YOHANES 15:26 - JANJAI BLAU Lem Bahaso Jang Bebilai

²⁶ Uku bakea mutus ngenko penulung de asalne kunei Bapa. Adeba Roh bakea madeak kebenea tetang Allah. Amen Si teko, Si bakea saksai tetang Uku.

YOHANES 15:26 ပူးပေါင်းရင်းမြစ်များ

LUKAS 24:49

Ngen Uku bakea mbo ngen udi jano de jenanjai Bapa-Ku. Tapi udi arus tinggea neak lem kota yo sapei pasuak nelekep ngen kuaso kunei penan de lekat.”

YOHANES 14:26

Tapi penulung, adeba Roh Sucai, de bakea nutus Bapa lem gen-Ku. Siba de bakea ngajea kute sesuaktau ngen udi ngen bakea minget udi kute de sudo Uku madeak ngen udi.

YOHANES 16:7

Tapi benea de Uku madeak yo ngen udi: Lebiak beguno utuk udi, amen Uku lalau. Sebab amen Uku coa lalau, penulung o coa bakea teko ngen udi, tapi amen Uku lalau, Uku bakea mutus Si ngen ko.

YOHANES 8:42

Nadeak Yesus ngen tobo'o, “Amen Allah adeba Baknu, udi bakea kemasiak Uku. Sebab Uku teko kunei Allah ngen uyo uku ade neak yo. Uku coa teko ngen kelok-Ku suang, tapi Siba mutus Uku.

KISAH RASUL-RASUL 1:4

Pado waktau o Si bekopoa sesamo tobo'o, Si melei periteak yo ngen tobo'o, “Jibeak lalau kunei Yerusalem, ngen meluak tobo'o tinggea neak di mbot janjai Bapa, de awei de nadeak-Ne, sudo udi temi'uk kunei Uku.

KISAH RASUL-RASUL 15:8

Allah, de kemnal atei manusio, melei saksai utuk tobo'o ngen melei karunio Roh Sucai ngen tobo'o serai awei ngen ite.

KISAH RASUL-RASUL 5:32

Kemeba saksai-saksai tetang kutene o – keme ngen kulo Roh Sucai de nelei Allah ngen tun-tun de temotoa periteak-Ne.”

1 KORINTUS 1:6

Do'o kemten bahwo bito tetang Kristus de bi ade neak antaro udi,

IBRANI 2:4

Seluyen o, Allah kemuet saksai tun-tun o ngen menea kute mecem keajaiban ngen hal-hal de luea biaso serto magiak pelei kunei Roh Allah temurut kelok-Ne suang.

WAHYU 22:1

Malaikat o kulo kemten ngen uku bioa lai de bioane melei kehidupan. Bioa o jeniak awei kristal ngen mengalir kunei takhta Allah ngen Anok Bebirai o.