YOHANES 16:16 - JANJAI BLAU Lem Bahaso Jang Bebilai

¹⁶ “Tegoa igai, udi coa kemliak Uku igai ngen kulo tegoa igai, udi bakea kemliak Uku.”

YOHANES 16:16 ပူးပေါင်းရင်းမြစ်များ

MARKUS 16:19

Sesudo Tuhan Yesus miling awei yo ngen tobo'o, taketba Si moi surgo, lajau temot depeak kanen Allah.

YOHANES 12:35

Nadeak Yesus ngen tobo'o, “Cuma didik igai waktaune te'ang ade neak antaro udi. Jijai paneu ba seke'an te'ang o masiak ade, ngen udi kunyau udi jibeak teninggang kelem. Tun de paneu neak lem kelem coa namen moi ipe si lalau.

YOHANES 13:3

Yesus namen bahwo Bak bi semreak kutene ngen Si bahwo Si teko kunei Allah ngen bakea belek ngen Allah.

YOHANES 13:33

Hoi anok-anok-Ku, Uku coa bakea tinggea an igai ngen udi. Udi bakea mesoa Uku, awei de sudo Uku madeak ngen tun-tun Yahudi. Moi penan Uku lalau, coa mukin udi teko, awei'o kulo uyo Uku madeakne ngen udi kulo.

YOHANES 16:10

bahwo Uku benea, kerno Uku lalau ngen Bapa ngen udi coa bakea kemliak Uku igai;

YOHANES 16:22

Awei'o kulo udi uyo payeak atei, tapi Uku bakea kemliak udi igai ngen ateinu bakea riang, coa ade suang kulo de dapet mbut keriang nu'o kunei udi.

YOHANES 16:28

Uku teko kunei Bapa ngen Uku teko moi lem dunio. Uku teminggea dunio kulo ngen lalau ngen Bapa.”

YOHANES 16:5

Tapi uyo Uku lalau ngen Si de sudo mutus Uku, coa ade suang kulo neak antaro udi de betanye ngen-Ku: Moi ipe Ko lalau?

YOHANES 17:13

Tapi uyo Uku teko ngen Ko ngen Uku madeak kutene yo sementaro Uku masiak ade neak lem dunio, supayo penuak ba suko cito-Ku neak lem dirai tobo'o.

YOHANES 17:5

Uyo, au Bapa, mulio ba Uku neak hadirat-Nu suang ngen kemulioan de Uku temuan neak hadirat-Nu ayok dunio ade.

YOHANES 7:33

Lajau padeak Yesus, “Tinggea didik waktaune Uku ade sesamo udi ngen sesudo'o Uku bakea lalau ngen Si de sudo mutus Uku.

KISAH RASUL-RASUL 1:3

Sesudo Si matei, selamo pat puluak bilai Si cet kemten dirai ngen ca'o tete'ang ngen rasul-rasul o bahwo Si benea-benea idup. Tobo'o kemliak Si, Si miling ngen tobo'o awei ipe Allah meriteak awei Rajo.

IBRANI 12:2

Kenlokba pandangan te tetujuak ngen Yesus, sebab Siba de mbangkit imen te ngen meliharo kunei muloi sapei sudo. Yesus taen saro neak kiyeu salib! Si cao pedulai bahwo matei neak kiyeu salib o adeba debuak hal de semelek. Si cuma inget akan kegembiraan de bakea de neding-Ne sesudo'o. Uyo si temot neak depeak kanen takhta Allah ngen meriteak besamo ngen Si.