YOHANES 19:9 - JANJAI BLAU Lem Bahaso Jang Bebilai

⁹ lajau si masuk igai moi lem istana gubernur, madeak ngen Yesus, “Kunei ipe asal-Nu?” Tapi Yesus coa melei jawab ngen si.

YOHANES 19:9 ပူးပေါင်းရင်းမြစ်များ

MATIUS 26:63

Tapi Yesus diem bae. Lajau nadeak imem lai'o ngen Yesus, “Kerno Allah'o idup, nadeakba ngen keme, jano Ko Rajo Penyelamat, Anok Allah atau coa?”

MATIUS 27:27

Sudo'o prajurit-prajurit Pilatus mbin Yesus masuk moi umeak Gubernur ngen kute pasukan tentra bekopoa neak kliling Yesus.

LUKAS 23:9

Si dau betanye ngen Yesus, tapi Yesus coa melei jemawab jejano.

YOHANES 18:28

Sesudo'o, tobo'o mbin Yesus kunei Kayafas moi istana gubernur. Waktau'o bilai masiak pueng. Tobo'o suang coa masuk moi istana gubernur'o, supayo jibeak jijai najis, sebab tobo'o lok mbuk Paskah.

YOHANES 18:33

Pilatus masuk igai moi lem istana gubernur, lajau menok Yesus ngen betanye, “Jano Ko Rajo tun Yahudi?”

YOHANES 18:34

Jawab Yesus, “Jano ko nadeak hal o kunei ateinu suang, jano tun luyen de madeak ngen ko tetang Uku?”

YOHANES 18:37

Lajau nadeak Pilatus ngen Si, “Jijai Ko adeba rajo?” Jawab Yesus, “Ko madeak bahwo Uku adeba rajo. Utuk do'o ba Uku laher ngen utuk do'oba Uku teko moi lem dunio yo, supayo Uku melei saksai tetang de benea. Tiep tun de berasal kunei de benea temi'uk sa'ei-Ku.”

YOHANES 19:10

Kerno o, nadeak Pilatus ngen Si, “Ko coa lok miling ngen uku? Coa ko namen bahwo Uku bekuaso utuk mbebas Ko, ngen bekuaso kulo utuk semalib Ko?”

YOHANES 19:8

Waktau Pilatus temi'uk kecek o si betambeak saben,

YOHANES 8:14

Jawab Yesus, “Uku besaksai tetang dirai-Ku suang, tapi saksai-Ku o benea, sebab Uku namen, kunei ipe Uku teko ngen moi ipe Uku lalau. Udi coa namen kunei ipe Uku teko ngen moi ipe Uku lalau.

FILIFI 1:28

Lokba udi bogoa binai; jibeak saben te'adep lawen-lawennu. Ngen awei o udi melei bukti bahwo tobo'o paset bakea aleak, ngen udi bakea menang, kerno Allah suangba de melei kemenangan ngen udi.