YOHANES 16:22 - JANJAI BLAU Lem Bahaso Jang Bebilai

²² Awei'o kulo udi uyo payeak atei, tapi Uku bakea kemliak udi igai ngen ateinu bakea riang, coa ade suang kulo de dapet mbut keriang nu'o kunei udi.

YOHANES 16:22 ပူးပေါင်းရင်းမြစ်များ

MATIUS 28:8

Gegulut selawei-selawei'o teminggea kubua'o ngen saben capua riang delai ngen mlilai utuk melei namen ngen penotoa-penotoa Yesus.

LUKAS 10:42

tapi cuma do bae de perlu. Maria bi miliak pagiak de lebiak baik, de coa bakea nemok kunei padone.”

LUKAS 16:25

Tapi Abraham madeak, ‘Anok, ingetba: bahwo ko bi temimo kute de baik sewaktau idupnu, tapi Lazarus kute de kidek. Uyo si senang neak yo ngen ko saro.

LUKAS 19:26

Jawabne, ‘Uku madeak ngen ko: Tiep tun de temuan, ngen si bakea nelei, tapi tun de coa temuan, kunei padone bakea nemok, kulo jano de ade padone.

LUKAS 24:41

Ngen ketiko tobo'o ati masai kerno riangne ngen masiak selle, madeakba Si ngen tobo'o, “Ade padonu kembuk neak yo?”

YOHANES 14:1

Yesus madeak ngen tobo'o, “Jibeak liseak ateinu; pecayoba ngen Allah, pecayoba kulo ngen Uku.

YOHANES 14:19

Tegoa igai dunio coa bakea kemliak Uku, tapi udi bakea kemliak Uku sebab Uku idup ngen udi kulo bakea idup.

YOHANES 14:27

Damoi sejahtera Uku melei utuk udi. Damoi sejahtera-Ku Uku melei ngen udi, jano de Uku melei coa awei de nelei kunei dunio ngen udi. Jibeakba liseak ngen saben atei nu.

YOHANES 16:16

“Tegoa igai, udi coa kemliak Uku igai ngen kulo tegoa igai, udi bakea kemliak Uku.”

YOHANES 16:20

Sesungguakne Uku madeak ngen udi: Udi bakea ngindoi ngen ngibo, tapi dunio bakea riang; udi bakea ibo, tapi ibonu bakea bubeak jijai riang.

YOHANES 16:6

Tapi kerno Uku madeak hal o ngen udi mako ateinu ibo.

YOHANES 21:7

Lajau penotoa de kemasiak Yesus o madeak ngen Petrus, “Do'o Tuhan.” Ketiko Petrus temi'uk bahwo do'o adeba Tuhan, mako si makei keracokne, sebab si coa makei bajau, lajau tejun moi lem daneu.

YOHANES 4:14

Tapi api bae de menem bioa de bakea Uku melei, si coa bakea haus utuk seke'anne. Sebelekne bioa de bakea Uku melei, bakea jijai matai bioa neak lem dirai ne, de terus bae kemluea bioa sapei pado idup de kekal.”

KISAH RASUL-RASUL 13:52

Tun-tun neak Antiokhia tep penuak ngen keriang ngen Roh Sucai.

KISAH RASUL-RASUL 16:25

Tapi kekiro tengeak malem Paulus ngen Silas bedu'o ngen mbin legau puji-pujian ngen Allah, tun-tun hukuman luyen temi'uk tobo'o.

KISAH RASUL-RASUL 2:46

Tiep bilai tobo'o bogoa bekopoa neak Bait Allah; serto mukmei serpok, ngen riang ngen rendeak atei neak umeak-umeak tobo'o.

KISAH RASUL-RASUL 5:41

Rasul-rasul o teminggea Mahkamah Agamo ngen riang sebab Allah bi manggap tobo'o patut utuk dapet hino kerno Yesus.

2 KORINTUS 6:10

Kunyau atei keme jijai sedih, tapi keme bogoa riang. Keme ketenne peset, tapi keme bi menea tun dau jijai kayo. Ketenne keme coa temuan jejano, tapi sebeneane temuan kute-kutene.

2 TESALONIKA 2:16

Semoga Tuhan ite Yesus Kristus suang, ngen Allah Bapa ite mibur ngen kemuet ateinu, supayo udi dapet menea ngen melei namen jano de baik. Sebab Allah mengasihi ite, ngen kerno atei-Ne baik Si menea ite tep tabah, serto ma'ep de baik.

IBRANI 10:34

ngen udi meding ibo tun de neak lem sel. Ketiko kute de udi temuan mok tun, udi temimo o ngen riang atei, sebab udi namen bahwo udi masiak temuan suaktau de lebiak baik, de bakea taen sekeanne.

IBRANI 6:18

Duai hal o coa dapet bubeak: Allah coa mukin mike tetang janjai ngen supeak-Ne. Kerno o, ite de sudo belindung ngen Allah, kenuet supayo bepegong teguh pado harapan de tebetang neak adep ite.

1 PETRUS 1:8

Udi mengasihi-Ne, kunyau bel'o udi coa kemliak-Ne. Udi pecayo ngen Si kunyau uyo udi coa kemliak-Ne. Do'o sebabne udi riang, meding riang de agung ngen coa nam madeakne.