YOHANES 16:7 - JANJAI BLAU Lem Bahaso Jang Bebilai

⁷ Tapi benea de Uku madeak yo ngen udi: Lebiak beguno utuk udi, amen Uku lalau. Sebab amen Uku coa lalau, penulung o coa bakea teko ngen udi, tapi amen Uku lalau, Uku bakea mutus Si ngen ko.

YOHANES 16:7 ပူးပေါင်းရင်းမြစ်များ

LUKAS 24:49

Ngen Uku bakea mbo ngen udi jano de jenanjai Bapa-Ku. Tapi udi arus tinggea neak lem kota yo sapei pasuak nelekep ngen kuaso kunei penan de lekat.”

LUKAS 4:25

Ngen Uku madeak ngen udi, ngen kecek-Ku yo benea: Pado zaman Elia ade dau selawei jando neak Israel ketiko lenget katup seke'an telau taun ngen num bulen ngen ketiko bahayo nyemen de luea biaso tejijai neak kute negrai.

LUKAS 9:27

Sesungguakne Uku madeak ngen udi: Neak antaro tun de hadir neak piyo ade de coa bakea matei ayok tobo'o kemliak Allah meriteak sebagai Rajo.”

YOHANES 14:26

Tapi penulung, adeba Roh Sucai, de bakea nutus Bapa lem gen-Ku. Siba de bakea ngajea kute sesuaktau ngen udi ngen bakea minget udi kute de sudo Uku madeak ngen udi.

YOHANES 14:28

Udi bi temi'uk bahwo Uku bi madeak ngen udi: ‘Uku lalau, tapi Uku teko igai ngen udi.’ Sekirone udi mengasiak Uku, udi bakea riang kerno Uku lalau ngen Bapa-Ku, sebab Bapa lebiak lai kunei Uku.

YOHANES 14:3

Amen Uku lalau moi di ngen bi semiyap penan utuknu. Uku bakea teko igai mbin udi moi penan-Ku, supayo neak penan Uku ade, udi kulo ade.

YOHANES 15:26

Uku bakea mutus ngenko penulung de asalne kunei Bapa. Adeba Roh bakea madeak kebenea tetang Allah. Amen Si teko, Si bakea saksai tetang Uku.

YOHANES 16:8

Amen Si teko, Si bakea menea tun insaf kunei duso, kebenea ngen kunei ukuman Allah.

YOHANES 7:39

De taine adeba Roh de bakea tenimo ngen tobo'o de pecayo ngen Si; kerno Yesus ati mulio.)

KISAH RASUL-RASUL 10:34

Lajau muloiba Petrus miling, “Sesungguakne uku bi ngertai bahwo Allah coa mbeda tun.

KISAH RASUL-RASUL 2:33

Sesudo Si nelekat ngen tangen kanen Allah ngen temimo kunei Bapa, Roh Sucai de jenanjai o, mako nelei-Ne Roh o awei de udi kemliak ngen temi'uk neak yo.

ROMA 8:28

Ite namen uyo, bahwo Allah kulo kerjo lem kute sesuaktau utuk mbin kebaikan utuk tobo'o de mengasihi Si, adeba utuk tobo'o de nok-Ne sesuai ngen rencano Allah.

2 KORINTUS 4:17

Sebab penderitaan de coa sebrapo yo, bakea mbin asea bagiak keme kemulioan kekal de lebiak kunei kute-kutene, uak lebiak lai kunei pado penderitaan keme.