YOHANES 17:24 - JANJAI BLAU Lem Bahaso Jang Bebilai

²⁴ Au Bapa, Uku lok supayo, neak ipe bae Uku ade, tobo'o kulo ade sesamo ngen Uku, tobo'o de sudo Ko melei ngen-Ku, supayo tobo'o kemliak kemulio-Ku de sudo Ko melei ngen-Ku, sebab Ko bi mengasiak Uku ayok dunio jenijai.

YOHANES 17:24 ပူးပေါင်းရင်းမြစ်များ

MATIUS 25:21

‘Baes,’ nadeak tuan'o, ‘Ko adeba pelayan de baik ngen setia. Kerno ko dapet Uku pecayo ngen de didik, uku bakea pecayo dedau ngen ko. Masukba milem beriang-riang ngen uku!’

MATIUS 25:23

‘Baes,’ nadeak tuan'o, ‘Ko pelayan de baik ngen setia. Kerno ko dapet uku pecayo ngen de didik, uku bakea pecayo dedau ngenko. Masukba ngen milem beriang-riang ngen uku!’

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

MATIUS 26:29

Pecayoba: Uku coa bakea menem anggur yo igai sapei pado waktau Uku menem anggur de belau berpok ngen udi neak Dunio Belau Bak-Ku.”

LUKAS 12:37

Bahagiaba pelayan-pelayan de tuanne kemliak bejago-jago waktau si teko. Uku madeak ngen udi: sesungguakne si bakea meket pinggangne ngen meluak tobo'o temot mukmei, ngen si bakea teko mlayan tobo'o.

LUKAS 23:43

Nadeak Yesus ngen si, “Uku madeak ngen ko, sesungguakne bilai yo kulo bakea ade sesamo ngen Uku neak lem Firdaus.”

YOHANES 1:14

Firman'o bi jijai manusio, ngen tinggea neak antaro ite, ngen ite bi kemliak kemulioan-Ne adeba kemulioan de nelei ngen Si sebagoi Anok tunggea Bapa, penuak anugrah ngen de benea.

YOHANES 12:26

Api bae de mlayan Uku, si arus temotoa Uku, neak ipe Uku ade, neak di kulo pelayan-Ku ade. Api bae de mlayan Uku, si bakeane harmot Bak-Ku.

YOHANES 14:3

Amen Uku lalau moi di ngen bi semiyap penan utuknu. Uku bakea teko igai mbin udi moi penan-Ku, supayo neak penan Uku ade, udi kulo ade.

YOHANES 15:9

“Awei Bapa bi mengasiak Uku, awei o kulo uku bi mengasiak udi; tinggea ba udi lem kasiak-Ku o.

YOHANES 17:2

Serai awei Ko bi melei ngen Si kuaso das kute de idup, awei yo kulo Si bakea melei idup de kekal ngen kute de sudo Ko melei ngen Si.

YOHANES 17:22

Uku bi melei ngen tobo'o kemulio de Ko melei ngen-Ku, supayo tobo'o jijai do, serai awei Ite adeba do.

YOHANES 17:5

Uyo, au Bapa, mulio ba Uku neak hadirat-Nu suang ngen kemulioan de Uku temuan neak hadirat-Nu ayok dunio ade.

YOHANES 6:37

Kute de bi melei Bapa ngen Uku bakea teko ngen Uku, ngen api bae de teko ngen Uku, si coa bakea Uku muang.

YOHANES 6:39

Dioba kelok Si de sudo mutus Uku: adeba supayo kunai kute de sudo neleine ngen Uku jibeak ade de nyep, tapi supayo Uku midup igai pado Bilai Kiamat.

YOHANES 8:58

Nadeak Yesus ngen tobo'o, “Sesungguakne Uku madeak ngen udi, ayok Abraham ade, Uku bi ade.”

1 KORINTUS 13:12

Jano de ite kemliak yo adeba awei bayangan de kabur pado senno. Tapi konyo ite bakea kemliak langsung ngen jelas. Uyo uku ati namen kutene, tapi konyo uku bakea namen kutene serai awei Allah namen kutene tetang diraiku.

2 KORINTUS 3:18

Ite kutene adeba senno kemulioan Tuhan ngen papea de coa tenutup selikep. Kerno kemulioan o tekone kunei Tuhan de adeba Roh, mako ite dong nubeak jijai awei ngen gambar-Ne, lem kemulioan de tambeak lai.

2 KORINTUS 4:6

Allah de madeak, “Lokba kunei kelem timboa te'ang,” Siba de menea te'ang-Ne becahayo neak lem ateite, supayo ite dapet te'ang kunei pengetahuan tetang kemulioan Allah de keten neak papea Kristus.

2 KORINTUS 5:8

Do'o sebabne atei keme sabar. Keme lebiak riang keluea kunei awok keme yo, supayo dapet tinggea besamo Tuhan.

FILIFI 1:23

Uku desok kunei duai pihok. Uku lok nien teminggea dunio yo utuk lalau tinggea ngen Kristus, sebab do'oba de kebiak baik;

1 TESALONIKA 4:17

Sesudo'o, ite de masiak idup pado waktau o bakea besamo-samo naket ngen tobo'o lem embun-embun utuk temau ngen Tuhan neak udaro. Lajau ite bakea tinggea ngen Tuhan selamone.

1 PETRUS 1:21

Liwet Siba udi pecayo ngen Allah de sudo midup-Ne igai kunei matei ngen mengagungkan-Ne. Jijai, Allahba de udi pecayo ngen Allahba kulo udi mpek harapan.

1 YOHANES 3:2

Saudaro-saudaro de tecito! Ite uyo adeba anok-anok Allah, tapi keadaan ite be ati jelas. Tapi ite namen bahwo amen Kristus teko, ite bakea jijai awei Si, sebab ite bakea kemliak Si lem keadaan-Ne de sebeneane.

WAHYU 21:22

Uku coa kemliak Bait Sucai neak lem kota o, sebab Bait Sucaine adeba Tuhan su'ang, Allah De Mahakuaso, ngen Anok Bebirai o.

WAHYU 3:21

Tobo'o de menang, bakea Uku melei izin temot neak takhta-Ku besamo Uku, serai awei Uku suang bi menang ngen uyo temot besamo Bapa-Ku neak takhta-Ne.