YOHANES 17:12 - JANJAI BLAU Lem Bahaso Jang Bebilai

¹² Sekean Uku sesamo tobo'o, Uku miaro tobo'o lem gen-Nu de sudo Ko melei ngen-Ku; Uku jemago tobo'o ngen coa ade suang kulo kunei tobo'o de nyep seluyen si desudo se'arusne nyep, supayo tejijaiba de tenulis lem Kiteb Sucai.

YOHANES 17:12 ပူးပေါင်းရင်းမြစ်များ

YOHANES 13:18

Iso tetang udi kute Uku madeak. Uku namen, api de sudo Uku piliak. Tapi jano de tenulis neak lem Alkiteb harus tejijai, ‘Tun de mbuk besamo Uku, bakea melawen Uku.’

YOHANES 17:6

Uku bi kemnal Bapa ngen kute tun de Ko melei ngen-Ku kunei dunio. Tobo'o adeba Bapa temuan. Bapa bi melei tobo'o ngen-Ku ngen tobo'o bi temotoa firman-Nu.

YOHANES 18:9

Awei yo kenlokne supayo tejijai ba firman de sudo nadeak-Ne, “Kunei tobo'o de Ko semreak ngen-Ku coa suang kulo de Uku munyau benaso.”)

YOHANES 6:37

Kute de bi melei Bapa ngen Uku bakea teko ngen Uku, ngen api bae de teko ngen Uku, si coa bakea Uku muang.

KISAH RASUL-RASUL 1:25

utuk temimo jabatan pelayan de teninggea Yudas de bi us moi penan de wajar bagiakne.”

FILIFI 2:9

Sebab do'oba Allah maket Yesus leleketne, serto melei ngen-Ne kekuasaan de lebiak lai kunei pado kute kekuasaan de luyen.

2 TESALONIKA 2:3

Awei ipe kulo, jibeak munyau tun mike udi. Sebab ayok sapei Bilai o, harusba tejijai hal yo lebiak dute: Dau tun bakea murtad, mengingkari Kristus; ngen Manusio Jahat de takdirne utuk masuk moi nerako, bakea kemten dirai.

IBRANI 2:13

Yesus madeak kulo, “Uku bakea mpek harapan-Ku ngen Allah.” Si madeak kulo. “Dioba Uku, besamo anok-anok de sudo nelei Allah ngen Uku.”

1 YOHANES 2:19

Musuak-musuak Kristus o adeba tun-tun de sudo teminggea ite, kerno tobo'o sebeneane iso tun-tun ite. Amen tobo'o tun-tun ite, paset bae tobo'o tep besamo-samo ite. Tapi tobo'o teminggea ite, supayo jelasba bahwo coa su'ang tun kulo kunei tobo'o de benea-benea termasuk kelopok ite.

WAHYU 19:12

Matai-Ne awei opoi ngen neak ulau-Ne Si makei dau mahkota. Neak dirai-Ne tetulis do gen; ngen cuma Si su'ang de namen gen o.