YOHANES 17:3 - JANJAI BLAU Lem Bahaso Jang Bebilai

³ Dioba idup de kekal, adeba bahwo tobo'o kemnal Bapa, dedone Allah de benea, ngen kemnal Yesus Kristus de sudo nutus Bapa.

YOHANES 17:3 ပူးပေါင်းရင်းမြစ်များ

MARKUS 9:37

“Api semambut su'ang anok awei yo lem gen-Ku, si semambut Uku. Ngen api semambut Uku, iso Uku de senambutne, tapi Si de mutus Uku.”

LUKAS 9:48

Lajau Si madeak ngen murid-murid-Ne, “Tun de temimo anok yo kerno Uku, taine temimo Uku. Ngen tun de temimo Uku, temimo Si de mutus Uku. Sebab tun de titik neak antaro udi, siba de paling lai!”

YOHANES 10:36

Masiak udi madeak ngen Si de senucai ngen Bak ngen de sudo nutus-Ne moi lem dunio. Ko mino Allah! Kerno Uku bi madeak: Uku anok Allah?

YOHANES 11:42

Uku namen bahwo Ko bogoa temi'uk Uku, tapi kerno tun dau de je neak yo gemlung Uku, Uku madeakne, supayo tobo'o pecayo bahwo Ko ba de sudo mutus Uku.”

YOHANES 14:26

Tapi penulung, adeba Roh Sucai, de bakea nutus Bapa lem gen-Ku. Siba de bakea ngajea kute sesuaktau ngen udi ngen bakea minget udi kute de sudo Uku madeak ngen udi.

YOHANES 17:18

Serai awei Bapa bi mutus Uku moi lem dunio, awei'o kulo Uku bi mutus tobo'o moi lem dunio.

YOHANES 17:21

Supayo tobo'o kute jijai do, serai awei Ko, au Bapa, neak lem ite, supayo dunio pecayo bahwo Ko ba de sudo mutus Uku.

YOHANES 17:23

Uku neak lem tobo'o ngen Ko neak lem Uku supayo tobo'o bebenea jijai do, supayo dunio namen bahwo Ko de mutus Uku ngen Ko mengasiak tobo'o, serai awei Ko mengasiak Uku.

YOHANES 17:25

Au Bapa de adea, memang dunio coa kemnal Ko, tapi Uku kemnal Ko, tobo'o namen bahwo Ko ba de sudo mutus Uku.

YOHANES 17:8

Sebab kute firman de Ko semapei ngen Uku bi Uku semapei, ngen tobo'o bi temimo-Ne. Tobo'o bebenea namen bahwo Uku teko kunei Ko ngen tobo'o pecayo bahwo Ko ba de sudo mutus Uku.

YOHANES 3:17

Sebab Allah mutus Anok-Ne moi lem dunio iso utuk makim dunio, tapi utuk semlamatne.

YOHANES 3:34

Sebab api de nutus Allah, Siba de senapei Firman Allah, kerno Allah melei karunio Roh-Ne ngen ade batas.

YOHANES 5:44

Awei ipe koi dapet pecayo, amen udi de temimo hormat suang tun kunei de luyen, ngen coa mesoa hormat de teko kunei Allah de Esa?

YOHANES 6:57

Bapa de idup o, mutus Uku ngen Uku kulo idup kunei Bapa. Awei o kulo tun de mbuk daging-Ku bakea idup kunei Uku.

YOHANES 7:29

Uku namen Si, sebab Uku teko kunei Si, ngen Siba de mutus Uku.”

YOHANES 8:19

Lajau nadeak tobo'o ngen Si, “Neak ipe Bapa-Nu?” Jawab Yesus, “Baik Uku jano Bapa-Ku coa udi namen. Sekirone udi namen Uku, udi namen kulo Bapa-Ku.”

1 KORINTUS 15:34

Sadarba uyo, ngen jibeak igai menea duso. Seharusne udi selek, bahwo neak antaro udi ade de ati kemnal Allah.

1 KORINTUS 8:4

Tetang persoalan kembuk de sudo sendekeak ngen patung, ite namen bahwo patung jijai lambang de sebeneane coa gen. Ite namen kulo bahwo Allah cuma do; coa gen de luyen.

2 KORINTUS 4:6

Allah de madeak, “Lokba kunei kelem timboa te'ang,” Siba de menea te'ang-Ne becahayo neak lem ateite, supayo ite dapet te'ang kunei pengetahuan tetang kemulioan Allah de keten neak papea Kristus.

FILIFI 3:10

Do-done de uku lok adeba supayo uku kemnal Kristus, ngen meding kuaso de midup Si kunei matei. Uku lok milau saro ngen Si ngen jijai serai awei Si lem hal kematian-Ne.

FILIFI 3:8

Iso bae hal-hal o; tapi kute sesuaktau uku manggap sebagoi hal-hal de cuma jijai rugai bae. De uku temuan uyo yo adeba lebiak bego: adeba kemnal Kristus Yesus, Tuhanku. Kerno Kristus, mako uku bi temanggea kekutene. Uku anggap kutene o sebagoi sampah bae, supayo uku dapet Kristus,

1 TESALONIKA 1:9

Kute tun miling tetang awei ipe udi temimo keme ketiko keme bel'o teko ngen udi. Tobo'o miling tetang awei ipe udi teminggea patung-patung, teko ngen do-done Allah de idup utuk mengabdi ngen-Si.

2 TESALONIKA 1:8

ngen menea pembalasan te'adep tobo'o de coa lok kemnal Allah ngen coa taat ngen Bito Baik tetang Yesus Tuhan ite.

IBRANI 3:1

Saudaro-saudaro sesamo Kristen de sudo nok Allah! Cubo peker lem-lem tetang Yesus yo! Allah mutus Si khusus utuk jijai Imem Lai lem agamo de ite pegong.

2 PETRUS 1:2

Semoga Allah melei berkat ngen sejahtera ngen udi seca'o berlimpah, sebab udi kemnal Allah ngen Yesus, Tuhan ite.

2 PETRUS 1:3

Allah bi makei kuaso ilahi-Ne utuk melei ngen ite kute de ite perlu utuk idup beribadah. Si menea yo liwet jano de ite namen tetang Yesus Kristus, de sudo menok ite utuk menikmati kebesaran ngen kebaikan-Ne.

2 PETRUS 1:8

Kutene o adeba sifet-sifet de udi perlu. Amen sifet-sifet o ade padonu ngen berlimpah-limpah, udi bakea jijai giat ngen berasea, ngen kemnal Yesus Kristus Tuhan ite ngen lebiak baik igai.

1 YOHANES 1:2

Ketiko idup o ade, keme kemliakne. Do'oba sebabne keme melei saksai tetang si. Keme melei namen ngen udi tetang hidup sejati ngen kekal, de ade besamo Bapa, de sudo nelei ngen keme.

1 YOHANES 1:3

Jano de sudo keme kemliak ngen temi'uk, do'oba kulo de keme melei namen ngen udi, supayo udi ngen keme besamo-samo idup jijai do ngen Bapa ngen Anok-Ne Yesus Kristus.

1 YOHANES 2:23

Tun de coa makau Anok, taine coa temimo Bapa kulo. Tun de makau Anok, taine temimo Bapa kulo.

1 YOHANES 4:6

Tapi ite adeba anok-anok Allah; ngen tun de kemnal Allah, temi'uk kecek ite. Tun de iso de Allah temuan, coa temi'uk kecek ite. Awei'oba ca'one ite namen perbedaan Roh de melei ajaran de benea, ngen roh de menea seset.

1 YOHANES 5:20

Ite namen bahwo Anok Allah bi teko ngen sudo melei pengertian ngen ite, supayo ite kemnal Allah de benea. Ite idup jijai do ngen Allah de benea ngen idup jijai do ngen anok-Ne Yesus Kristus, dioba Allah de benea, ngen dioba idup sejati ngen kekal.