YOHANES 15:27 - JANJAI BLAU Lem Bahaso Jang Bebilai

²⁷ Tapi udi kulo arus saksai, kerno udi kunei dutene sesamo ngen Uku.

YOHANES 15:27 ပူးပေါင်းရင်းမြစ်များ

1 YOHANES 4:14

Keme suang bi kemliak Anok Allah, ngen keme melei namen bahwo Si nutus Bapa utuk jijai Rajo Penyelamat dunio yo.

YOHANES 21:24

Siba penotoa de saksai tetang kutene yo ngen de sudo tenulisne ngen ite namen, bahwo saksaine o benea.

LUKAS 24:48

Ko adeba saksai kunei kutene yo.

KISAH RASUL-RASUL 23:11

Pado malem menne Tuhan teko je neak depeakne ngen madeak ngen si, “Teguakba ateinu, Ko bi melei saksainu tetang Uku neak Yerusalem. Be ko harus melei saksai o neak Roma.”

1 PETRUS 5:12

Su'et de siket yo uku temulis ngenko ngen bantuan Silas, de uku manggap suang saudaro Kristen de setia. Uku lok melai dorongan ngenko ngen meyakin udi bahwo jano de uku temulis yo bito de benea tetang rahmat Allah. Lokba udi bepegong teguak pado rahmat o.

1 PETRUS 5:1

Uku minoi perhatian tobo pemipin jemaatnu. Uku temulis dio sebagai rekan pemipin ngen sebagai tun de sudo kemliak suang penderitaan Kristus, ngen de bakea milau kulo diagungkan, amen keagungan Kristus kenten ngen manusio. Uku minoi ngen kembiak.

KISAH RASUL-RASUL 4:20

Sebab keme coa nam bedan miling tetang jano de sudo keme kemliak ngen temi'uk suang.”

KISAH RASUL-RASUL 1:8

Tapi udi bakea temimo kuaso amen Roh Sucai tu'un ngen udi, udi bakea jijai saksai-saksai-Ku neak Yerusalem ngen neak kute Yudea ngen Samaria sapei moi ujung bumai.”

WAHYU 1:9

Uku Yohanes, saudaro udi de senasib ngen udi lem saro de nding tiep penotoa Kristus. Ite tabah saro sebagai umat-Ne. Uku nuang moi Pulau Patmes kerno uku melei namen pesan kunei Allah, de kenuet Yesus liwet saksai-Ne.

WAHYU 1:2

Mako Yohanes kulo cemrito kute de kemliakne o; ngen dioba laporanne tetang pesen kunei Allah de kenuet Yesus Kristus liwet saksai-Ne.

KISAH RASUL-RASUL 18:5

Ketiko Silas ngen Timotius teko kunei Makedonia, Paulus muloi ngen sepenuakne melei namen bito kunei Allah, saksai ngen tun-tun Yahudi bahwo Yesusba Rajo Penyelamat.

KISAH RASUL-RASUL 13:31

Selamo kekedau waktau Si kemten dirai ngen tobo'o de motoa Si kunei Galilea moi Yerusalem. Tobo'oba de uyo jijai saksai-saksai-Ne utuk umat yo.

KISAH RASUL-RASUL 4:33

Ngen kuaso de lai, rasul-rasul o melei saksai bahwo Yesus sudo idup igai. Mako Allah kembiak memberkati tobo'o.

YOHANES 19:35

Tun de kemliak suang hal o de besaksai ngen saksaine benea, ngen si namen bahwo si madeak de benea, supayo udi kulo pecayo.

KISAH RASUL-RASUL 3:15

Udi bi munuak perintis kehidupan, tapi Allah bi midup igai Si kunei antaro tun matei, ngen tetang hal o keme adeba saksai.

MARKUS 1:1

Dioba Bito Baik tetang Yesus Kristus, Anok Allah.