YOHANES 3:11 - JANJAI BLAU Lem Bahaso Jang Bebilai

¹¹ Sesungguakne Uku madeak ngen udi, keme miling tetang jano de keme namen ngen be saksai tetang jano de keme kemliak, tapi udi coa temimo saksai keme.

YOHANES 3:11 ပူးပေါင်းရင်းမြစ်များ

MATIUS 11:27

Lajau Yesus madeak, kute bi senreak Bak utuk-Ku, “Coa su'ang tun kemnal Anok seluyen Bak. Coa gen kulo de kemnal Bak seluyen Anok ngen tun-tun de niliak Anok'o utuk nelei namen api sebeneane Bak.

MATIUS 23:37

“Yerusalem, Yerusalem! Nebai-nebai ko munuak. Tun-tun de nutus Allah ko meluk ngen butau sapei matei. Sudo kedau kilai Uku lok melungguk kute rakyatnu awei indok monok mlindung anok-anokne neak beak sayepne, tapi ko coa lok.

LUKAS 10:22

Kutene bi senreak Bapa ngen Coa suang kulo kemnal Anok, luyen kunei Bapa. Coa ade kulo de kemnal Bapa luyen kunei Anok; ngen tun-tun ngen Anok o lok kemnal Bapa.”

YOHANES 1:11

Si teko ngen temuan-Ne, tapi tun-tun temuan-Ne o coa temimo Si.

YOHANES 1:18

Coa suang tun de perneak kemliak Allah; tapi anok Tunggea Allah, de ade neak das balung Bapa, Siba de madeak-Ne.

YOHANES 12:49

Sebab Uku madeak iso kunei dirai-Ku suang, tapi Bak, de mutus Uku, Siba de meriteak Uku utuk madeak jano de arus Uku madeak ngen Ko.

YOHANES 14:24

Api bae de coa mengasiak Uku, si coa temotoa firman-Ku. Firman de udi temi'uk iso kunei Uku, tapi kunei Bak de mutus Uku.

YOHANES 3:12

Udi coa pecayo, waktau Uku miling ngen udi tetang hal-hal duniawi, awei ipe udi bakea pecayo, amen Uku miling ngen udi tetang hal-hal sorgawi?

YOHANES 3:13

Coa ade suang tun de sudo kenek moi surgo seluyen Si de sudo tu'un kunei surgo, adeba Anok Manusia.

YOHANES 3:3

Yesus jemawab, “Sesungguakne Uku madeak ngen udi amen suang tun coa laher igai, si coa dapet jijai anggota umat Allah.”

YOHANES 3:5

Jawab Yesus, “Sesungguakne Uku madeak ngen ko: amen suang tun coa laher kunei bioa ngen Roh, si coa dapet jijai anggota umat Allah.

YOHANES 5:43

Uku teko lem gen Bapa-Ku ngen udi coa temimo Uku. Amen tun luyen teko das genne suang, udi bakea temimo si.

YOHANES 7:16

Jawab Yesus, “Ajaran-Ku coa be'asal kunei dirai-Ku suang, tapi kunei si de bi mutus Uku.

YOHANES 8:14

Jawab Yesus, “Uku besaksai tetang dirai-Ku suang, tapi saksai-Ku o benea, sebab Uku namen, kunei ipe Uku teko ngen moi ipe Uku lalau. Udi coa namen kunei ipe Uku teko ngen moi ipe Uku lalau.

YOHANES 8:26

Dau de arus Uku madeak ngen Kumakim tetang udi. Tapi Si de mutus Uku, adeba benea. Ngen jano de Kutemi'uk kunei Si, do'oba de Uku madeak ngen dunio.”

YOHANES 8:38

Jano de Uku kemliak ngen Bapa-Ku, do'oba de Uku madeak. Awei o kulo udi menea tetang jano de udi temi'uk kunei Bapa-Nu.”

KISAH RASUL-RASUL 22:18

Uku kemliak Si, de madeak ngen uku: ‘Gacangba, segroba teninggea Yerusalem, kerno tobo'o coa bakea temimo saksainu tetang Uku.’

2 KORINTUS 4:4

Tun-tun de coa pecayo, de pekeranne bi tetutup ngen ilah zaman yo, sehinggo tobo'o coa kemliak cahayo kunei Bito Baik o de adeba gambar Allah.

WAHYU 1:5

ngen kunei Yesus Kristus, saksai de setia. Siba de pertamo-tamo idup igai kunei matei ngen Siba penguaso das rajo-rajo dunio. Yesus mengasiak ite, ngen kematian-Ne Si bebas kunei duso-duso ite,

WAHYU 3:14

“Ngen jemaat neak Laodikia, tulisba awei yo: Dioba pesen kunei Sang Amin, Saksai de setia ngen benea, sumber kute sesuaktau de ciptaan Allah.