YOHANES 20:2 - JANJAI BLAU Lem Bahaso Jang Bebilai

² Si melilai magea Simon Petrus ngen penotoa de luyen, de kenasiak Yesus. Maria madeak ngen tobo'o, “Tuhan bi nemok tun kunei kubuane ngen keme coa namen neak ipe Si nepek.”

YOHANES 20:2 ပူးပေါင်းရင်းမြစ်များ

YOHANES 13:23

Saleak suang neak antaro penotoa Yesus, adeba penotoa de kemasiak-Ne, nyandea pa'ok-Ne, depeak kanen-Ne.

YOHANES 19:26

Waktau Yesus kemliak indok-Ne ngen penotoa-Ne de kemasiak-Ne neak depeakne, madeakba Si ngen indok-Ne, “Indok, dioba, anoknu!”

YOHANES 20:13

Nadeak malaikat-malaikat o ngen si, “Indok, getai ko ngindoi?” Jawab Maria ngen tobo'o, “Tuhanku bi mok tun ngen uku coa namen neak ipe Si nepekne.”

YOHANES 20:15

Nadeak Yesus ngen si, “Indok, getai ko ngindoi? Api de ko mesoa?” Maria sako tun o penjago taman, lajau madeak ngen-Si, “Tuan, amen tuan de mok Si, nadeakba ngen uku, neak ipe tuan mpek-Ne, supayo uku dapet mok-Ne.”

YOHANES 20:9

Sebab seke'an o tobo'o ati ngertai isai Kiteb Sucai de madeak, bahwo Si arus idup igai kunei antaro tun matei.)

YOHANES 21:20

Waktau Petrus jemling, si kemliak bahwo penotoa de kenasiak Yesus gidong temotoa, adeba penotoa de pado waktau tobo'o gidong mukmei serpok temot pa'ok Yesus ngen de madeak, “Tuhan, api si de bakea semreak Ko?”

YOHANES 21:24

Siba penotoa de saksai tetang kutene yo ngen de sudo tenulisne ngen ite namen, bahwo saksaine o benea.

YOHANES 21:7

Lajau penotoa de kemasiak Yesus o madeak ngen Petrus, “Do'o Tuhan.” Ketiko Petrus temi'uk bahwo do'o adeba Tuhan, mako si makei keracokne, sebab si coa makei bajau, lajau tejun moi lem daneu.