YOHANES 15:16 - JANJAI BLAU Lem Bahaso Jang Bebilai

¹⁶ Iso udi de miliak Uku, tapi Uku ba de miliak udi, Uku bi temtep udi, supayo udi lalau ngen asea buak de dau, supayo jano de udi minoi ngen Bapa lem gen-Ku neleine ngen udi.

YOHANES 15:16 ပူးပေါင်းရင်းမြစ်များ

MATIUS 21:22

Jano bae de udi minoi lem du'o ngen penuak pacayo, Allah bakea melei udi.”

MATIUS 7:7

“Minoiba, mako udi bakea temimo. Mesoaba mako udi bakea dapet. Kemtukba, mako bang bakea nukok utuknu.

LUKAS 6:13

Ketiko kebilai, Si menok penotoa-penotoa-Ne ngen Si, lajau miliak kunei antaro tobo'o duai belas tun, Si temgen duai belas tun o rasul. Tobo'o adeba:

YOHANES 13:18

Iso tetang udi kute Uku madeak. Uku namen, api de sudo Uku piliak. Tapi jano de tenulis neak lem Alkiteb harus tejijai, ‘Tun de mbuk besamo Uku, bakea melawen Uku.’

YOHANES 15:19

Sekirone udi kunei dunio, pasetba dunio mengasiak udi awei milikne. Tapi kerno udi iso kunei dunio, tapi Uku bi miliak udi kunei dunio, sebab do'oba dunio jengik ngen udi.

YOHANES 15:5

Ukuba pun anggur ngen ko ba dan-danne. Api bae de tinggea lem Uku ngen Uku lem si, si bebuak dau, sebab neak luea Uku udi coa dapet menea jejano.

YOHANES 6:70

Jawab Yesus ngen tobo'o, “Uku suang de sudo miliak udi de duai belas yo. Tapi suang neak antaro udi adeba Iblis.”

KISAH RASUL-RASUL 1:24

Tobo'o kute bedu'o ngen madeak, “Au Tuhan, Ko ba de namen atei kute tun, tunjukba kirone api de ko bi niliak kunei keduai tun yo,

KISAH RASUL-RASUL 1:8

Tapi udi bakea temimo kuaso amen Roh Sucai tu'un ngen udi, udi bakea jijai saksai-saksai-Ku neak Yerusalem ngen neak kute Yudea ngen Samaria sapei moi ujung bumai.”

KISAH RASUL-RASUL 10:41

iso ngen kute bangso o, tapi ngen saksai-saksai, de ayokne bi tenunjuk ngen Allah. Keme de bi mukmei ngen menem besamo-samo ngen Si, sesudo Si idup igai kunei antaro tun matei.

KISAH RASUL-RASUL 22:14

Lajau nadeakne: ‘Allah ninik puyang te bi temtep ko utuk namen kelok-Ne, utuk kemliak De Benea, utuk temi'uk sa'ei de kelua kunei bibia-Ne.

KISAH RASUL-RASUL 9:15

Tuhan madeak ngensi, “Lalauba, sebab tun yo adeba alat piliak bagiak-Ku utuk melei namen gen-Ku neak adep bangso-bangso luyen serto rajo-rajo ngen tun-tun Israel.

ROMA 1:13

Saudaro-saudaro, uku lok, supayo udi namen, bahwo uku bi cet beniat utuk teko ngen udi – tapi sapei uyo ade bae halangan – kunyau neak tengeak-tengeak udi uku dapet aseane, awei kulo neak tengeak-tengeak bangso iso Yahudi de luyen.

ROMA 1:5

Liwet Si kulo Allah melei ngen uku karunio jijai rasul, supayo uku – utuk menghormati Kristus – mbimbing tun-tun kunei kute bangso supayo pecayo ngen taat.

ROMA 15:4

Kute de tetulis neak lem Kiteb Sucai adeba utuk majea ite. Sebab pelajaran de ite temimo kunei Kiteb Sucai menea ite jijai tabah ngen kuet sehinggo ite dapet ma'ep ngen Allah.

ROMA 9:21

Jano tun de menea pot bungai o behok kemerjo pitok daliak o sekelok ateine? Kunei degum pitok daliak, tun o behok menea duai mecem pot bungai: do de ba'es, ngen de luyenne de agok kidek.

1 KORINTUS 10:11

Kute hal o tejijai ngen tobo'o utuk jijai contoh bagiak tun luyen. Ngen kutene o tetulis kulo utuk jijai penginget ngen ite. Sebab ite uyo idup neak maso akhir zaman.

GALATIA 1:15

Tapi kerno baikne atei Allah, Si miliak uku ayok uku laher ngen menok uku utuk melayan-Ne.

EFESUS 2:10

Kerno ite adeba ciptaan Allah, liwet Kristus Yesus utuk menea kerjo baik, de seniap Allah ayokne. Si lok, supayo ite idup lem-Ne.

KOLOSE 1:23

Sebab o udi harus tep setia pecayo ngen kepercayaannu. Jibeak sapei udi muang harapan de sudo nelei ngen udi ketiko udi temimo Bito Baik kunei Allah. Bito o bi nelei namen ngen kute tun neak kute dunio. Ngen utuk do'oba kulo uku, Paulus, bi jijai pelayan.

KOLOSE 1:6

Bito kunei Allah o tesebea moi kute dunio, ngen tun-tun te'us diberkati bito o, serai awei udi diberkati sejok udi temi'uk tetang rahmat Allah ngen sebeneane.

1 TIMOTIUS 2:7

Ngen do'oba sebabne uku neluak lalau ngen tun-tun iso Yahudi utuk melei namen ngen tobo'o bito tetang kepercayaan de benea. Lajau uku coa mike.

2 TIMOTIUS 1:11

Utuk melei namen Bito Baik o ba Allah maket uku jijai rasul ngen gu'au.

2 TIMOTIUS 2:2

Ajaran de bel'o bi ko temi'uk kunei uku neak adep tun dau, lokba ko minoi supayo najea kulo ngen tun-tun de dapet pecayo ngen de pacok majea tun luyen.

TITUS 1:5

Uku teminggea ko neak Kreta supayo ko dapet murus hal-hal de masiak perlu natur. Kulo, supayo ko maket pemipin-pemipin jemaat neak tiep kota. Tingetba ngen petunjuk-petunjukku yo:

IBRANI 11:4

Kerno berimen, mako Habel semreak ngen Allah kurban lebiak baik kunei kurban Kain. Kerno imenne o, Habel tenimo Allah sebagai tun de baik, sebab nyatoba bahwo Allah temimo persembahanne. Habel sudo ninggea, tapi kerno imenne o, mako si masiak miling sapei uyo.

YAKOBUS 3:18

Memang kebaikan adeba asea kunei biniak damoi de tembea tun de cito damoi!

1 PETRUS 3:15

Tapi neak lem ateinu, lokba udi melei ngen Kristus penghormatan de khusus de sesuai ngen kedudukan-Ne sebagai Tuhan. Ngen lokba udi bogoa siap utuk melei jawaban ngen tiep tun de betanye tetang harapan de udi temuan.

1 PETRUS 3:2

sebab tobo'o kemliak perbuatannu de sucai ngen saleh.

1 YOHANES 4:10

Dioba kasih o: Iso ite de sudo mengasiak Allah, tapi Allah de mengasiak ite ngen mutus Anok-Ne supayo liwet Si ite dapet pengampunan das duso-duso ite.

1 YOHANES 4:19

Ite mengasiak, sebab Allah lebiak dute mengasiak ite.