YOHANES 21:18 - JANJAI BLAU Lem Bahaso Jang Bebilai

¹⁸ Sesungguakne Uku madeak ngen udi: Waktau ko masiak uai ko meket pinggangnu suang ngen paneu moi ipe bae ko kenlok, tapi amen ko bi tuai, ko bakea mulua tangennu ngen tun luyen bakea meket ko ngen mbin ko moi penan de coa ko kenlok.”

YOHANES 21:18 ပူးပေါင်းရင်းမြစ်များ

YOHANES 13:36

Simon Petrus madeak ngen Yesus, “Tuhan, moi ipe Ko lalau?” Jawab Yesus, “Moi penan Uku lalau, ko coa dapet temotoa Uku uyo, tapi be ko bakea temotoa Uku.”

KISAH RASUL-RASUL 21:11

Si teko ngen keme, lajau mok teng Paulus. Samo meket kekea ngen tangenne suang si madeak, “Awei yoba nadeak Roh Sucai: Aweiyoba de temuan teng yo bakea neket ngen tun-tun Yahudi neak Yerusalem, senreak moi tangen bangso-bangso luyen.”

2 KORINTUS 5:4

Selamo ite tinggea neak lem umeak de kunei dunio yo, ite gerunyam kerno bebante benek. Iso kerno ite lok mpas kunei awokte de kunei dunio yo, tapi kerno ite lok makei awok de kunei surgo o, supayo awokte de pacok matei yo kenuaso de idup.

LUKAS 12:37

Bahagiaba pelayan-pelayan de tuanne kemliak bejago-jago waktau si teko. Uku madeak ngen udi: sesungguakne si bakea meket pinggangne ngen meluak tobo'o temot mukmei, ngen si bakea teko mlayan tobo'o.

YOHANES 21:17

Nadeak Yesus ngen si utuk ketelau kilaine, “Simon, anok Yona, jano Ko mengasiak Uku?” Petrus kulo meding ibo kerno Yesus madeak utuk ketelau kilaine, “Jano ko mengasiak Uku?” Ngen si madeak ngen-Ne, “Tuhan, Ko namen kute sesuaktau. Ko namen, bahwo uku mengasiak Ko.” Nadeak Yesus ngen si, “Meliaroba bebirai-Ku.

YOHANES 21:19

(Hal yo de nadeak Yesus utuk madeak awei ipe Petrus bakea matei be utuk mulio Allah.) Sesudo madeak awei o Yesus madeak ngen Petrus, “Milauba Uku.”