YOHANES 14:4 - JANJAI BLAU Lem Bahaso Jang Bebilai

⁴ Moi ipe Uku lalau, udi namen dalen moi mindi.”

YOHANES 14:4 ပူးပေါင်းရင်းမြစ်များ

LUKAS 24:26

Mesias arus malami saro kutene o utuk masuk moi lem kemulio-Ne.”

YOHANES 10:9

Uku ba bang. Api bae de masuk liwet Uku, si bakea semlamat ngen si bakea masuk ngen keluea temau padang dukut.

YOHANES 12:26

Api bae de mlayan Uku, si arus temotoa Uku, neak ipe Uku ade, neak di kulo pelayan-Ku ade. Api bae de mlayan Uku, si bakeane harmot Bak-Ku.

YOHANES 13:3

Yesus namen bahwo Bak bi semreak kutene ngen Si bahwo Si teko kunei Allah ngen bakea belek ngen Allah.

YOHANES 14:2

Neak umeak Bak-Ku dau penan tinggea. Amen coa awei ipe, paset uku madeakne ngen nu. Sebab Uku lalau moi di utuk semiyap penan utuknu.

YOHANES 14:28

Udi bi temi'uk bahwo Uku bi madeak ngen udi: ‘Uku lalau, tapi Uku teko igai ngen udi.’ Sekirone udi mengasiak Uku, udi bakea riang kerno Uku lalau ngen Bapa-Ku, sebab Bapa lebiak lai kunei Uku.

YOHANES 14:3

Amen Uku lalau moi di ngen bi semiyap penan utuknu. Uku bakea teko igai mbin udi moi penan-Ku, supayo neak penan Uku ade, udi kulo ade.

YOHANES 14:5

Nadeak Tomas ngen Yesus, “Tuhan, keme coa namen moi ipe Ko lalau; awei ipe keme namen dalen moi mindi?”

YOHANES 16:28

Uku teko kunei Bapa ngen Uku teko moi lem dunio. Uku teminggea dunio kulo ngen lalau ngen Bapa.”

YOHANES 3:36

Api bae de pecayo ngen Anok, si dapet idup de kekal. Tapi api bae de coa taat ngen Anok si coa bakea kemliak idup, meluyen murko Allah tep tinggea neak dasne.

YOHANES 6:40

Sebab dioba kelok Bapa-Ku: Adeba supayo tiep tun de kemliak Anok ngen de pecayo ngen-Si dapet idup de kekal, ngen supayo Uku midup igai pado Bilai Kiamat.”