YOHANES 21:22 - JANJAI BLAU Lem Bahaso Jang Bebilai

²² Jawab Yesus, “Amen Uku kemlok, supayo si tinggea idup sapei Uku teko, do'o iso urusannu. Tapi ko: Milauba Uku!”

YOHANES 21:22 ပူးပေါင်းရင်းမြစ်များ

MATIUS 16:24

Sesudo'o Yesus madeak ngen penotoa-penotoa-Ne, “Api kulo de lok lalau temotoa Uku, mestai melupo kelokne dewek, musung ke au salib-Ne ngen temotoa Uku tiep waktau.

MATIUS 24:27

Sebab teko-Ne Anok Manusio awei cahayo kilet besinea kunei timur, ngen sapei barat.

MATIUS 24:3

Sudo'o Yesus temot lalau moi Tebo Zaitun, gidong Si temot, penotoa-penotoa-Ne teko utuk miling ngen Si seca'o pribadi. “Nadeakba ngen keme, tengen kutene'o bakea tejijai,” madeak tobo'o ngen-Si. “Jano tando-tando de temunjuk teko Bak ngen akhir zaman?”

MATIUS 24:44

Sebab'o udi kulo mestai siap. Kerno Anok Manusio bakea teko pado saat de coa udi demugo.”

MATIUS 25:31

“Amen Anok Manusio teko utuk ijai Rajo, kute malaikat-Ne bakea mi'ing Si. Si bakea temot neak penan Si meriteak.

MATIUS 8:22

Tapi Yesus jemawab, “Totoaba Uku, kunyauba tun-tun matei kemubua tun mateine dewek.”

MARKUS 9:1

Nadeak-Ne igai ngen tobo'o Uku madeak ngen udi, “Sesungguakne neak antaro tun de ade neak yo ade de coa bakea matei ayok tobo'o kemliak bahwo Allah meriteak sebagai Rajo bi teko ngen kuaso.”

YOHANES 21:19

(Hal yo de nadeak Yesus utuk madeak awei ipe Petrus bakea matei be utuk mulio Allah.) Sesudo madeak awei o Yesus madeak ngen Petrus, “Milauba Uku.”

YOHANES 21:21

Ketiko Petrus kemliak penotoa'o, si madeak ngen Yesus, “Tuhan, awei ipe ngen si yo?”

1 KORINTUS 11:26

Memang tiep kilai udi mbuk ruti ngen menem anggur yo, udi melei namen tetang mateine Tuhan, sapei Tuhan teko.

1 KORINTUS 4:5

Kerno o, jibeakba mukum ayok waktaune, mbotba sapei Tuhan teko be. Allahba de bakea mukok kute resio-resio de coa keten lem kegelapan. Allahba de bakea mukok kute niat de tependam lem atei manusio. Pado waktau o baruba tiep tun temimo kunei Allah de patas tenimone.

1 TESALONIKA 2:19

Sungguak udiba harapan ngen keriang serto mahkota kebanggaan keme. Sebab be amen Tuhan Yesus teko, ngen ite madep-Ne, mako udiba de bakea jijai kebanggaan keme!

YAKOBUS 5:7

Kerno'o, sabarba Saudaro-saudaroku, sapei Tuhan teko. Kemliakba awei ipe sabarne suang petani mbot taneakne melei asea de bego. Ngen sabar si mbot ujen musim gugua ngen ujen musim bungai.

YAKOBUS 5:8

Lokba udi kulo sabar ngen riang, kerno tekone Tuhan bi pa'ok.

WAHYU 1:7

Keliak, si teko ngen embun-embun! Kute tun bakea kemliak Si, termasuk kulo tobo'o de sudo temikem-Ne. Kute bangso neak bumai bakea ibo kerno Si. Au, paset! Amin!

WAHYU 2:25

Tapi sapei waktau Uku teko be, lokba udi tep temotoa jano de sudo udi temuan.

WAHYU 22:20

Si de melei namen kute bito yo madeak, “Benea, Uku bakea segero teko!” Amin! Tekoba, ya Tuhan Yesus!

WAHYU 22:7

“Kemliakba dio!” nadeak Yesus, “Uku bakea segero teko. Riangba tun de ta'at ngen kecek-kecek nubuat lem kiteb yo!”

WAHYU 3:11

Uku segro teko! Jagoba baik-baik jano de udi temuan, supayo coa suang kulo mok hadiah kemenangannu.