YOHANES 18:11 - JANJAI BLAU Lem Bahaso Jang Bebilai

¹¹ Nadeak Yesus ngen Petrus, “Seno'ong pedangnu o; iso Uku arus menem derito de nelei Bapa ngen-Ku?”

YOHANES 18:11 ပူးပေါင်းရင်းမြစ်များ

MATIUS 20:22

“Udi coa namen jano de udi minoi,” nadeak Yesus ngen tobo'o. “Jano udi sanggup menem kunei caker derito de mestai Uku menem yo?” “Sanggup,” tobo'o jemawab.

MATIUS 26:39

Mako Yesus lalau lebiak uak didik, lajau sujud ngen bedu'o, nadeak-Ne, “Au Bak-Ku, amen buliak ne'uakba kunei-Ku derita de mestai Uku temanggung. Jibeakba awei de Ku kemlok, tapi awei de Bak kemlok.”

MATIUS 26:42

Debat igai Yesus beduo, nadeak-Ne, “Au Bak-Ku derita yo mestai Uku temanggung, ngen coa dapet Uku me'uak, kunyauba kelok Bak jijai.”

LUKAS 12:30

Kute o nesoa bangso-bangso neak dunio de coa kemnal Allah. Tapi Bapanu namen, bahwo udi memang perlu kutene o.

LUKAS 22:42

Nadeak-Ne, “Au Bapa-Ku, amen Ko lok, mokba saro yo kunei pado-Ku; tapi isoba kelok-Ku, tapi kelok-Nuba de tejijai.” [

YOHANES 15:10

Amen udi temotoa periteak-Ku, udi bakea tinggea neak lem kasiak-Ku, awei Uku temotoa periteak Bapa-Ku ngen tinggea neak lem kasiak-Ne.

YOHANES 17:24

Au Bapa, Uku lok supayo, neak ipe bae Uku ade, tobo'o kulo ade sesamo ngen Uku, tobo'o de sudo Ko melei ngen-Ku, supayo tobo'o kemliak kemulio-Ku de sudo Ko melei ngen-Ku, sebab Ko bi mengasiak Uku ayok dunio jenijai.

YOHANES 18:36

Jawab Yesus, “Kerajaan-Ku iso kunei dunio yo. Amen Kerajaan-Ku kunei dunio yo, paset pelayan-pelayan-Ku bi melawen, supayo Uku jibeak semreak ngen tun Yahudi. Tapi Kerajaan-Ku iso kunei dunio yo!”

YOHANES 20:17

Nadeak Yesus ngen si, “Jibeakba ko megong Uku, sebab Uku ati kenek ngen Bapa. Tapi lalauba ngen pasuak-pasuak-Ku ngen nadeakba ngen tobo'o bahwo uyo Uku bakea lalau ngen Bapa-Ku ngen Bapa-Nu, Allah-Ku ngen Allahnu.”

2 KORINTUS 10:4

Senatai-senatai keme lem perjuangan iso senjato duniawi, meluyen senjato de lengkap ngen kuaso Allah, de sanggup utuk mubuak benteng-benteng.

2 KORINTUS 6:7

serto ngen melei namen bito de kunei Allah ngen kuaso Allah, keme melei namen bahwo keme yo adeba hamba-hamba Allah. Keme bepegong ngen kelok Allah sebagai senatai keme utuk semrang atau utuk mbela dirai.

IBRANI 12:2

Kenlokba pandangan te tetujuak ngen Yesus, sebab Siba de mbangkit imen te ngen meliharo kunei muloi sapei sudo. Yesus taen saro neak kiyeu salib! Si cao pedulai bahwo matei neak kiyeu salib o adeba debuak hal de semelek. Si cuma inget akan kegembiraan de bakea de neding-Ne sesudo'o. Uyo si temot neak depeak kanen takhta Allah ngen meriteak besamo ngen Si.