YOHANES 16:20 - JANJAI BLAU Lem Bahaso Jang Bebilai

²⁰ Sesungguakne Uku madeak ngen udi: Udi bakea ngindoi ngen ngibo, tapi dunio bakea riang; udi bakea ibo, tapi ibonu bakea bubeak jijai riang.

YOHANES 16:20 ပူးပေါင်းရင်းမြစ်များ

MATIUS 21:38

Tapi waktau pekerjo-pekerjo kebun'o, kemliak anok temuan kebun'o tobo'o madeak, do ngen de luyenne, ‘Nah. Dioba ahli hak waris. Maro ite munuak si, supayo ite dapet warisanne!’

MATIUS 5:4

Allah melei rahmat ngen tun de beduko Allah bakea mibur tobo'o!

MARKUS 14:72

Seketiko o kulo bekokok ba monok utuk keduai kileine Petrus tinget bahwo Yesus bi madeak ngen si, “Ayok monok kokok duai kilai, ko bi muker Uku telau kilai.” Lajau Si ngindoi ngen seset.

MARKUS 16:10

Lajau selawei'o lalau melei namen ngen tobo'o de temotoa Yesus ayokne ngen pado waktau o, gidong beduko ngen ngindoi. Sesudo'o, Yesus suang liwet murid-murid-Ne melei namen kunei Timur moi Barat Bito de Sucai ngen kekal tetang keselamatan de kekal.]

LUKAS 22:45

Lajau Si klongon kunei du'o-Ne ngen belek ngen penotoa-penotoa-Ne, tapi Si temmau tobo'o gidong tidua kerno ibo.

LUKAS 22:62

Lajau si lalau moi luea ngen ngindoi ngen ibone.

LUKAS 23:27

Sejumlah lai tun temotoa Si, neak antarone dau selawei de ngindoi ngen ibo.

LUKAS 24:17

Lajau Yesus madeak, “Jano de udi miling neak tengeak dalen yo?” Tobo'o bedan ngen papea ibo.

LUKAS 24:21

Padohal keme bel'o ma'ep, bahwo Siba de teko utuk mbebas bangso Israel. Tapi sementaro o bi liwet telau bilai, ayok kutene o tejijai.

LUKAS 6:21

Bahagiaba, hoi ko de uyo yo nyemen, kerno ko bakea nues. Bahagiaba, hoi ko de uyo yo ngindoi, kerno ko bakea tawai.

YOHANES 16:33

Kutene o Uku madeak ngen udi, supayo udi dapet damoi sejahtera lem Uku. Neak dunio udi bakea saro. Tapi kenuetba ateinu! Uku bi maleak dunio!”

YOHANES 16:6

Tapi kerno Uku madeak hal o ngen udi mako ateinu ibo.

YOHANES 20:20

Sesudo madeak awei o, Si kemten tangen-Ne ngen lambung-Ne ngen tobo'o. Penotoa-penotoa o riang waktau tobo'o kemliak Tuhan.

KISAH RASUL-RASUL 5:41

Rasul-rasul o teminggea Mahkamah Agamo ngen riang sebab Allah bi manggap tobo'o patut utuk dapet hino kerno Yesus.

ROMA 5:11

Ngen iso cuma do'o bae! Ite mala bangga lem Allah kerno Yesus Kristus, Tuhan ite, sebab kerno Si ite sudo temimo damoi o.

2 KORINTUS 6:10

Kunyau atei keme jijai sedih, tapi keme bogoa riang. Keme ketenne peset, tapi keme bi menea tun dau jijai kayo. Ketenne keme coa temuan jejano, tapi sebeneane temuan kute-kutene.

GALATIA 5:22

Sebelekne, amen tun-tun nipin Roh Allah, aseane adeba: Tobo'o samo-samo mengasihi, riang, atei tenang, sabar ngen baik budi, baik te'adep tun luyen, setia,

1 TESALONIKA 1:6

Udi temotoa teladan keme ngen teladan Tuhan. Kunyau udi kembiak saro, udi semambut ngen riang bito de keme melei namen ngen udi. Riang o nelei Roh Allah.

YAKOBUS 1:2

Saudaro-saudaro! Amen udi meding memecem cobaan, lokba udi meding utung.

YUDAS 1:24

Allah, de sanggup jemago supayo udi coa us, ngen de sanggup mbinnu moi hadirat-Ne de mulio ngen sukocito ngen coa ade cacet,

WAHYU 11:10

Penduduk bumai bakea beriang das kematei keduai saksai o. Tobo'o bakea merayokanne ngen saling mbo hadiah, kerno keduai tun nebai o sudo menea dau sikso ngen kute tun neak bumai.

WAHYU 18:7

Neleiba ngen si sikso ngen duko cito de serai daune ngen kemulioan ngen kemewahan de neleine ngen diraine su'ang. Sebab si bogoa madeak ngen diraine, ‘Uku yo ratu de meriteak! Uku iso jando; uku coa bakea meding ibo!’