YOHANES 15:7 - JANJAI BLAU Lem Bahaso Jang Bebilai

⁷ Amen udi tinggea lem Uku ngen firman-Ku tinggea lem udi, minoi ba ngen Bapa jano bae de udi kenlok, ngen udi bakea temimone.

YOHANES 15:7 ပူးပေါင်းရင်းမြစ်များ

MATIUS 7:7

“Minoiba, mako udi bakea temimo. Mesoaba mako udi bakea dapet. Kemtukba, mako bang bakea nukok utuknu.

YOHANES 14:13

Jano bae de udi minoi lem gen-Ku, Uku bakea kemerjone, supayo Bak nujai lem Anok.

YOHANES 15:16

Iso udi de miliak Uku, tapi Uku ba de miliak udi, Uku bi temtep udi, supayo udi lalau ngen asea buak de dau, supayo jano de udi minoi ngen Bapa lem gen-Ku neleine ngen udi.

YOHANES 16:23

Pado bilai o udi coa bakea temanye jejano ngen Uku. Sesungguakne Uku madeak ngen udi: Kute sesuaktau de udi minoi ngen Bapa lem gen-Ku bakea nelei-Ne.

YOHANES 8:31

Lajau padeak-Ne ngen tun-tun Yahudi de sudo pecayo ngen Si, “Amen udi idup temurut Firman-Ku, udi benea-benea penotoa-Ku.

YOHANES 8:37

Uku namen bahwo udi adeba royot Abraham, tapi udi berusaho munuak Uku kerno Firman-Ku coa dapet penan neak lem udi.

GALATIA 4:2

Ade suang tun de ngawas si ngen murus kepentingan-kepentinganne sapei si beromor de tentau bakne.

GALATIA 5:16

Maksudku adeba: Kunyauba Roh Allah mbimbing udi ngen jibeakba idup temurut kelok manusio.

KOLOSE 3:16

Lokba ajaran-ajaran Kristus de penuak berkat tinggea neak lem ateinu. Lokba udi samo-samo majea ngen samo-samo melei nasihat de bijaksano. Nyanyikanlah mazmur ngen puji-pujian serto legau-legau rohani; nyanyiba utuk Allah ngen perasaan syukur neak lem ateinu.

1 YOHANES 2:14

Uku temulis ngen udi, Anok-anok, sebab udi kemnal Allah Bapa. Uku temulis ngen udi, Bapak-bapak sebab udi kemnal Firman de sudo ade sejak mulone. Uku temulis ngen udi, Tun-tun u'ai, sebab udi kuet. Kecek Allah ade neak lem ateinu, ngen udi bi maleak de jahat.

1 YOHANES 2:27

Tapi tetang udi su'ang, Kristus bi melei Roh-Ne ngen Udi. Selamo Roh-Ne Ade ngen udi, coa perlu ade tun luyen majea udi. Sebab Roh-Ne majea udi tetang kute sesuaktau; jano de najea-Ne o benea, iso mike. Sebab o, lokba udi taat ngen jano de najea Roh o, lokba udi tep idu jijai do ngen Kristus.

1 YOHANES 3:22

Ngen jano de ite minoi ngen Si, ite dapetne, kerno ite taat ngen periteak-periteak-Ne, menea jano de semnang atei-Ne.

1 YOHANES 5:14

Ngen ite binai madep Allah, kerno ite yakin Si kemabul du'o ite, amen ite minoi jano bae de sesuai ngen kelok-Ne.