YOHANES 3:18 - JANJAI BLAU Lem Bahaso Jang Bebilai

¹⁸ Api bae de pecayo ngen-Si, si coa bakea nukum. Api bae de coa pecayo, si bi ade neak hukuman, sebab si coa pecayo ngen Anok Tunggea Allah.

YOHANES 3:18 ပူးပေါင်းရင်းမြစ်များ

MARKUS 16:16

Api de pecayo ngen dibabtis bakea senlamat, tapi api de coa pecayo bakea nukum.

YOHANES 1:12

Tapi kute tun de temimo Si neleine kuaso supayo jijai anok-anok Allah, adeba tobo'o de pecayo lem gen-Ne.

YOHANES 1:18

Coa suang tun de perneak kemliak Allah; tapi anok Tunggea Allah, de ade neak das balung Bapa, Siba de madeak-Ne.

YOHANES 20:31

Tapi hal-hal yo bi cenatet, supayo udi pecayo bahwo Yesusba Rajo Penyelamat, Anok Allah, ngen supayo kerno pecayo, udi dapet idup lem gen-Ne.

YOHANES 3:16

Kerno kembiak lai kasiak Allah bakea dunio yo, sehinggo Si bi melei karunio Anok-Ne de tunggea, supayo tiep tun de pecayo ngen-Si coa benaso, tapi dapet idup de kekal.

YOHANES 3:36

Api bae de pecayo ngen Anok, si dapet idup de kekal. Tapi api bae de coa taat ngen Anok si coa bakea kemliak idup, meluyen murko Allah tep tinggea neak dasne.

YOHANES 5:24

Sesungguakne Uku madeak ngen ko, ‘Api bae bi temi'uk kecek-Ku ngen pecayo ngen Si de mutus Uku, si temuan idup de kekal ngen coa milem nukum, sebab si sudo baliak kunei lem maut moi lem idup.’

YOHANES 6:40

Sebab dioba kelok Bapa-Ku: Adeba supayo tiep tun de kemliak Anok ngen de pecayo ngen-Si dapet idup de kekal, ngen supayo Uku midup igai pado Bilai Kiamat.”

YOHANES 6:47

Uku madeak ngen udi: Sesungguakne api bae de pecayo, si temuan idup de kekal.

ROMA 5:1

Sebab o, ite de benea kerno imen, ite idup lem damoi sejahtera ngen Allah kerno Tuhan ite, Yesus Kristus.

ROMA 8:1

Awei'oba uyo coa ade hukuman utuk tobo'o de ade neak lem Kristus Yesus.

ROMA 8:34

Kristus Yesus, de sudo matei? Bahkan lebiak igai, de sudo idup igai, de kulo temot neak peak kanen Allah, de malah jijai Pembela ite?

IBRANI 12:25

Kerno o, teateiba jibeak sapei udi coa lok temi'uk Si de miling o. Tobo'o de coa lok temi'uk Si de teko moi bumai ngen semapei bito kunei Allah, coa nam lalau. Jano igai ite yo de temi'uk Si de miling kunei surgo! Amin ite coa lok temi'uk-Ne, coa mukin ite dapet bebas!

IBRANI 2:3

Jano igai ngen keselamatan de lebiak lai kunei pesen-pesen o! Amen ite coa melei perhatian teadep keselamatan o, paset ite coa bakea bebas kunei hukuman. Sebab Tuhan suangba de pertamo sekilai melei namen keselamatan o, tun-tun de dute temi'ukne bi melei bukti kebenaranne ngen ite.

IBRANI 3:19

Uyo ite ngertai bahwo tobo'o coa dapet masuk, kerno tobo'o coa pecayo ngen Allah.

1 YOHANES 3:23

De Si periteak ngen ite adeba: Ite harus pecayo ngen Anok-Ne, adeba Yesus Kristus, ngen ite harus sesamo mengasiak, awei de sudo neriteak Kristus ngen ite.

1 YOHANES 4:9

Allah madeak bahwo Si mengasiak ite ngen mutus Anok-Ne de tunggea moi lem dunio supayo ite dapet idup liwet Anok-Ne o.

1 YOHANES 5:10

Sebab o, tun de pecayo ngen Anok Allah, sudo temimo saksai o neak lem ateine; tapi tun de coa pecayo ngen Allah, bi manggap amen Allah pendusta, sebab si coa pecayo jano de nadeak Allah tetang anok-Ne.

1 YOHANES 5:12

Tun de temuan Anok Allah, temuan idup o; ngen tun de coa temuan Si, coa temuan idup o.