YOHANES 14:6 - JANJAI BLAU Lem Bahaso Jang Bebilai

⁶ Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

YOHANES 14:6 ပူးပေါင်းရင်းမြစ်များ

MATIUS 11:27

Lajau Yesus madeak, kute bi senreak Bak utuk-Ku, “Coa su'ang tun kemnal Anok seluyen Bak. Coa gen kulo de kemnal Bak seluyen Anok ngen tun-tun de niliak Anok'o utuk nelei namen api sebeneane Bak.

YOHANES 1:14

Firman'o bi jijai manusio, ngen tinggea neak antaro ite, ngen ite bi kemliak kemulioan-Ne adeba kemulioan de nelei ngen Si sebagoi Anok tunggea Bapa, penuak anugrah ngen de benea.

YOHANES 1:17

Sebab Hukum Taurat nelei liwet Musa. Tapi anugrah ngen benea teko liwet Yesus Kristus.

YOHANES 1:4

Lem Si ade idup ngen idup'o adeba te'ang manusio.

YOHANES 10:28

Uku melei idup de kekal ngen tobo'o ngen coa bakea benaso sapei seke'anne ngen coa suang tun mok tobo'o kunei tangen-Ku.

YOHANES 10:7

Kerno o Yesus madeak igai, “Sesungguakne Uku madeak ngen udi; Ukuba bang kunei bebirai o.

YOHANES 10:9

Uku ba bang. Api bae de masuk liwet Uku, si bakea semlamat ngen si bakea masuk ngen keluea temau padang dukut.

YOHANES 14:19

Tegoa igai dunio coa bakea kemliak Uku, tapi udi bakea kemliak Uku sebab Uku idup ngen udi kulo bakea idup.

YOHANES 15:1

“Ukuba pokok anggur de benea ngen Bapa-Ku ba temuanne.

YOHANES 18:37

Lajau nadeak Pilatus ngen Si, “Jijai Ko adeba rajo?” Jawab Yesus, “Ko madeak bahwo Uku adeba rajo. Utuk do'o ba Uku laher ngen utuk do'oba Uku teko moi lem dunio yo, supayo Uku melei saksai tetang de benea. Tiep tun de berasal kunei de benea temi'uk sa'ei-Ku.”

YOHANES 5:21

Sebab serai awei Bapa midup igai tun-tun matei, awei yo kulo Anok midup igai api bae de kelok Ne.

YOHANES 6:33

Kerno ruti de kunei Allah adeba ruti de tu'un kunei surgo ngen de melei idup ngen dunio.”

YOHANES 6:51

Uku ba ruti de melei idup de sudo tu'un kunei surgo. Amen suang tun mbuk ruti yo, si bakea idup seka'en ne, ngen ruti de bakea Uku melei o adeba daging-Ku, de bakea uku melei utuk idup dunio.”

YOHANES 6:57

Bapa de idup o, mutus Uku ngen Uku kulo idup kunei Bapa. Awei o kulo tun de mbuk daging-Ku bakea idup kunei Uku.

YOHANES 6:68

Jawab Simon Petrus ngen-Si, “Tuhan, ngen api keme bakea lalau? Kecek-Nu adeba kecek idup de kekal.

YOHANES 8:32

Ngen udi bakea namen kebenea ngen kebenea o bakea mbebas udi.”

YOHANES 8:51

Sesungguakne Uku madeak ngen udi: Api bae temotoa firman-Ku, si coa bakea meding maut sapei keke'anne.”

KISAH RASUL-RASUL 3:15

Udi bi munuak perintis kehidupan, tapi Allah bi midup igai Si kunei antaro tun matei, ngen tetang hal o keme adeba saksai.

KISAH RASUL-RASUL 4:12

Coa ade keselamatan neak lem api bae kulo seluyen neak lem Si, sebab neak beak lenget yo coa ade gen luyen di nelei ngen manusio de kunei Yesus ite dapet selamat.”

KISAH RASUL-RASUL 9:2

minoi su'et kuaso utuk nembin moi pemipin-pemipin umeak-umeak semyang tun Yahudi neak Damsyik, supayo amen si temmau neak di tun-tun de pecayo ngen Yesus, si dapet temakep tobo'o lajau mbin tobo'o moi Yerusalem.

ROMA 15:16

Si bi menea uku jijai pelayan Kristus Yesus utuk nutus ngen bangso-bangso de iso Yahudi. Ngen uku bertindak sebagai imem, de melei namen Bito Baik kunei Allah, supayo tun-tun iso Yahudi jijai suaktau persembahan ngen Allah de dapet tenimo-Ne. Semoga Roh Allah menea tobo'o jijai suaktau persembahan de khusus utuk Allah.

ROMA 5:2

Kerno ite percayo ngen Yesus, mako ite kulo dapet kasih karunio kunei Allah. Neak lem kasih karunio yo, ite idup ngen bangga lem pengharapan ngen temimo kemulioan Allah.

ROMA 5:21

Supayo, serai awei duso bekuaso lem alam maut, awei o kasih karuni bakea bekuaso kerno kebenaran utuk idup de kekal, kerno Yesus Kristus, Tuhan ite.

1 KORINTUS 15:45

Lem Kiteb Sucai tetulis aweiyo, “Manusio de pertamo, adeba Adam, jijai makhluk de idup,” tapi Adam de terakhir adeba Roh de melei idup.

EFESUS 2:18

Kerno liwet Kristus, ite kute jijai do dapet pa'ok ngen sang Bapa.

KOLOSE 2:17

Kutene o cuma bayangan bae kunei hal-hal de bakea teko, tapi nyato kunei hal-hal o adeba Kristus!

KOLOSE 2:9

Sebab kute kepribadian Allah ade lem Kristus, adeba lem kemanusiaan-Ne.

KOLOSE 3:4

Nah, sumber idupnu de sejati adeba Kristus ngen amen Si keten be udi kulo bakea keten besamo-samo ngen Si lem kebesaran-Ne!

IBRANI 7:25

Kerno o utuk selamo-lamone Yesus dapet semlamat tun-tun de teko ngen Allah liwet Si, sebab Si idup selamo-lamone utuk melei permohonan ngen Allah bagiak tun-tun o.

IBRANI 9:8

Ngen aturan awei o, Roh Allah kemten ngen jelas, bahwo selamo kemah bagian muko o masiak tegok, dalen masuk moi lem Ruang Mahasucai o ati tukok.

1 PETRUS 1:21

Liwet Siba udi pecayo ngen Allah de sudo midup-Ne igai kunei matei ngen mengagungkan-Ne. Jijai, Allahba de udi pecayo ngen Allahba kulo udi mpek harapan.

1 PETRUS 2:4

Kerno o, tekoba ngen Tuhan. Si awei butau de idup, butau de nuang manusio kerno nanggap coa beguno; tapi de niliak Allah sebagai butau de bego.

1 PETRUS 3:18

Sebab Kristus suang matei cuma debat bae, utuk selamo-lamone kerno duso manusio – suang tun de coa saleak, matei utuk tun de saleak. Kristus menea do'o supayo Si dapet bimbing udi ngen Allah. Si nunuak seca'o jasmani, tapi nidup igai seca'o rohani.

1 YOHANES 1:8

Amen ite madeak bahwo ite coa beduso, ite mike dirai ite su'ang; ngen Allah coa ade neak lem atei ite.

1 YOHANES 2:23

Tun de coa makau Anok, taine coa temimo Bapa kulo. Tun de makau Anok, taine temimo Bapa kulo.

1 YOHANES 5:20

Ite namen bahwo Anok Allah bi teko ngen sudo melei pengertian ngen ite, supayo ite kemnal Allah de benea. Ite idup jijai do ngen Allah de benea ngen idup jijai do ngen anok-Ne Yesus Kristus, dioba Allah de benea, ngen dioba idup sejati ngen kekal.

1 YOHANES 5:6

Yesus Kristusba de teko moi dunio ngen bio baptisan-Ne ngen daleak kematian-Ne. Si teko iso cuma ngen bioa bae tapi ngen bio ngen daleak. Roh Allah su'ang melei saksai bahwo do'o benea, sebab roh coa perneak berdusta.

2 YOHANES 1:9

Tun de coa bepegong ngen ajaran Kristus, tapi nyipang kunei jano de najea Kristus, tun o coa temuan Allah. Tun de tep ade neak lem ajaran Kristus, taine temuan Allah Bapa atau Anok.

WAHYU 1:5

ngen kunei Yesus Kristus, saksai de setia. Siba de pertamo-tamo idup igai kunei matei ngen Siba penguaso das rajo-rajo dunio. Yesus mengasiak ite, ngen kematian-Ne Si bebas kunei duso-duso ite,

WAHYU 19:11

Sesudo'o uku kemliak surgo tukok, lajau keten dikup kudo putiak. Gen de mbinne adeba De Setia ngen De Benea. Si adea lem mok keputusan ukuman ngen lem peperangan de nea-Ne.

WAHYU 20:15

Tun-tun de genne coa tetulis neak lem Bukau Tun Idup, nuang moi lem lautan opoi.

WAHYU 22:1

Malaikat o kulo kemten ngen uku bioa lai de bioane melei kehidupan. Bioa o jeniak awei kristal ngen mengalir kunei takhta Allah ngen Anok Bebirai o.

WAHYU 22:17

Roh Allah ngen Pengaten Selawei madeak, “Maroba!” Tiep tun de temi'uk dio harus kulo madeak, “Maroba!” Api de haus, lokba si teko! Ngen api de kemlok, lokba si mok bioa de melei kehidupan o ngen cuma-cuma.

WAHYU 3:14

“Ngen jemaat neak Laodikia, tulisba awei yo: Dioba pesen kunei Sang Amin, Saksai de setia ngen benea, sumber kute sesuaktau de ciptaan Allah.

WAHYU 3:7

“Ngen malaikat jemaat neak Filadelfia, tulisba awei yo: Dioba pesen kunei Si de sucai ngen sejati. Siba de megong kucai Daud; amen Si mukok, coa suang kulo dapet kematupne, ngen amen Si kematupne, coa suang kulo dapet mukokne.