YOHANES 15:8 - JANJAI BLAU Lem Bahaso Jang Bebilai

⁸ Lem hal yo ba Bapa-Ku nujai, adeba amen udi bebuak dau ngen awei'o udi adeba penotoa-penotoa-Ku.”

YOHANES 15:8 ပူးပေါင်းရင်းမြစ်များ

MATIUS 5:16

Awei'o kulo seharusne te'angnu becayo neak muko tun, supayo tun'o kemliak plepnu de baik ngen mujai Allah de adeba Baknu neak surgo.”

MATIUS 5:44

Tapi uyo Uku madeak ngen udi; kemasiakba musuaknu ngen bedu'oba utuk tobo'o de senikso udi,

MATIUS 9:8

Waktau tun-tun kemliak hal'o, tobo'o saben lajau mujai Allah, sebab Allah bi melei kuaso kembiak lai ngen manusio.

LUKAS 6:35

Seharusne iso awei'o! Udi sebelekne harus mengasiak musuaknu ngen menea baik ngen tobo'o. Udi harus melei minjem, ngen jibeak ma'ep dapet melek. Amen awei yo, upeaknu bakea lai ngen udi bakea jijai anok-anok Allah De Kembiak lekat. Sebab Allah baik atei te'adep tun de coa namen mokasiak, ngen te'adep de kidek kulo.

YOHANES 13:35

Amen udi saling mengasiak mako kute tun bakea namen bahwo ko adeba penotoa-penotoa-Ku.”

YOHANES 15:5

Ukuba pun anggur ngen ko ba dan-danne. Api bae de tinggea lem Uku ngen Uku lem si, si bebuak dau, sebab neak luea Uku udi coa dapet menea jejano.

YOHANES 8:31

Lajau padeak-Ne ngen tun-tun Yahudi de sudo pecayo ngen Si, “Amen udi idup temurut Firman-Ku, udi benea-benea penotoa-Ku.

1 KORINTUS 10:31

Jano bae de Saudaro nea – Saudaro embuk atau Saudaro menem – neaba kutene o utuk menea Allah mulio.

1 KORINTUS 6:20

Allah bi temukua udi ngen bi masen udi lunas. Sebab'o, muliakanba Allah ngen awoknu.

FILIFI 1:11

Idupnu bakea penuak ngen plep de sungguak-sungguak baik de cuma dapet kunei Yesus Kristus suang; mako Allah bakea dimuliakan ngen nujai.

TITUS 2:10

atau maling. Lokba tobo'o kemten bahwo tobo'o bogoa sikep baik ngen setia, supayo ngen sikep tobo'o tun mujai ajaran tetang Allah, Penyelamat ite.

TITUS 2:5

jijai bijaksana, idup sucai ngen jijai ngenyan de baik de temurut kecek sematenne. Ngen awei o coa ade tun de dapet mino bito kunei Allah.

1 PETRUS 2:12

Perbuatannu neak antaro tun de coa kemnal Tuhan harusba kembiak baik, sehinggo amen tobo'o fitneak udi sebagai tun jahat, tobo'o pulo harus ngakau perbuatannu de baik, sehinggo tobo'o bakea mujai Allah pado waktau Si teko.

1 PETRUS 4:11

Tun de semapei bito, harusba semapei bito kunei Allah; tun de mlelayan tun luyen, harusba mlayan ngen kekuatan de kunei Allah, supayo lem kute hal, Allah dapet diagungkan liwet Yesus Kristus. Siba de bekuaso ngen patut diagungkan utuk selamo-lamone. Amin.