YOHANES 16:13 - JANJAI BLAU Lem Bahaso Jang Bebilai

¹³ Tapi amen Si teko, adeba Roh kebenea, Si bakea mipin udi neak lem kute kebenea. Si coa bakea madeak kunei dirai-Ne suang, tapi kute sesuaktau de teni'ukne do'oba de bakea nadeak-Ne ngen Si bakea melei namen ngen udi hal-hal de bakea teko.

YOHANES 16:13 ပူးပေါင်းရင်းမြစ်များ

YOHANES 12:49

Sebab Uku madeak iso kunei dirai-Ku suang, tapi Bak, de mutus Uku, Siba de meriteak Uku utuk madeak jano de arus Uku madeak ngen Ko.

YOHANES 14:17

Si'oba Roh kebenea. Dunio coa dapet temimo Si, sebab dunio coa kemliak Si ngen coa namen ngen Si. Tapi udi namen ngen Si, sebab Si semerto udi, bakea diem neak lem udi.

YOHANES 14:26

Tapi penulung, adeba Roh Sucai, de bakea nutus Bapa lem gen-Ku. Siba de bakea ngajea kute sesuaktau ngen udi ngen bakea minget udi kute de sudo Uku madeak ngen udi.

YOHANES 14:6

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

YOHANES 15:26

Uku bakea mutus ngenko penulung de asalne kunei Bapa. Adeba Roh bakea madeak kebenea tetang Allah. Amen Si teko, Si bakea saksai tetang Uku.

YOHANES 16:12

Masiak dau hal de arus Uku madeak ngen udi, tapi uyo udi ati dapet temimone.

YOHANES 3:32

Si saksai tetang jano de kemliak-Ne ngen de temi'uk-Ne, tapi coa suang tun de temimo saksai-Ne o.

YOHANES 8:38

Jano de Uku kemliak ngen Bapa-Ku, do'oba de Uku madeak. Awei o kulo udi menea tetang jano de udi temi'uk kunei Bapa-Nu.”

KISAH RASUL-RASUL 11:28

Saleak suang kunei tobo'o de genne Agabus idup igai ngen kuaso Roh si madeak bahwo kute dunio bakea jijai kenyemen lai. Hal'o tejijai pado zaman Klaudius.

KISAH RASUL-RASUL 20:23

Uku cuma namen bahwo neak tiep-tiep kota, Roh Sucai bi tegas melei namen ngen uku, bahwo uku bakea masuk sel ngen bakea saro.

KISAH RASUL-RASUL 27:24

Malaikat o madeak, ‘Jibeak saben Paulus! Ko harus madep Kaisar. Sesungguakne kerno rahmat Allah ngen ko, mako kute tun de ade neak kepea besamo-samo ngen ko yo bakea selamat.’

2 TESALONIKA 2:12

Akibatne, kute tun de riang ngen duso ngen coa pecayo ngen jano de benea o, bakea nukum.

2 TESALONIKA 2:3

Awei ipe kulo, jibeak munyau tun mike udi. Sebab ayok sapei Bilai o, harusba tejijai hal yo lebiak dute: Dau tun bakea murtad, mengingkari Kristus; ngen Manusio Jahat de takdirne utuk masuk moi nerako, bakea kemten dirai.

IBRANI 1:1

Pado jaman bel'o dau nien Allah miling ngen ninik puyang te liwet nebai-nebai ngen memecem ca'o.

1 YOHANES 2:20

Tapi udi sudo temimo Roh Sucai kunei Yesus Kristus, do'o sebabne udi kutene kemnal ajaran de benea.

1 YOHANES 2:27

Tapi tetang udi su'ang, Kristus bi melei Roh-Ne ngen Udi. Selamo Roh-Ne Ade ngen udi, coa perlu ade tun luyen majea udi. Sebab Roh-Ne majea udi tetang kute sesuaktau; jano de najea-Ne o benea, iso mike. Sebab o, lokba udi taat ngen jano de najea Roh o, lokba udi tep idu jijai do ngen Kristus.

1 YOHANES 4:6

Tapi ite adeba anok-anok Allah; ngen tun de kemnal Allah, temi'uk kecek ite. Tun de iso de Allah temuan, coa temi'uk kecek ite. Awei'oba ca'one ite namen perbedaan Roh de melei ajaran de benea, ngen roh de menea seset.

1 YOHANES 5:6

Yesus Kristusba de teko moi dunio ngen bio baptisan-Ne ngen daleak kematian-Ne. Si teko iso cuma ngen bioa bae tapi ngen bio ngen daleak. Roh Allah su'ang melei saksai bahwo do'o benea, sebab roh coa perneak berdusta.

WAHYU 1:1

Isai bukau yo tetang jano de nadeak Yesus Kristus tetang peristiwo-peristiwo de bakea tejijai. Allah melei namen ngen Kristus supayo Si kemten ngen hamba-hamba Allah jano de segro harus tejijai. Kristus mutus malaikat-Ne ngen Yohanes, hamba-Ne, utuk melei namen peristiwo-peristiwo o ngen si.

WAHYU 1:19

Sebab o, tulisba hal-hal de ko kemliak, adeba hal-hal de ade uyo, ngen hal-hal de bakea tejijai.