De us neak taneak de bebutau o siba tun-tun de sesudo temi'uk firman o, temimone ngen riang, tapi tobo'o o coa balet, tobo'o masai tegoa bae ngen lem maso pencobaan tobo'o murtad.
Si teko pado waktau kelemen ngen Yesus ngen madea, “Rabi, keme namen, bahwo Ko teko sebagoi gu'au de nutus Allah; sebab coa ade suang tun de dapet menea mujizat-mujizat de Ko nea'o, amen Allah coa semertonu.”
Tapi Uku temuan suatu saksai de lebiak peting kunei saksai Yohanes, adeba kute kerjo de senereak Bapa ngen Uku, supayo Uku kemerjone. Kerjo o kulo de kenerjo-Ku uyo, ngen do o ba de melei saksai tetang Uku, bahwo Bapa de mutus Uku.
Tapi neak antaro tun dau o ade dau de pecayo ngen-Si ngen tobo'o madeak, “Amen Kristus teko, mukin Si bakea menea lebiak dau tando mujizat kunei de sudo nea-Ne yo?”
De Si periteak ngen ite adeba: Ite harus pecayo ngen Anok-Ne, adeba Yesus Kristus, ngen ite harus sesamo mengasiak, awei de sudo neriteak Kristus ngen ite.