YOHANES 15:24 - JANJAI BLAU Lem Bahaso Jang Bebilai

²⁴ Sekirone Uku coa menea neak tengeak-tengeak tobo'o kerjo-kerjo de coa perneak nea tun luyen, tobo'o paset coa beduso. Tapi uyo kunyau tobo'o bi kemliak kutene o, tobo'o jengik ngen Uku kulo ngen Bapa-Ku.

YOHANES 15:24 ပူးပေါင်းရင်းမြစ်များ

MATIUS 11:5

Tun buto kemliak, tun pakuak paneu, tun de temuan olon babok de kembiak saben ite kemliakne ka'en; tun setiuk temi'uk, tun matei idup igai, ngen Bito Baik kunei Allah senapei ngen tun peset.

MATIUS 21:32

Sebab Yohanes Pembaptis teko ngen temunjuk ngen udi ca'o idup de kenlok Tuhan nu, tapi ko coa pecayo ngen ajaran-Ne, tapi penagiak pajak ngen selawei nakea pecayo ngen Si. Tapi kunyau ko bi kemliak kutene'o, udi tep coa mubeak pekerannu, ngen coa pecayo ngen Tuhan.”

MATIUS 9:33

Yesus musir roh jahat'o ngen waktau'o kulo tun bisau nam miling igai. Tun dau heran ngen madeak, “Ati perneak keme kemliak hal de awei'o neak Israel.”

MARKUS 2:12

Tun'o kulo klongon, segro Si naket tikea'o ngen lalau moi luea kunei adep tun-tun o, sehinggo tobo'o kembiak tujau lajau mulia Allah, nadeak tobo'o, “De awei yo ati perneak ite kemliak.”

LUKAS 24:19

Nadeak-Ne ngen tobo'o, “Jano do'o.” Lajau jawab tobo'o, “Yesus tun Nazaret. Si adeba suang nebai, de bekuaso lem kerjo ngen kecek neak adep Allah ngen neak muko kute bangso keme.

YOHANES 10:32

Padeak Yesus ngen tobo'o, “Dau kerjo de baik de be'asal kunei Bak-Ku de Uku kemten ngen udi. Kerjo de ipe neak antarone de sembab udi lok meluk Uku?”

YOHANES 10:37

Amen Uku coa menea kerjo Bak-Ku, jibeakba pecayo ngen Uku.

YOHANES 12:10

Lajau imem-imem kepalo rencano utuk munuak Lazarus kulo;

YOHANES 12:45

Api bae de kemliak Uku, si kemliak Si, de bi sudo mutus Uku.

YOHANES 14:9

Nadeak Yesus ngen Si, “Bi an Uku sesamo udi, Filipus, tapi ko coa namen ngen Uku? Api bae de sudo kemliak Uku, si bi kemliak Bak. Awei ipe ko madeak: ‘Kenten ba Bak o ngen keme’!

YOHANES 15:21

Tapi kutene o bakea tobo'o menea te'adep udi kerno gen-Ku, sebab tobo'o coa namen Si desudo mutus Uku.

YOHANES 15:22

Sekirone Uku coa teko ngen coa madeak ngen tobo'o, tobo'o paset coa beduso. Tapi uyo tobo'o coa temuan alasan utuk duso tobo'o!

YOHANES 15:23

Api bae de jengik ngen Uku, si jengik kulo ngen Bapa-Ku

YOHANES 16:9

Penulung'o bakea madeak bahwo coa pecayo ngen-Ku adeba duso;

YOHANES 3:2

Si teko pado waktau kelemen ngen Yesus ngen madea, “Rabi, keme namen, bahwo Ko teko sebagoi gu'au de nutus Allah; sebab coa ade suang tun de dapet menea mujizat-mujizat de Ko nea'o, amen Allah coa semertonu.”

YOHANES 5:36

Tapi Uku temuan suatu saksai de lebiak peting kunei saksai Yohanes, adeba kute kerjo de senereak Bapa ngen Uku, supayo Uku kemerjone. Kerjo o kulo de kenerjo-Ku uyo, ngen do o ba de melei saksai tetang Uku, bahwo Bapa de mutus Uku.

YOHANES 6:36

Tapi Uku bi madeak ngen udi: sesungguakne udi bi kemliak Uku, tapi udi coa pecayo.

YOHANES 7:31

Tapi neak antaro tun dau o ade dau de pecayo ngen-Si ngen tobo'o madeak, “Amen Kristus teko, mukin Si bakea menea lebiak dau tando mujizat kunei de sudo nea-Ne yo?”

YOHANES 9:32

Kunei bel'o sapei uyo coa perneak temi'uk bahwo ade tun de menea tun sutai kunei laher dapet ngeliak.

YOHANES 9:41

Jawab Yesus ngen tobo'o, “Sekirone udi sutai, udi coa beduso. Tapi kerno udi madeak: ‘Keme kemliak,’ mako tep ba dusonu.”

KISAH RASUL-RASUL 10:38

Udi namen bahwo Allah bi miliak Yesus tun Nazaret o, melei namen ngen-Si Roh Sucai ngen kuaso. Udi namen kulo bahwo Yesus o lalau moi ipe bae utuk menea baik, Si kemaen kute tun de kenuaso Iblis, kerno Allah semerto Si.

KISAH RASUL-RASUL 2:22

Hoi tun-tun Israel! Temi'ukba kecek yo: Yesus kunei Nazaret adeba tun de sudo tentau Allah ngen dinyatakan ngen ko. Ngen kekuatan-kekuatan ngen mujizat ngen tando-tando ajaib de menea Allah liwet Si. Neak tengeak-tengeak ko, awei de ko namen.

ROMA 1:30

galok ngupet; tobo'o ombong ngen ku'ang ajea, jengik ngen Allah ngen galok ngike. Tobo'o pacok neak lem kejahatan ngen coa taat ngen tun tuai;

2 TIMOTIUS 3:4

Tobo'o galok berhianat, ombong ngen coa peker panjang. Tobo'o lebiak galok temotoa hawo nafsu kunei pado temotoa Allah.

YAKOBUS 4:4

Udi adeba tun de coa setia? Jano udi namen bahwo amen udi bekuat ngen dunio, mako udi jijai musuak Allah? Jijai api de lok kuat dunio yo, si jemijai diraine musuak Allah.