YOHANES 20:27 - JANJAI BLAU Lem Bahaso Jang Bebilai

²⁷ Sesudo'o Si madeak ngen tomas, “Kemliakba ji'ainu neak yo ngen kemliakba tangen-Ku, muluaba tangennu ngen mpekba moi lambung-Ku ngen jibeak ko coa pecayo igai, tapi pecayoba!”

YOHANES 20:27 ပူးပေါင်းရင်းမြစ်များ

YOHANES 20:25

Jijai, nadeak penotoa-penotoa de luyen o ngen si, “Keme bi kemliak Tuhan!” Tapi tomas madeak ngen tobo'o, “Ayok uku kemliak kes pasok pado tangen-Ne ngen ayok uku mpek ji'aiku moi lem kes pasok o ngen mpek tangenku moi lambung-Ne, debat bae uku coa pecayo.”

YOHANES 20:20

Sesudo madeak awei o, Si kemten tangen-Ne ngen lambung-Ne ngen tobo'o. Penotoa-penotoa o riang waktau tobo'o kemliak Tuhan.

ROMA 5:20

Tapi hukum agamo Yahudi tenambeak, supayo pelanggaran jijai tambeak dau; ngen neak ipen duso tambeak dau, neak di kasih karunia jijai berlimpah.

LUKAS 24:40

Samo madeak awei'o, Si kemten tangen ngen kekea-Ne ngen tobo'o.

LUKAS 9:41

Yesus jemawab, “Padeak kejijai udi yo! Udi sungguak tun-tun de nyeleweng ngen coa masai! Sapei tengen Uku harus tinggea besamo udi ngen besabar te'adep udi? Mbin anoknu o moi miyo!”

MARKUS 9:19

Mako nadeak Yesus ngen tobo'o, “Hoi udi tun-tun de coa masai, kedau ke'an igai Uku harus tinggea neak antaro udi? Kedau ke'an igai Uku harus sabar teadep udi? Mbin ba anok'o minyo!”

MATIUS 17:17

Yesus jemawab, “Coa nien udi yo! Udi sungguak tun-tun de telo ulau ngen coa pecayo. Sapei tengen Uku mestai tinggea besamo udi ngen mestai sabar teradep udi? Mbin anok'o miyo!”

LUKAS 24:39

Keliakba tangen-Ku ngen kekea-Ku: Uku suangba dio; naboba Uku ngen keliakba, kerno atau coa ade daging ngen telanne, awei de udi keliak ade pado-Ku.”

YOHANES 20:28

Tomas jemawab Si, “Au Tuhanku ngen Allahku!”