YOHANES 21:1 - JANJAI BLAU Lem Bahaso Jang Bebilai

¹ Sesudo'o Yesus kemten dirai igai ngen penotoa-penotoa-Ne neak patoi Daneu Tiberias ngen Si kemten dirai awei berikut.

YOHANES 21:1 ပူးပေါင်းရင်းမြစ်များ

MATIUS 26:32

Tapi sesudo'o Uku bakit kunei matei, Uku bakea de mute udi moi Galilea.”

MATIUS 28:16

Sebelas penotoa Yesus'o lalau moi tebo neak Galilea awei de neriteak Yesus ngen tobo'o.

MATIUS 28:7

Uyo, lalauba gacang, melei namen ngen penotoa-penotoa-Ne, ‘Si bi idup igai ngen uyo Si lalau lebiak dute kunei udi moi Galilea. Neak di udi bakea kemliak Si!’ Mingetba jano de sudo Uku madeak ngen ko.”

MARKUS 16:12

Sesudo'o Si kemten dirai ngen betuk de luyen ngen duai tun kunei tobo'o, ketiko keduaine lem pemaneu moi luea kota.

MARKUS 16:14

Akhirne Si kemten dirai ngen sebelas tun'o ketiko tobo'o gidong mukmei, ngen Si coa masai ngen telo atei tobo'o, kerno tobo'o coa masai ngen tun-tun de sudo kemliak Si sesudo Si idup igai.

MARKUS 16:7

Tapi uyo lalauba, nadeakba ngen murid-murid-Ne ngen Petrus: Si de mute udi moi Galilea; neak di udi bakea kemliak Si, awei de sudo nadeak-Ne ngen udi.”

YOHANES 21:14

Do'oba ketelau kilaine Yesus kemten dirai ngen penotoa-penotoa-Ne sesudo Si idup igai kunei antaro tun matei.

YOHANES 6:1

Sesudo'o Yesus berakat moi dipoa Daneu Galilea, de senbut kulo Daneu Tiberias.

YOHANES 6:23

Sementaro o kekedau biduk luyen teko kunei Tiberias pa'ok moi penan tobo'o mbuk ruti, sesudo Tuhan mucep syukur dasne.

KISAH RASUL-RASUL 1:3

Sesudo Si matei, selamo pat puluak bilai Si cet kemten dirai ngen ca'o tete'ang ngen rasul-rasul o bahwo Si benea-benea idup. Tobo'o kemliak Si, Si miling ngen tobo'o awei ipe Allah meriteak awei Rajo.