YOHANES 18:28 - JANJAI BLAU Lem Bahaso Jang Bebilai

²⁸ Sesudo'o, tobo'o mbin Yesus kunei Kayafas moi istana gubernur. Waktau'o bilai masiak pueng. Tobo'o suang coa masuk moi istana gubernur'o, supayo jibeak jijai najis, sebab tobo'o lok mbuk Paskah.

YOHANES 18:28 ပူးပေါင်းရင်းမြစ်များ

MATIUS 27:27

Sudo'o prajurit-prajurit Pilatus mbin Yesus masuk moi umeak Gubernur ngen kute pasukan tentra bekopoa neak kliling Yesus.

MARKUS 15:16

Sesudo'o tentra-tentra mbin Yesus neak latet istana, de adeba penan tinggea Gubernur, ngen menok kute pasukan bekopoa.

LUKAS 22:66

Sesudo bilai pueng pemipin-pemipin Yahudi, imem-imem kepalo ngen gu'au-gu'au agamo bekopoa lajau Yesus nembin moi adep Mahkamah Agamo tobo'o.

YOHANES 11:55

Pado waktau o bilai rayo Paskah tun Yahudi bi pa'ok ngen dau tun kunei negrai o berakat moi Yerusalem utuk semucai dirai ayok Paskah o.

YOHANES 18:13

Mulo-mulo tobo'o mbinne ngen Hanas adeba setuang Kayafas de pado taun o jijai Imem Lai.

YOHANES 18:15

Simon Petrus ngen suang penotoa luyen temotoa Yesus. Penotoa o kemnal Imem Lai ngen si masuk sesamo-samo ngen Yesus moi latet Istana Imem Lai,

YOHANES 18:33

Pilatus masuk igai moi lem istana gubernur, lajau menok Yesus ngen betanye, “Jano Ko Rajo tun Yahudi?”

YOHANES 18:39

Tapi pado udi ade kebiasoan bahwo pado Bilai Paskah Uku mbebas suang utuknu. Lok udi, supayo Uku mbebas rajo tun Yahudi utuknu?”

YOHANES 19:11

Yesus jemawab, “Ko coa temuan kuaso jano bae te'adep Uku, amen kuaso o coa nelei ngen ko kunei das. Sebab'o Si de semreak Uku ngen-Ko lebiak lai dusone.”

YOHANES 19:14

Bilai o bilai persiapan Paskah, kekiro jam duai belas. Nadeak Pilatus ngen tun-tun Yahudi o, “Kemliakba rajonu!”

YOHANES 19:9

lajau si masuk igai moi lem istana gubernur, madeak ngen Yesus, “Kunei ipe asal-Nu?” Tapi Yesus coa melei jawab ngen si.

KISAH RASUL-RASUL 10:28

Lajau si madeak ngen tobo'o, “Udi suang namen bahwo tun Yahudi coa buliak lem agamone utuk magea atau begaul ngen tun-tun kunei bangso luyen. Tapi Allah sudo melei namen ngen uku bahwo uku coa buliak manggep api bae najis atau haram.

KISAH RASUL-RASUL 10:32

Kerno'o, neluakba tun moi Yope utuk demapet Simon de senbut Petrus; si gidong temalem neak umeak Simon, suang pengrajin babok, de tinggea neak pengger laut.

KISAH RASUL-RASUL 11:3

Tobo'o madeak, “Getai ko lalau moi umeak tun-tun de ati senunat? Ko mala mukmei kulo besamo-samo ngen tobo'o?”

KISAH RASUL-RASUL 3:13

Allah Abraham, Ishak ngen Yakub, Allah ninik puyang ite bi mulio Hamba-Ne, adeba Yesus de udi senreak ngen tulok neak adep Pilatus, kunyau Pilatus mutus utuk melpas Si.

KISAH RASUL-RASUL 4:27

Sebab Herodes ngen Pontius Pilatus bi menea pertemuan ngen tun-tun de coa kemnal Tuhan ngen tun-tun Israel neak kota yo. Tobo'o temau utuk melawen Yesus Hambo-Nu de sucai o, de sudo Ko maket jijai Rajo Penyelamat.