YOHANES 15:2 - JANJAI BLAU Lem Bahaso Jang Bebilai

² Tiep dan pado-Ku de coa bebuak, tentok-Ne ngen tiep dan de bebuak, nersi-Ne, supayo si lebiak dau buakne.

YOHANES 15:2 ပူးပေါင်းရင်းမြစ်များ

MATIUS 13:12

Kerno'o tun bi temuan, bakea nelei lebiak dau igai, ngen si bakea nelei ngen melipeak. Tapi tun de coa temuan jano-jano, mako didik de ade ngen si bakea nemok.

MATIUS 13:33

Ade do perumpamo luyen de cenrito Yesus ngen tun dau. “Amen Allah meriteak, keadaanne awei agai de nemok ngen su'ang selawei, lajau naduk ngen pat puluak liter gendum sapei ngembang kutene!”

MATIUS 15:13

Yesus jemawab, “Tiep tanem de coa tenanem Bak-Ku neak surgo bakea cenabut.

MATIUS 21:19

Si kemliak de pun buak ara neak biding dalen. Si lalau moi pun'o tapi coa temau do bueak kulo seluyen dawenne bae. Yesus madeak ngen pun'o, “Ko coa bakea bebuak igai!” Langsung pun ara'o lew.

MATIUS 25:29

Kerno tun de sudo temuan, bakea melei lebiak dau igai, ngen si belebiak. Tapi tun saro didik gi ade ngen bakea nemok igai.

MATIUS 3:10

Kapok bi siap utuk tembang pun sapei balet-baletne pun de coa baik bueakne mestai tembang ngen nuang lem opoi.

MATIUS 3:12

Alat utuk tempai bi neak tangen-Ne utuk mbersih gendum-Ne, gendum bakea nelunggukne neak lem tuoa, tapi kute kaleak-Ne bakea nembem neak lem opoi de coa nam padem.”

MATIUS 7:19

Tiep pun de bueakne coa baik tembang ngen nembem.

MARKUS 4:20

Ngen akhirne de tenbea neak pitok de baik, adeba tun temi'uk ngen semambut firman'o lajau bebuak, ade de telau puluak kilai lipet, ade de num puluak lipet, ngen ade de sotos kilei lipet.”

LUKAS 8:13

De us neak taneak de bebutau o siba tun-tun de sesudo temi'uk firman o, temimone ngen riang, tapi tobo'o o coa balet, tobo'o masai tegoa bae ngen lem maso pencobaan tobo'o murtad.

YOHANES 15:1

“Ukuba pokok anggur de benea ngen Bapa-Ku ba temuanne.

YOHANES 15:16

Iso udi de miliak Uku, tapi Uku ba de miliak udi, Uku bi temtep udi, supayo udi lalau ngen asea buak de dau, supayo jano de udi minoi ngen Bapa lem gen-Ku neleine ngen udi.

YOHANES 15:3

Udi memang bi bersih kerno firman de sudo Uku madeak ngen udi.

YOHANES 15:6

Api de coa tinggea lem Uku, si nuang moi luea awei dan jijai ke'ing, sesudo'o tun melunggukne nuang moi lem opoi lajau nembem.

YOHANES 15:8

Lem hal yo ba Bapa-Ku nujai, adeba amen udi bebuak dau ngen awei'o udi adeba penotoa-penotoa-Ku.”

YOHANES 17:12

Sekean Uku sesamo tobo'o, Uku miaro tobo'o lem gen-Nu de sudo Ko melei ngen-Ku; Uku jemago tobo'o ngen coa ade suang kulo kunei tobo'o de nyep seluyen si desudo se'arusne nyep, supayo tejijaiba de tenulis lem Kiteb Sucai.

ROMA 11:17

Kerno o amen kekedau dan bi natiak ngen udi sebagai sping bi cenakuk neak antarone ngen dapet bagian lem balet pun zaitun de penuak geteak,

ROMA 11:22

Sebab o kemliakba kemurahan Allah ngen kulo kekerasan-Ne, adeba kekerasan teadep tun-tun de sudo us, tapi das udi kemurahan-Ne, adeba amen udi tep lem kemurahan-Ne; amen coa, udi kulo coa bakea tentok.

ROMA 8:28

Ite namen uyo, bahwo Allah kulo kerjo lem kute sesuaktau utuk mbin kebaikan utuk tobo'o de mengasihi Si, adeba utuk tobo'o de nok-Ne sesuai ngen rencano Allah.

1 KORINTUS 13:1

Kunyau uku dapet miling ngen bebagoi bahaso manusio, bahkan ngen bahaso malaikat, tapi uku coa kemasiak tun luyen, mako kecek-kecekku o cuma sa'ei bae coa ade taine.

TITUS 2:14

Si bi melei dirai-Ne bagiak ite utuk mbebas ite kunei kute kejahatan, ngen jemijai ite umat de bebas kunei duso, de jijai de Si temuan bae, serto de rajin menea baik.

IBRANI 12:15

Jagoba jibeak sapei ade suang kulo de keluea kunei lingkungan kebaikan atei Allah, supayo jibeak ade de jijai awei tanem de ade acun neak tengeak-tengeak udi sehinggo timboa saro ngen musak dau tun ngen acunne.

1 YOHANES 2:19

Musuak-musuak Kristus o adeba tun-tun de sudo teminggea ite, kerno tobo'o sebeneane iso tun-tun ite. Amen tobo'o tun-tun ite, paset bae tobo'o tep besamo-samo ite. Tapi tobo'o teminggea ite, supayo jelasba bahwo coa su'ang tun kulo kunei tobo'o de benea-benea termasuk kelopok ite.

WAHYU 3:19

Tun-tun de uku kasihi, tobo'oba de Uku tema'ok ngen Uku cambuk. Kerno o lokba udi semangat, ngen tobatba kunei duso-dusonu.