YOHANES 17:4 - JANJAI BLAU Lem Bahaso Jang Bebilai

⁴ Uku bi mulio Ko neak bumai ngen semlesei kerjo de Ko melei ngen-Ku utuk uku meneane.

YOHANES 17:4 ပူးပေါင်းရင်းမြစ်များ

LUKAS 22:37

Sebab Uku madeak ngen udi, bahwo ayat Kiteb Sucai yo arus gennep pado-Ku. Si bakea te'itung neak antaro pembrutak-pembrutak. Sebab jano de tetulis tetang Uku gidong gennep.”

YOHANES 12:28

Bak, de mulio ba gen-Nu!” Lajau temi'uk sa'ei kunei surgo, “Uku bi mulione ngen Uku bakea mulione igai!”

YOHANES 14:13

Jano bae de udi minoi lem gen-Ku, Uku bakea kemerjone, supayo Bak nujai lem Anok.

YOHANES 14:31

Tapi dunio arus namen bahwo Uku mengasiak Bapa ngen bahwo Uku kemerjo kutene awei de neriteak Bapa ngen Uku. Klongonba, maroba ite lalau kunei piyo.”

YOHANES 15:10

Amen udi temotoa periteak-Ku, udi bakea tinggea neak lem kasiak-Ku, awei Uku temotoa periteak Bapa-Ku ngen tinggea neak lem kasiak-Ne.

YOHANES 19:28

Sesudo'o, kerno Yesus namen bahwo kute sesuaktau bi selsei, madeakba Si – supayo tejijai de tenulis lem Kiteb Sucai –: “Uku aus!”

YOHANES 19:30

Sesudo Yesus menem anggur pi'iak'o madeakba Si, “Sudo selsei.” Lajau Si temunduk ulau-Ne ngen semreak nyabai-Ne.

YOHANES 4:34

Nadeak Yesus ngen tobo'o, “Kembuk-Ku adeba menea kelokne de mutus Uku ngen semelesei kerjo-Ne.

YOHANES 5:36

Tapi Uku temuan suatu saksai de lebiak peting kunei saksai Yohanes, adeba kute kerjo de senereak Bapa ngen Uku, supayo Uku kemerjone. Kerjo o kulo de kenerjo-Ku uyo, ngen do o ba de melei saksai tetang Uku, bahwo Bapa de mutus Uku.

YOHANES 9:3

Jawab Yesus, “Iso si ngen iso kulo tun tuaine, tapi supayo tun nam kemliak kuaso Allah bekerjo neak lem diraine.

KISAH RASUL-RASUL 20:24

Tapi uku coa dulai ngen idupku yo, asal uku dapet semlesei tugas de Tuhan Yesus nelei ngen uku, asal uku setia sapei uku matei utuk melei namen Bito Baik o tetang anugrah Allah.

2 TIMOTIUS 4:7

Uku bi milau pertandingan ngen sebaik-baikne, uku bi sapei moi garis akher. Uku tep setia ngen Kristus sapei akher.