YOHANES 15:19 - JANJAI BLAU Lem Bahaso Jang Bebilai

¹⁹ Sekirone udi kunei dunio, pasetba dunio mengasiak udi awei milikne. Tapi kerno udi iso kunei dunio, tapi Uku bi miliak udi kunei dunio, sebab do'oba dunio jengik ngen udi.

YOHANES 15:19 ပူးပေါင်းရင်းမြစ်များ

MATIUS 10:22

Kerno udi penotoa-Ku, tun bakea jengik ngen udi. Tapi tun de tep pecayo ngen Uku sapei akhir, Allah bakea semlamat si.

MATIUS 24:9

Sudo'o udi bakea tenakep ngen semreak utuk senikso ngen nunuak. Ngen kute dunio bakea jemngik udi kerno udi penotoa-Ku.

LUKAS 6:32

Amen udi mengasiak tun-tun de mengasiak udi bae, jano jasonu? Tun beduso kulo mengasiak tun-tun de mengasiak tobo'o!

YOHANES 13:18

Iso tetang udi kute Uku madeak. Uku namen, api de sudo Uku piliak. Tapi jano de tenulis neak lem Alkiteb harus tejijai, ‘Tun de mbuk besamo Uku, bakea melawen Uku.’

YOHANES 15:16

Iso udi de miliak Uku, tapi Uku ba de miliak udi, Uku bi temtep udi, supayo udi lalau ngen asea buak de dau, supayo jano de udi minoi ngen Bapa lem gen-Ku neleine ngen udi.

YOHANES 6:70

Jawab Yesus ngen tobo'o, “Uku suang de sudo miliak udi de duai belas yo. Tapi suang neak antaro udi adeba Iblis.”

YAKOBUS 4:4

Udi adeba tun de coa setia? Jano udi namen bahwo amen udi bekuat ngen dunio, mako udi jijai musuak Allah? Jijai api de lok kuat dunio yo, si jemijai diraine musuak Allah.

1 PETRUS 4:3

Pado maso de sudo, udi sudo cukup an menea jano de galok nea tun-tun de coa kemnal Tuhan. Udi idup coa baik. Udi temurut hawa nafsu, memabuk, pesta fora, memenem ngen sembeak berhala seca'o janjing.

1 YOHANES 3:12

Jibeakba ite awei Kain, de jijai anok Iblis ngen munuak pasuakne su'ang. Jano sebab Kain munuak pasuakne? Sebab hal-hal de neane adeba saleak, tapi hal-hal de nea pasuakne adeba benea.

WAHYU 12:17

Nagai o jijai kembiak mengiak ngen selawei o, sehinggo si lalau semrang turunan de luyen kunei selawei o, adeba kute tun de taat ngen periteak-periteak Allah, ngen de melei saksai tetang Yesus ngen kuaso-Ne.

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.