YOHANES 16:25 - JANJAI BLAU Lem Bahaso Jang Bebilai

²⁵ “Kutene yo Uku madeak ngen udi ngen kiasan. Bakea sapei waktaune Uku coa igai madeak ngen udi ngen kiasan, tapi te'us te'ang melei namen tetang Bapa.

YOHANES 16:25 ပူးပေါင်းရင်းမြစ်များ

MARKUS 4:13

Lajau Yesus madeak ngen tobo'o, “Coa ka ade udi ngertai perumpamo yo? Amen awei yo awei ipe udi dapet maham kute perumpamo de luyen?

MARKUS 4:34

Si bogoa majea ngen tobo'o ngen makei perumpamo. Tapi ngen murid-muridne, Yesus tem'ang ngen jelas.

MARKUS 8:32

Hal yo de nadeak-Ne ngen terus te'ang. Tapi Petrus seme'et Yesus moi biding ngen temgua Si.

YOHANES 10:24

Lajau tun-tun Yahudi gemlung Yesus ngen madeak ngen Si, “Kedau ke'an igai Ko munyau keme ragau-ragau? Amen Ko Rajo Penyelamat, nadeakba de benea ngen keme.”

YOHANES 10:6

Yesus madeak perumpamo yo ngen tobo'o, tapi tobo'o coa ngertai jano maksudne Si madeak awei yo ngen tobo'o.

YOHANES 16:12

Masiak dau hal de arus Uku madeak ngen udi, tapi uyo udi ati dapet temimone.

YOHANES 16:2

Udi bakea kenucea, bakea teko waktaune bahwo tiep tun de munuak udi bakea sako bahwo si males jaso ngen Allah.

YOHANES 16:32

Keliak, waktaune bakea teko, bahkan bi teko, ketiko udi bakea cen'ei sesuang neak penanne suang ngen udi teminggea Uku suang dirai. Tapi Uku coa suang dirai sebab Bapa semerto Uku.

2 KORINTUS 4:2

Keme coa makei ca'o-ca'o de menea selek. Keme coa lok kerjo ngen ca'o licik atau menea coa benea kecek Allah. Keme melayan Allah ngen atei baik temurut kelok-Ne. Sebab o, keme minoi kute tun kemliak keme ngen baik neak lem ateine.