YOHANES 15:4 - JANJAI BLAU Lem Bahaso Jang Bebilai

⁴ Tinggea ba neak lem Uku ngen Uku neak lem udi. Serai awei dan coa dapet bebuak kunei diraine suang, amen si coa tinggea neak punne. Awei o kulo udi, udi coa bebuak, amen udi coa tinggea lem Uku.

YOHANES 15:4 ပူးပေါင်းရင်းမြစ်များ

MATIUS 12:33

“Utuk dapet bueak de baik, punne coa subur. Amen punne harus subur, bueakne coa baik kulo. Subur coane suatupun tekeliak kunei bueakne.

LUKAS 8:15

Biniak de us neak taneak de subur ibarat tun de temi'uk Bito Baik o, lajau maikne neak lem atei de baik ngen jujur. Tobo'o beta'en sapei masea buak.”

YOHANES 14:20

Pado waktau'oba udi bakea namen bahwo Uku lem Bak-Ku ngen udi neak lem Uku ngen Uku lem udi.

YOHANES 17:23

Uku neak lem tobo'o ngen Ko neak lem Uku supayo tobo'o bebenea jijai do, supayo dunio namen bahwo Ko de mutus Uku ngen Ko mengasiak tobo'o, serai awei Ko mengasiak Uku.

YOHANES 6:56

Tun de mbuk daging-Ku ngen menem daleak-Ku, tep jijai do ngen Uku, ngen Uku ngen si.

YOHANES 8:31

Lajau padeak-Ne ngen tun-tun Yahudi de sudo pecayo ngen Si, “Amen udi idup temurut Firman-Ku, udi benea-benea penotoa-Ku.

KISAH RASUL-RASUL 11:23

Sesodo Barnabas teko ngen kemliak anugrah Allah, riangba si. Si melei periteak supayo tobo'o kute sungguak-sungguak setia ngen Tuhan,

KISAH RASUL-RASUL 14:22

Neak penan'o tobo'o kemuet atei murid-murid'o ngen melei nasihat tobo'o supayo tep pecayo ngen Yesus, madeak bahwo utuk masuk moi lem Allah meriteak sebagai Rajo ite harus meding dau kesaro.

2 KORINTUS 13:5

Cubo udi cemubo dirai suang jano udi benea-benea idup das dasar pecayo ngen Kristus! Paset udi sadar bahwo Kristus Yesus ade neak lem udi! Sebab amen coa awei o, udi coa taen cenubo.

GALATIA 2:20

Uyo iso igai uku de idup, tapi Kristus de idup lem dirai uku. Idup de uyo uku maneu seca'o jasmani adeba idup ngen imen lem Anok Allah de sudo mengasihi uku ngen semreak dirai-Ne utuk uku.

EFESUS 3:17

Sehinggo kerno udi pecayo ngen Kristus, Kristus tinggea neak lem ateinu das dasar ngen kenuaso neak lem kasiak.

FILIFI 1:11

Idupnu bakea penuak ngen plep de sungguak-sungguak baik de cuma dapet kunei Yesus Kristus suang; mako Allah bakea dimuliakan ngen nujai.

KOLOSE 1:23

Sebab o udi harus tep setia pecayo ngen kepercayaannu. Jibeak sapei udi muang harapan de sudo nelei ngen udi ketiko udi temimo Bito Baik kunei Allah. Bito o bi nelei namen ngen kute tun neak kute dunio. Ngen utuk do'oba kulo uku, Paulus, bi jijai pelayan.

KOLOSE 1:27

Ngen umat-Ne o Allah melei namen padeak baikne ngen agungne resio-Ne o utuk kute umat manusio. Resio o adeba: Kristus ade neak lem dirainu, de taine udi bakea meding kebesaran Allah.

KOLOSE 2:6

Udi bi temimo Kristus Yesus, Tuhan ite. Kerno'o lokba idupnu tep neak lem Si.

1 TESALONIKA 3:5

Do'oba sebabne uku mutus Timotius, kerno uku lok nien namen awei ipe imennu lem hal pecayo ngen Kristus. Uku khawatir Iblis berasea menggoda udi sehinggo kute jerih payeak keme coa sio-sio.

IBRANI 10:39

Ite yo iso umat de mondor ngen sesat. Sebelekne, ite adeba umat de pecayo ngen Allah, de senlamat-Ne.

1 YOHANES 2:6

Api de madeak bahwo si idup jijai do ngen Allah, si harus idup serai awei Kristus bi idup.

2 YOHANES 1:9

Tun de coa bepegong ngen ajaran Kristus, tapi nyipang kunei jano de najea Kristus, tun o coa temuan Allah. Tun de tep ade neak lem ajaran Kristus, taine temuan Allah Bapa atau Anok.