uku, utuk semapei Bito Baik ngen tun-tun peset. Ngen Si bi mutus Uku utuk melei bito tetang bebas tun-tun tahanan, ngen pengeliak bagiak tun-tun sutai, utuk mbebas tun-tun de jijai budok,

YOHANES 1:16

Kerno kunei kepenuhan-Ne ite kute bi tenimo anugrah demi anugrah.

YOHANES 15:26

Uku bakea mutus ngenko penulung de asalne kunei Bapa. Adeba Roh bakea madeak kebenea tetang Allah. Amen Si teko, Si bakea saksai tetang Uku.

YOHANES 16:7

Tapi benea de Uku madeak yo ngen udi: Lebiak beguno utuk udi, amen Uku lalau. Sebab amen Uku coa lalau, penulung o coa bakea teko ngen udi, tapi amen Uku lalau, Uku bakea mutus Si ngen ko.

YOHANES 3:17

Sebab Allah mutus Anok-Ne moi lem dunio iso utuk makim dunio, tapi utuk semlamatne.

YOHANES 5:26

Sebab serai awei Bapa temuan idup lem dirai-Ne suang, awei yo kulo nelei-Ne Anok temuan idup lem dirai-Ne suang.

YOHANES 7:16

Jawab Yesus, “Ajaran-Ku coa be'asal kunei dirai-Ku suang, tapi kunei si de bi mutus Uku.

YOHANES 8:40

Tapi uyo udi berusaho munuak Uku, suang tun de madeak de benea ngen udi, adeba de benea Uku temi'uk kunei Allah; kerjo de awei yo coa kenerjo ngen Abraham.

YOHANES 8:47

Api bae berasal kunei Allah, si temi'uk firman Allah. Do'oba sebabne udi coa temi'ukne, kerno udi coa berasal kunei Allah.”

KISAH RASUL-RASUL 1:2

sapei waktau bilai Si naket moi Surgo. Ayok o Si bi melei periteak-Ne liwet Roh Sucai ngen rasul-rasul de miliak-Ne.

KISAH RASUL-RASUL 10:38

Udi namen bahwo Allah bi miliak Yesus tun Nazaret o, melei namen ngen-Si Roh Sucai ngen kuaso. Udi namen kulo bahwo Yesus o lalau moi ipe bae utuk menea baik, Si kemaen kute tun de kenuaso Iblis, kerno Allah semerto Si.

ROMA 8:2

Roh, de melei idup bi mbebas udi lem Kristus kunei hukum duso ngen hukum maut.

EFESUS 3:8

Neak antaro kute umat Allah, ukuba de kebiak hino. Tapi Allah melei karunio o ngen uku, utuk melei namen ngen tun-tun iso Yahudi Bito Baik tetang kekayaan Kristus de coa pakei abis,

KOLOSE 1:19

Allah suangba de kemlok supayo kute sesuaktau de ade neak dirai Allah, ade kulo neak dirai Anok-Ne.

KOLOSE 2:9

Sebab kute kepribadian Allah ade lem Kristus, adeba lem kemanusiaan-Ne.

WAHYU 21:6

Lajau Si madeak, “Bi selsei! Ukuba Tuhan kunei Pertamo ngen Terakhir; Ukuba Tuhan kunei mulo sapei akhir. Tiep tun de haus, bakea Uku melei bioa ngen cuma-cuma kunei matai bioa de melei idup.

WAHYU 22:1

Malaikat o kulo kemten ngen uku bioa lai de bioane melei kehidupan. Bioa o jeniak awei kristal ngen mengalir kunei takhta Allah ngen Anok Bebirai o.