YOHANES 2:16 - JANJAI BLAU Lem Bahaso Jang Bebilai

¹⁶ Yesus madeak ngen pedagang-pedagang burung daro'o, “Mok kutene yo kunei piyo. Jibeak udi menea Umeak Bapa-Ku ijai penan jagea!”

YOHANES 2:16 ပူးပေါင်းရင်းမြစ်များ

MATIUS 21:12

Lajau Yesus masuk moi Bait Allah tun Yahudi ngen musir kute tun de jagea ngen de nukua neak di. Si musak mija-mija penan mukar caci ngen baku-baku tukang jagea burung daro.

MATIUS 21:13

Lajau Si madeak ngen tun-tun'o, “Lem kiteb tetulis, ‘Bahwa Allah madeak umeak-Ku bakea de senbut umeak penan bedu'o.’ Tapi ko je mijaine sa'ang perapok!”

MATIUS 22:5

Tapi tamu-tamu de nundang'o, coa miraune. Tobo'o lalau moi penan kerjone dewek-dewek; di kup moi kebunne de luyen murus usahone;

MARKUS 11:17

Lajau Si majea tobo'o, nadeak-Ne, “Iso ade tetulis: Umeak-Ku bakea sembut umeak du'o utuk kute bangso? Tapi udi yo bi jemijaine penan perapok!”

LUKAS 2:49

Yesus jemawab, “Getai tiak ngen indok mesoa Uku? Jano tiak ngen indok coa namen Uku arus ade neak lem umeak Bak-Ku?”

YOHANES 10:29

Bak-Ku, de melei tobo'o ngen Uku, lebiak lai kunei api bae, ngen coa suang tun dapet mok tobo'o kunei tangen Bak.

YOHANES 2:15

Yesus menea cambuk kunei tilai lajau musir kute benatang kunei Bait Allah baik sapai, bebirai. Mija-mija penan tukar caci genulekne.

YOHANES 20:17

Nadeak Yesus ngen si, “Jibeakba ko megong Uku, sebab Uku ati kenek ngen Bapa. Tapi lalauba ngen pasuak-pasuak-Ku ngen nadeakba ngen tobo'o bahwo uyo Uku bakea lalau ngen Bapa-Ku ngen Bapa-Nu, Allah-Ku ngen Allahnu.”

YOHANES 5:17

Tapi Si madeak ngen tobo'o, “Bapa-Ku kerjo sapei uyo, mako Uku kerjo kulo.”

YOHANES 8:49

Jawab Yesus, “Uku coa pasuk semat. Tapi Uku mego Bapa-Ku ngen udi coa mego Uku.

1 TIMOTIUS 6:5

ngen selisiak de coa sudo-sudone. Dalen pekeran tun-tun o bi kepak ngen coa benea igai. Sako tobo'o nam kayo kunei agamo.

2 PETRUS 2:3

Kerno serakahne gu'au-gu'au palsu o bakea beusaho mesoa utung kunei ko ngen nandei-nandei tobo'o. Tapi utuk plep tobo'o o ukuman bi an tesedio ngen kebinasaan coa bakea buye.