YOHANES 17:2 - JANJAI BLAU Lem Bahaso Jang Bebilai

² Serai awei Ko bi melei ngen Si kuaso das kute de idup, awei yo kulo Si bakea melei idup de kekal ngen kute de sudo Ko melei ngen Si.

YOHANES 17:2 ပူးပေါင်းရင်းမြစ်များ

YOHANES 6:39

Dioba kelok Si de sudo mutus Uku: adeba supayo kunai kute de sudo neleine ngen Uku jibeak ade de nyep, tapi supayo Uku midup igai pado Bilai Kiamat.

YOHANES 6:37

Kute de bi melei Bapa ngen Uku bakea teko ngen Uku, ngen api bae de teko ngen Uku, si coa bakea Uku muang.

YOHANES 17:24

Au Bapa, Uku lok supayo, neak ipe bae Uku ade, tobo'o kulo ade sesamo ngen Uku, tobo'o de sudo Ko melei ngen-Ku, supayo tobo'o kemliak kemulio-Ku de sudo Ko melei ngen-Ku, sebab Ko bi mengasiak Uku ayok dunio jenijai.

MATIUS 28:18

Yesus maok tobo'o ngen madeak, “Kute kuaso neak surgo ngen neak bumai sudo senreak ngen Uku.

1 YOHANES 5:20

Ite namen bahwo Anok Allah bi teko ngen sudo melei pengertian ngen ite, supayo ite kemnal Allah de benea. Ite idup jijai do ngen Allah de benea ngen idup jijai do ngen anok-Ne Yesus Kristus, dioba Allah de benea, ngen dioba idup sejati ngen kekal.

YOHANES 17:9

Uku bedu'o utuk tobo'o. Iso utuk dunio Uku bedu'o, tapi utuk tobo'o, de sudo Ko melei ngen-Ku, sebab tobo'o adeba Ko temuan.

YOHANES 17:6

Uku bi kemnal Bapa ngen kute tun de Ko melei ngen-Ku kunei dunio. Tobo'o adeba Bapa temuan. Bapa bi melei tobo'o ngen-Ku ngen tobo'o bi temotoa firman-Nu.

YOHANES 4:14

Tapi api bae de menem bioa de bakea Uku melei, si coa bakea haus utuk seke'anne. Sebelekne bioa de bakea Uku melei, bakea jijai matai bioa neak lem dirai ne, de terus bae kemluea bioa sapei pado idup de kekal.”

YOHANES 3:35

Bapa kemasiak anok ngen bi semereak kute sesuatau ngen Si.

1 YOHANES 2:25

Dioba de jenanjai Kristus su'ang ngen ite: idup sejati ngen kekal.

1 PETRUS 3:22

ngen bi kenek moi surgo. Uyo si bekuaso besamo Allah ngen meriteak kute malaikat, kute penguaso serto kute kekuatan.

IBRANI 1:2

Tapi pado zaman akhir yo Si miling ngen ite liwet Anok-Ne. Liwet Anok-Ne dioba Allah jemijai alam semesta. Allah sudo temtau bahwo Anok-Ne ba kulo de berhok temuan kutene yo.

MATIUS 11:27

Lajau Yesus madeak, kute bi senreak Bak utuk-Ku, “Coa su'ang tun kemnal Anok seluyen Bak. Coa gen kulo de kemnal Bak seluyen Anok ngen tun-tun de niliak Anok'o utuk nelei namen api sebeneane Bak.

YUDAS 1:21

ngen idupba terus neak lem naungan kasih Allah selamo udi mbot rahmat Yesus Kristus Tuhan ite, de bakea melei ngennu idup sejati ngen kekal.

1 YOHANES 1:2

Ketiko idup o ade, keme kemliakne. Do'oba sebabne keme melei saksai tetang si. Keme melei namen ngen udi tetang hidup sejati ngen kekal, de ade besamo Bapa, de sudo nelei ngen keme.

1 TIMOTIUS 1:16

Tapi justru kerno'oba Allah mengasihi uku, supayo Kristus Yesus dapet kemten kute kesabaran-Ne te'adep uku, tun de kembiak beduso yo. Ngen dio jijai suaktau contoh utuk kute tun de be bakea pecayo ngen-Si ngen dapet idup sejati ngen kekal.

FILIFI 2:10

Mako utuk menghormati Yesus, kute makhluk de neak surgo, ngen de neak bumai, serto de neak beak bumai, bakea nyembeak Si.

EFESUS 1:20

de nakei-Ne ketiko midup igai Kristus kunei mateine ngen melei ngen-Si kedudukan de lekat besamo-samo Allah neak surgo.

1 KORINTUS 15:25

Kristus harus terus meriteak sapei Allah menea kute musuak Kristus aleak.

ROMA 6:23

Sebab upeak duso adeba maut; tapi karunio Allah adeba idup de kekal lem Kristus Yesus, Tuhan ite.

YOHANES 6:27

Bekerjoba, iso utuk kembuk de dapet benaso, tapi utuk kembuk de beta'en sapei ngen idup de kekal, de bakea nelei Anok Manusio ngen udi; sebab Siba de sudo nsah ngen Allah Bapa.”

MATIUS 25:46

Lajau tun-tun'o bakea nukum ngen ukuman de baka, tapi tun-tun de menea kelok Allah bakea idup de baka.”