YOHANES 3:13 - JANJAI BLAU Lem Bahaso Jang Bebilai

¹³ Coa ade suang tun de sudo kenek moi surgo seluyen Si de sudo tu'un kunei surgo, adeba Anok Manusia.

YOHANES 3:13 ပူးပေါင်းရင်းမြစ်များ

MATIUS 28:20

Najeaba tobo'o menea kute de sudo Uku periteak ngen ko. Ingetba Uku bakea selalu semerto udi sapei Bilai Kiamat.”

MATIUS 8:20

Yesus jemawab, “Serigala temuan lubang ngen burung temuan sa'ang, tapi anok manusio coa temuan penan Si tidua.”

YOHANES 1:18

Coa suang tun de perneak kemliak Allah; tapi anok Tunggea Allah, de ade neak das balung Bapa, Siba de madeak-Ne.

YOHANES 13:3

Yesus namen bahwo Bak bi semreak kutene ngen Si bahwo Si teko kunei Allah ngen bakea belek ngen Allah.

YOHANES 17:5

Uyo, au Bapa, mulio ba Uku neak hadirat-Nu suang ngen kemulioan de Uku temuan neak hadirat-Nu ayok dunio ade.

YOHANES 3:12

Udi coa pecayo, waktau Uku miling ngen udi tetang hal-hal duniawi, awei ipe udi bakea pecayo, amen Uku miling ngen udi tetang hal-hal sorgawi?

YOHANES 3:31

Api de teko kunei das adeba neak das kutene; api de asalne kunei bumai, adeba kunei bumai ngen miling tetang hal-hal neak bumai. Api de teko kunei surgo adeba neak das kutene.

YOHANES 6:33

Kerno ruti de kunei Allah adeba ruti de tu'un kunei surgo ngen de melei idup ngen dunio.”

YOHANES 6:38

Sebab Uku bi tu'un kunei surgo iso utuk menea kelok-Ku, seluyen kelok Si de sudo mutus Uku.

YOHANES 6:42

Nadeak tobo'o, “Iso Si yo Yesus, Anok Yusuf. Indok bak-Ne ite namen? Awei ipe Si dapet madeak: Uku bi tu'un kunei surgo?”

YOHANES 6:46

Hal'o coa berartai, bahwo ade tun de sudo kemliak Bapa. Cuma Si de teko kunei Allah, Siba de sudo kemliak Bapa.

YOHANES 6:51

Uku ba ruti de melei idup de sudo tu'un kunei surgo. Amen suang tun mbuk ruti yo, si bakea idup seka'en ne, ngen ruti de bakea Uku melei o adeba daging-Ku, de bakea uku melei utuk idup dunio.”

YOHANES 6:62

Awei ipe amen udi kemliak Anok Manusio kenek moi penan neak ipe Si ayokne ade?”

YOHANES 8:42

Nadeak Yesus ngen tobo'o, “Amen Allah adeba Baknu, udi bakea kemasiak Uku. Sebab Uku teko kunei Allah ngen uyo uku ade neak yo. Uku coa teko ngen kelok-Ku suang, tapi Siba mutus Uku.

KISAH RASUL-RASUL 2:34

Daud suang coa kenek moi surgo. Tapi Daud suang madeak: ‘Tuhan bi befirman ngen Tuanku:

KISAH RASUL-RASUL 20:28

Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang.

ROMA 10:6

Tapi kebenaran kerno imen madeak awei yo, “Jibeak madeak neak lem ateinu: ‘Api bakea kenek moi surgo?’ (adeba: utuk mbin Yesus tu'un),

1 KORINTUS 15:47

Adam de pertamo jenijai kunei pitok, tapi Adam de keduai asalne kunei surgo.

EFESUS 1:23

Jemaat adeba awok Kristus, jijai sempurno ngen Si de jemijai sempurno kute sesuaktau neak ipe bae.