YOHANES 17:11 - JANJAI BLAU Lem Bahaso Jang Bebilai

¹¹ Uku coa ade igai neak lem dunio, tapi tobo'o masiak ade neak lem dunio, Uku teko ngen Ko. Au Bapa de sucai, jagoba tobo'o lem gen-Nu, adeba gen-Nu de sudo Ko melei ngen-Ku, supayo tobo'o jijai do serai awei ite.

YOHANES 17:11 ပူးပေါင်းရင်းမြစ်များ

MATIUS 10:16

“Keliakba: Uku mutus udi awei domba de coa bedayo neak tengeak-tengeak srigala ganas, udi harus pacok awei dung ngen baik atei awei burung daro.

MATIUS 5:48

Kerno'o harusba udi sempurno serai ngen Allahnu de ade neak surgo.”

MATIUS 6:9

Kerno'o bedu'oba awei yo: ‘Bak keme neak surgo: coa ade Allah seluyen ko. Kirone Ko senbeak ngen nehormat.

YOHANES 13:1

Ayok bilai rayo Paskah muloi, Yesus bi namen bahwo waktau-Ne bi sapei utuk lalau kunei dunio yo ngen Bak. Si kemasiak tun-tun milik-Ne de neak dunio yo, si mengasiak tobo'o sapei moi sudone.

YOHANES 13:3

Yesus namen bahwo Bak bi semreak kutene ngen Si bahwo Si teko kunei Allah ngen bakea belek ngen Allah.

YOHANES 14:20

Pado waktau'oba udi bakea namen bahwo Uku lem Bak-Ku ngen udi neak lem Uku ngen Uku lem udi.

YOHANES 16:28

Uku teko kunei Bapa ngen Uku teko moi lem dunio. Uku teminggea dunio kulo ngen lalau ngen Bapa.”

YOHANES 16:33

Kutene o Uku madeak ngen udi, supayo udi dapet damoi sejahtera lem Uku. Neak dunio udi bakea saro. Tapi kenuetba ateinu! Uku bi maleak dunio!”

YOHANES 17:23

Uku neak lem tobo'o ngen Ko neak lem Uku supayo tobo'o bebenea jijai do, supayo dunio namen bahwo Ko de mutus Uku ngen Ko mengasiak tobo'o, serai awei Ko mengasiak Uku.

YOHANES 17:25

Au Bapa de adea, memang dunio coa kemnal Ko, tapi Uku kemnal Ko, tobo'o namen bahwo Ko ba de sudo mutus Uku.

YOHANES 17:6

Uku bi kemnal Bapa ngen kute tun de Ko melei ngen-Ku kunei dunio. Tobo'o adeba Bapa temuan. Bapa bi melei tobo'o ngen-Ku ngen tobo'o bi temotoa firman-Nu.

YOHANES 7:33

Lajau padeak Yesus, “Tinggea didik waktaune Uku ade sesamo udi ngen sesudo'o Uku bakea lalau ngen Si de sudo mutus Uku.

KISAH RASUL-RASUL 3:21

Si arus tinggea neak surgo sapei Allah jemijai kutene belau awei de nadeak Allah liwet nebai-nebai-Ne waktau zaman bel o.

ROMA 12:5

Awei o kulo ite, kunyau dau, adeba do awok neak lem Kristus; tapi ite masing-masing adeba anggota de su'ang ngen de luyen.

ROMA 9:17

Sebab Kiteb Sucai madeak ngen Firaun, “Do'oba sebabne Uku midup igai ko, adeba supayo Uku kemten kuaso-Ku neak lem ko, ngen supayo gen-Ku termasyhur neak kute dunio.”

1 KORINTUS 1:10

Saudaro-saudaro! Das gen Tuhante Yesus Kristus, uku minoi supayo udi kutene do atei; supayo jibeak ade selisiak neak antaro udi. Lokba udi jijai do, do atei ngen do pekeran.

GALATIA 3:28

Lem hal yo coa ade tun Yahudi atau tun iso Yahudi, coa ade hamba atau tun merdeka, coa ade semanei atau selawei, kerno udi kute adeba do neak lem Kristus Yesus.

EFESUS 4:4

Cuma ade do awok, ngen do Roh. Awei o kulo udi nok utuk do harapan de serai.

FILIFI 2:9

Sebab do'oba Allah maket Yesus leleketne, serto melei ngen-Ne kekuasaan de lebiak lai kunei pado kute kekuasaan de luyen.

IBRANI 1:3

Si adeba cahayo kemuliaan Allah, Siba wujud nyato kunei dirai Allah suang. Siba kulo de miaro keutuhan alam semesta yo ngen sabda-Ne de kembiak bekuaso. Sesudo Si temtau manusio utuk bebas kunei duso-duso tobo'o, Si mipin pemerintahan neak surgo besamo-samo Allah, Penguaso de paling lekat.

IBRANI 9:24

Sebab Kristus coa masuk moi Ruang Sucai nea manusio, de cuma jijai lambang Ruang Sucai de sebeneane. Kristus masuk moi surgo suang; neak di Si uyo madep Allah utuk kepetingan ite.

YAKOBUS 4:4

Udi adeba tun de coa setia? Jano udi namen bahwo amen udi bekuat ngen dunio, mako udi jijai musuak Allah? Jijai api de lok kuat dunio yo, si jemijai diraine musuak Allah.

1 PETRUS 1:5

Kutene o adeba utuknu, kerno udi pecayo ngen Allah. Mako udi jenago ngen kuaso Allah supayo udi temimo keselamatan de siap dinyatakan pado akhir zaman.

1 YOHANES 3:12

Jibeakba ite awei Kain, de jijai anok Iblis ngen munuak pasuakne su'ang. Jano sebab Kain munuak pasuakne? Sebab hal-hal de neane adeba saleak, tapi hal-hal de nea pasuakne adeba benea.

1 YOHANES 5:19

Ite namen bahwo ite de Allah temuan, kunyau kute dunio yo ade neak beak kuaso de jahat.

YUDAS 1:1

Saudaro-saudaro de sudo nok ngen de kembiak Allah Bapa kasihi, serto jenagai utuk Yesus Kristus. Sebagai hamba Yesus Kristus, uku – Yudas – saudaro kunei Yakobus,

YUDAS 1:24

Allah, de sanggup jemago supayo udi coa us, ngen de sanggup mbinnu moi hadirat-Ne de mulio ngen sukocito ngen coa ade cacet,

WAHYU 15:4

Api de coa saben ngen Ko, Tuhan? Api de coa lok melei bito kebesaran-Nu? Ko bae de sucai. Kute bangso bakea teko nyembeak Ko Kerno tindakan-tindakan-Nu de adea bi kenliak kute tun.”

WAHYU 19:12

Matai-Ne awei opoi ngen neak ulau-Ne Si makei dau mahkota. Neak dirai-Ne tetulis do gen; ngen cuma Si su'ang de namen gen o.

WAHYU 4:8

Kepat makhluk o, masing-masing temuan num sayep, sekelilingne ngen neak peak lemne penuak ngen matai. Lueng kelmen makhluk-makhluk o coa bedan-bedanne nyanyi, “Sucai, sucai, sucaiba Tuhan, Allah Mahakuaso; de ade, de sudo ade, ngen de ade seterusne.”