YOHANES 14:30 - JANJAI BLAU Lem Bahaso Jang Bebilai

³⁰ Coa dau igai Uku madeak ngen udi, sebab penguaso dunio yo teko, si coa kuaso didik kulo das dirai-Ku.

YOHANES 14:30 ပူးပေါင်းရင်းမြစ်များ

1 YOHANES 5:19

Ite namen bahwo ite de Allah temuan, kunyau kute dunio yo ade neak beak kuaso de jahat.

1 YOHANES 4:4

Tapi anok-anokku, udi de Allah temuan. Udi bi maleak nebai-nebai palsu, sebab de ade ngen udi lebiak bekuaso kunei roh de ade ngen tun-tun de temuan dunio yo.

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.

YOHANES 12:31

Uyo bi sapei waktaune dunio yo nakim, uyo kulo penguaso dunio yo bakea neluk moi luea.

EFESUS 6:12

Sebab ite berjuang isone melawen manusio, tapi melawen kekuatan kute iblis-iblis de kemuaso zaman de kidek yo. Ite melawen kekuatan roh-roh kidek de kemuaso udara.

1 PETRUS 2:22

Si coa perneak menea duso, ngen coa perneak su'ang tun kulo temi'uk Si mike.

EFESUS 2:2

Udi idup neak lemne, kerno udi temotoa dalen dunio yo, udi taat ngen penguaso kerajaan angkasa, adeba roh de uyo dong bekerjo neak antaro tun-tun durhako.

2 KORINTUS 4:4

Tun-tun de coa pecayo, de pekeranne bi tetutup ngen ilah zaman yo, sehinggo tobo'o coa kemliak cahayo kunei Bito Baik o de adeba gambar Allah.

IBRANI 4:15

Imem Lai ite o isoba imem de coa dapet meding kelemahan-kelemahan ite. Se belek ne, Si sudo cenubo lem kute hal, serai awei ite suang; cuma Si coa menea duso!

LUKAS 22:53

Padohal tetiep bilai Uku ade neak tengeak-tengeak udi neak lem Umeak Tuhan, ngen udi coa temakep Uku. Tapi dioba saat udi, ngen dioba kuaso kegelapan o.”

KOLOSE 1:13

Si bi mbebas ite kunei kuaso kegelapan ngen maliak ite moi lem kerajaan Anok-Ne de kenasiak-Ne.

IBRANI 7:26

Jijai, Yesus do'oba Imem Lai de ite perlu. Si sucai; ngen-Si coa ade saleak atau duso jano bae. Si cen'ei kunei tun-tun beduso, ngen naket sapei moi penan de lebiak lekat kunei kute lenget.

2 KORINTUS 5:21

Si de coa namen duso bi nea-Ne jijai duso kerno ite, supayo neak lem Si ite jijai benea.

KISAH RASUL-RASUL 1:3

Sesudo Si matei, selamo pat puluak bilai Si cet kemten dirai ngen ca'o tete'ang ngen rasul-rasul o bahwo Si benea-benea idup. Tobo'o kemliak Si, Si miling ngen tobo'o awei ipe Allah meriteak awei Rajo.

LUKAS 1:35

Jawab malaikat o ngen si, “Roh Sucai bakea tu'un das ko ngen kuaso Allah De Kembiak lekat bakea melindung ko; sebab o anok de bakea ko melaher o bakea senbut Sucai, Anok Allah.

1 PETRUS 1:19

meluyen sesuaktau de kembiak bego; adeba dirai Kristus suang, de jijai sebagai bebirai coa ade cacet ngen cela de kenorban ngen Allah.

1 YOHANES 5:18

Ite namen bahwo kute tun de sudo jijai anok-anok Allah, coa bogoa menea duso, sebab Anok Allah semlamatne, ngen de jahat coa dapet menea jejano teadepne.