YOHANES 3:32 - JANJAI BLAU Lem Bahaso Jang Bebilai

³² Si saksai tetang jano de kemliak-Ne ngen de temi'uk-Ne, tapi coa suang tun de temimo saksai-Ne o.

YOHANES 3:32 ပူးပေါင်းရင်းမြစ်များ

MATIUS 7:8

Kerno tun de minoi bakea temimo tun de mesoa bakea dapet: ngen tun de kemtuk, bang bakea nukok utukne.

YOHANES 1:11

Si teko ngen temuan-Ne, tapi tun-tun temuan-Ne o coa temimo Si.

YOHANES 15:15

Uku coa madeak udi igai pelayan, sebab pelayan coa namen jano de nea tuanne, tapi Uku madeak udi kuat, kerno Uku bi melei namen ngen udi kute de sudo Uku temi'uk kunei Bapa-Ku.

YOHANES 18:37

Lajau nadeak Pilatus ngen Si, “Jijai Ko adeba rajo?” Jawab Yesus, “Ko madeak bahwo Uku adeba rajo. Utuk do'o ba Uku laher ngen utuk do'oba Uku teko moi lem dunio yo, supayo Uku melei saksai tetang de benea. Tiep tun de berasal kunei de benea temi'uk sa'ei-Ku.”

YOHANES 3:11

Sesungguakne Uku madeak ngen udi, keme miling tetang jano de keme namen ngen be saksai tetang jano de keme kemliak, tapi udi coa temimo saksai keme.

YOHANES 3:26

Lajau tobo'o teko ngen Yohanes ngen madeak, “Rabi, tun de besamo-samo ngen Ko neak dipoa Bioa Yordan, uyo gidong membaptis. Ko kulo melei saksai tetang tun'o. Uyo kute tun teko ngen-Si.”

YOHANES 3:33

Api de mimo saksai-Ne o, si ngakau bahwo Allah adeba benea.

YOHANES 5:20

Sebab Bapa kemasiak Anok ngen Si temunjuk ngen Si kute sesuatau de kenerjo-Ne suang, bahkan Si bakea tenunjuk ngen Si kerjo de lebiak lai igai kunei kerjo o, sehinggo udi jijai sele.

YOHANES 8:26

Dau de arus Uku madeak ngen Kumakim tetang udi. Tapi Si de mutus Uku, adeba benea. Ngen jano de Kutemi'uk kunei Si, do'oba de Uku madeak ngen dunio.”