YOHANES 20:19 - JANJAI BLAU Lem Bahaso Jang Bebilai

¹⁹ Waktau bilai bi kelemen pado bilai pertamo minggau o kopoaba penotoa-penotoa Yesus neak do penan ngen bang-bang de tekucai kerno tobo'o saben ngen tobo penguaso Yahudi. Pado waktau o tekoba Yesus ngen je neak tengeak-tengeak tobo'o ngen madeak, “Damoi sejahtera utuk udi!”

YOHANES 20:19 ပူးပေါင်းရင်းမြစ်များ

MATIUS 10:13

Amen tun-tun neak umeak'o temimo udi, kunyauba salamnu'o tep ngen tobo'o. Tapi amen tobo'o coa temimo udi, mokba igai salamnu'o.

MATIUS 18:20

Sebab neak ipe duai atau telau tun bekopoa kerno Uku, Uku ade neak tengeak-tengeak tobo'o.”

MARKUS 16:14

Akhirne Si kemten dirai ngen sebelas tun'o ketiko tobo'o gidong mukmei, ngen Si coa masai ngen telo atei tobo'o, kerno tobo'o coa masai ngen tun-tun de sudo kemliak Si sesudo Si idup igai.

YOHANES 14:27

Damoi sejahtera Uku melei utuk udi. Damoi sejahtera-Ku Uku melei ngen udi, jano de Uku melei coa awei de nelei kunei dunio ngen udi. Jibeakba liseak ngen saben atei nu.

YOHANES 16:22

Awei'o kulo udi uyo payeak atei, tapi Uku bakea kemliak udi igai ngen ateinu bakea riang, coa ade suang kulo de dapet mbut keriang nu'o kunei udi.

YOHANES 16:33

Kutene o Uku madeak ngen udi, supayo udi dapet damoi sejahtera lem Uku. Neak dunio udi bakea saro. Tapi kenuetba ateinu! Uku bi maleak dunio!”

YOHANES 20:21

Lajau nadeak Yesus debat igai, “Damoi sejahtera utuk udi! Serai awei Bapa mutus Uku, awei o kulo uyo Uku mutus ko.”

YOHANES 20:26

Lapen bilai sesudo'o penotoa-penotoa Yesus ade igai lem umeak o ngen Tomas sesamo ngen tobo'o. Sementaro bang-bang tekucai, Yesus teko ngen je neak tengeak-tengeak tobo'o ngen madeak, “Damoi sejahtera utuk udi!”

YOHANES 21:1

Sesudo'o Yesus kemten dirai igai ngen penotoa-penotoa-Ne neak patoi Daneu Tiberias ngen Si kemten dirai awei berikut.

YOHANES 21:14

Do'oba ketelau kilaine Yesus kemten dirai ngen penotoa-penotoa-Ne sesudo Si idup igai kunei antaro tun matei.

YOHANES 7:13

Coa suang kulo de binai madeak seca'o tete'ang tetang Si kerno saben te'adep tobo penguaso Yahudi.

KISAH RASUL-RASUL 1:3

Sesudo Si matei, selamo pat puluak bilai Si cet kemten dirai ngen ca'o tete'ang ngen rasul-rasul o bahwo Si benea-benea idup. Tobo'o kemliak Si, Si miling ngen tobo'o awei ipe Allah meriteak awei Rajo.

ROMA 15:33

Mudah-mudahan Allah, de melei sejahtera ngen manusio, semerto saudaro kutene. Amin.

1 KORINTUS 15:5

Uku melei namen kulo ngenko bahwo Kristus de idup igai kemten kulo dirai-Ne ngen Petrus lajau ngen keduai belas rasul.

EFESUS 2:14

Sebab Kristus suang adeba damoi sejahtera ite. Si jemijai do tun-tun Yahudi ngen tun-tun iso Yahudi jijai do bangso. Tembok pemisah antaro tobo'o, adeba permusuhan, bi najua-Ne ngen semreak dirai-Ne suang jijai saro.

EFESUS 6:23

Damoi sejahtera ngen kasih ngen imen kunei Allah Bapa ngen kunei Tuhan Yesus Kristus semerto udi kutene.

FILIFI 1:2

ma'ep semoga Allah Bapa ite ngen Tuhan Yesus Kristus melei berkat ngen sejahtera ngen udi.

2 TESALONIKA 3:16

Tuhan adeba sumber kesejahteraan ite. Semoga Si bogoa melei ngen udi sejahtera lem kute hal. Semoga Tuhan semerto Saudaro kutene.

IBRANI 7:2

Mako Abraham melei ngen Melkisedek puluak persen kunei kute jano de nbutne. (Gen Melkisedek taine, pertamo-tamo, “Rajo Keadilan”; ngen kerno si rajo kunei Salem, mako genne kulo taine “Rajo Sejahtera”.)

3 YOHANES 1:14

Uku ma'ep cigai an igai bakea temau ngen udi, ite bakea miling langsung.

WAHYU 1:4

Saudaro-saudaro de ade neak ketujuak jemaat neak daerah Asia! Uku, Yohanes, ma'ep udi nelei berkat ngen sejahtera kunei Allah – adeba Si de ade, de sudo ade, ngen de ade seterusne – ngen kulo kunei ketujuak roh de ade neak adep takhta Allah,