YOHANES 17:17 - JANJAI BLAU Lem Bahaso Jang Bebilai

¹⁷ Senucai ba tobo'o lem kebenea; firman-Nu o ba kebenea.

YOHANES 17:17 ပူးပေါင်းရင်းမြစ်များ

LUKAS 8:11

“Dioba tai perumpamo o: Biniak o adeba firman Allah.

LUKAS 8:15

Biniak de us neak taneak de subur ibarat tun de temi'uk Bito Baik o, lajau maikne neak lem atei de baik ngen jujur. Tobo'o beta'en sapei masea buak.”

YOHANES 15:3

Udi memang bi bersih kerno firman de sudo Uku madeak ngen udi.

YOHANES 17:19

Ngen Uku semucai dirai-Ku utuk tobo'o, supayo tobo'o kulo senucai lem kebenea.

YOHANES 8:32

Ngen udi bakea namen kebenea ngen kebenea o bakea mbebas udi.”

YOHANES 8:40

Tapi uyo udi berusaho munuak Uku, suang tun de madeak de benea ngen udi, adeba de benea Uku temi'uk kunei Allah; kerjo de awei yo coa kenerjo ngen Abraham.

KISAH RASUL-RASUL 15:9

Allah samo sekilai coa mbeda antaro ite ngen tobo'o, sesudo Si semucai atei tobo'o ngen imen.

2 KORINTUS 3:18

Ite kutene adeba senno kemulioan Tuhan ngen papea de coa tenutup selikep. Kerno kemulioan o tekone kunei Tuhan de adeba Roh, mako ite dong nubeak jijai awei ngen gambar-Ne, lem kemulioan de tambeak lai.

EFESUS 4:21

Udi bi temi'uk tetang Si. Ngen sebagoi penotoa-penotoa-Ne, udi bi najea kulo tetang sifet-sifet Allah de ade ngen-Si.

EFESUS 5:26

Kristus menea o supayo Si dapet semucai jemaat o ngen ajaran-Ne ngen liwet bioa baptisan, supayo sesudo'o Si dapet semreak-Ne ngen Allah.

2 TESALONIKA 2:13

Saudaro-saudaro de Tuhan kasihi! Keme harus bogoa mucep syukur ngen Allah tetang udi, sebab kunei mulone Allah bi miliak udi utuk senlamat lem Roh de semucai udi ngen lem kebenaran de udi pecayo.

YAKOBUS 1:21

Sebab o, nuangba tiep kebiasaan de coa baik ngen kidek. Temimoba ngen rendeak atei firman de nea Allah neak lem ateinu, sebab firman o temuan kekuatan utuk semlamat udi.