YOHANES 19:17 - JANJAI BLAU Lem Bahaso Jang Bebilai

¹⁷ Samo mikoa salib-Ne Si lalau moi luea neak penan de genne “Penan Tengkorak”. (Lem bahaso Ibrani: Golgota.)

YOHANES 19:17 ပူးပေါင်းရင်းမြစ်များ

LUKAS 23:33

Ketiko tobo'o sapei neak penan de genne “Tebo Krokong”, tobo'o semalib Yesus neak di ngen kulo keduai tun penjahat o, de suang neak depeak kanen-Ne ngen de luyen neak depeak kideu-Ne.

LUKAS 14:27

Tun de coa lok musung salibne ngen temotoa Uku, coa dapet jijai penotoa-Ku.

LUKAS 23:26

Ketiko tobo'o mbin Yesus, tobo'o tema'en suang de genne Simon kunei Kirene, de blau teko kunei luea kota, lajau neletok salib o neak das bau ne, supayo nusungne samo temotoa Yesus.

KISAH RASUL-RASUL 7:58

Tobo'o seme'et si moi luea kota sudo'o melukne ngen butau. Tun-tun de kemliak kejijai o temaruak keracok tobo'o pado suang tun uai genne Saulus.

MARKUS 15:32

Baikba Rajo Penyelamat, Rajo Israel o, tu'un kunei salib'o uyo supayo ite kemliak ngen masai.” Keduai tun o kulo de senalib besamo-samo ngen-Si mino Si kulo.

LUKAS 23:38

Ade kulo tulisan neak das ulau-Ne, “Dioba Rajo Tun Yahudi.”

LUKAS 9:23

Nadeak-Ne ngen tobo'o kute, “Tiep tun de lok temotoa Uku harus muker diraine, musung salibne tiep bilai ngen temotoa Uku.

MARKUS 15:26

Alasan getai Si nukum senbut neak tulisan de nasang neak di, “Rajo Tun Yahudi.”

MARKUS 10:21

Tapi Yesus kemliak si ngen meding ibo ngen Si, lajau madeak ngen si, “Cuma do igai kekurangan udi. Lalauba, jenua ba jano de udi temuan ngen neleiba'o ngen tun-tun peset, mako ko bakea dapet herto neak surgo. Sesudo'o tekoba mio ngen totoaba Uku.”

MARKUS 8:34

Lajau Yesus menok tun dau ngen murid-murid-Ne, madeak ngen tobo'o, “Ti'ep tun de lok motoa Uku, si harus coa makau diraine, musung salibne ngen motoa Uku.

MATIUS 27:37

Neak das ulau-Ne tobo'o masang tando getai Si nukum de isaine, “Dioba Yesus Rajo tun Yahudi”.

MATIUS 16:24

Sesudo'o Yesus madeak ngen penotoa-penotoa-Ne, “Api kulo de lok lalau temotoa Uku, mestai melupo kelokne dewek, musung ke au salib-Ne ngen temotoa Uku tiep waktau.

MATIUS 10:38

Tun de coa lok musung salibne ngen temotoa Uku, si coa patut ijai penotoa-Ku.

YOHANES 5:2

Neak Yerusalem pa'ok Pintu Gerbang Bebirai ade do kulam, de lem bahaso Ibrani senbut ngen Betesda; ade lemo pematangne.

YOHANES 19:13

Waktau Pilatus temi'uk kecek o, si meluak mbin Yesus keluea, si temot das kersai pengadilan, neak penan genne Litostrotos, lem bahaso Ibrani Gabata (Tai ne: Kea butau).