YOHANES 14:27 - JANJAI BLAU Lem Bahaso Jang Bebilai

²⁷ Damoi sejahtera Uku melei utuk udi. Damoi sejahtera-Ku Uku melei ngen udi, jano de Uku melei coa awei de nelei kunei dunio ngen udi. Jibeakba liseak ngen saben atei nu.

YOHANES 14:27 ပူးပေါင်းရင်းမြစ်များ

FILIFI 4:7

Mako sejahtera kunei Allah de coa mukin dapet manusia ngertai, bakea jemago atei ngen pekerannu de sudo jijai do ngen Kristus Yesus.

YOHANES 16:33

Kutene o Uku madeak ngen udi, supayo udi dapet damoi sejahtera lem Uku. Neak dunio udi bakea saro. Tapi kenuetba ateinu! Uku bi maleak dunio!”

2 TESALONIKA 3:16

Tuhan adeba sumber kesejahteraan ite. Semoga Si bogoa melei ngen udi sejahtera lem kute hal. Semoga Tuhan semerto Saudaro kutene.

KOLOSE 3:15

Lokba damoi sejahtera Kristus meriteak lem ateinu, kerno utuk do'oba udi bi nok lem do awok. Ngen bersyukurba.

2 TIMOTIUS 1:7

Sebab Allah melei ngen ite iso Roh de menea ite jijai saben. Sebelekne Roh Allah o menea ite jijai kuet, penuak kasiak ngen tertib.

ROMA 15:13

Allah adeba penan udi ma'ep. Semoga Si menea ateinu ngen kute sukocito ngen sejahtera kerno udi pecayo ngen Si, supayo ngen kuaso Roh Allah udi tambeak ma'ep ngen Allah.

ROMA 8:6

Kerno kelok tabi'at manusio adeba maut, tapi kelok Roh Allah adeba idup ngen damoi sejahtera.

GALATIA 5:22

Sebelekne, amen tun-tun nipin Roh Allah, aseane adeba: Tobo'o samo-samo mengasihi, riang, atei tenang, sabar ngen baik budi, baik te'adep tun luyen, setia,

ROMA 5:1

Sebab o, ite de benea kerno imen, ite idup lem damoi sejahtera ngen Allah kerno Tuhan ite, Yesus Kristus.

YOHANES 14:1

Yesus madeak ngen tobo'o, “Jibeak liseak ateinu; pecayoba ngen Allah, pecayoba kulo ngen Uku.

ROMA 5:10

Pado waktau ite jijai musuak, Allah bi demamoi ite liwet kematian Anok-Ne. Telebiak uyo, ketiko ite sudo bi demamoi, pasetba ite bi demamoi-Ne, liwet idup-Ne!

YOHANES 20:21

Lajau nadeak Yesus debat igai, “Damoi sejahtera utuk udi! Serai awei Bapa mutus Uku, awei o kulo uyo Uku mutus ko.”

KOLOSE 1:20

Ngen liwet Anok o kulo Allah mutus utuk menea kute sesuaktau baik igai ngen Si – baik kute sesuaktau neak dunio, atau de neak surgo. Allah menea o liwet mateine Anok-Ne neak salib.

ROMA 1:7

Do'o sebabne uku temulis ngen udi. Semoga Allah Bapa ite ngen Tuhan Yesus melei berkat ngen sejahtera ngen udi.

YOHANES 20:19

Waktau bilai bi kelemen pado bilai pertamo minggau o kopoaba penotoa-penotoa Yesus neak do penan ngen bang-bang de tekucai kerno tobo'o saben ngen tobo penguaso Yahudi. Pado waktau o tekoba Yesus ngen je neak tengeak-tengeak tobo'o ngen madeak, “Damoi sejahtera utuk udi!”

2 TESALONIKA 1:2

Anugerah ngen damoi sejahtera kunei Allah, Bapa ite, ngen kunei Tuhan Yesus Kristus semerto udi.

KISAH RASUL-RASUL 10:36

Do'oba firman de Si semapei ngen tun-tun Israel waktau si melei namen damoi sejahtera liwet Yesus Kristus de adeba Tuhan kunei kute tun.

LUKAS 2:14

“Tepujaiba Allah neak lenget de kembiak lekat! Ngen neak das bumai, sejahteraba manusio de semnang atei Tuhan!”

LUKAS 1:79

awei yo ba Si melei te'ang-Ne ngen kute tun de idup neak lem kelem ngen saben. Si mipin ite moi dalen damoi sejahtera.”

IBRANI 13:20

Allah bi midup Tuhan ite Yesus kunei matei. Kerno matei-Ne o Si uyo jijai Gembala Agung bagiak ite, adeba bebirai-bebirai-Ne. Kematian-Ne o kulo mbin igai perjanjian kekal de nea Allah ngen ite.

KISAH RASUL-RASUL 18:9

Pado suaktau kelmen Tuhan madeak ngen Paulus neak lem pengeliak, “Jibeak saben! Terusba melei namen firman ngen jibeak diem!

MATIUS 10:26

“Jibeakba saben ngen manusio coa ade de tekunyin de coa bakea keten ngen coa ade de resio de coa bakea nukok.

WAHYU 2:10

Jibeakba saben te'adep penderitaan de coa an igai harus udi meding. Tinget, Iblis bakea embin kekedau kunei udi masuk lem sel utuk cemubo udi. Udi bakea saro puluak bilai an ne. Lokba udi setia ngen Uku sapei matei, mako Uku bakea melei ngen udi idup sejati ngen kekal sebagai hadiah kemenangan.

WAHYU 1:4

Saudaro-saudaro de ade neak ketujuak jemaat neak daerah Asia! Uku, Yohanes, ma'ep udi nelei berkat ngen sejahtera kunei Allah – adeba Si de ade, de sudo ade, ngen de ade seterusne – ngen kulo kunei ketujuak roh de ade neak adep takhta Allah,

IBRANI 7:2

Mako Abraham melei ngen Melkisedek puluak persen kunei kute jano de nbutne. (Gen Melkisedek taine, pertamo-tamo, “Rajo Keadilan”; ngen kerno si rajo kunei Salem, mako genne kulo taine “Rajo Sejahtera”.)

YOHANES 20:26

Lapen bilai sesudo'o penotoa-penotoa Yesus ade igai lem umeak o ngen Tomas sesamo ngen tobo'o. Sementaro bang-bang tekucai, Yesus teko ngen je neak tengeak-tengeak tobo'o ngen madeak, “Damoi sejahtera utuk udi!”

WAHYU 21:8

Tapi tun-tun penyaben, tun-tun de coa pecayo, tun-tun keji, pembunuh, tun-tun zina, penyihir, tun de nyembeak patung ngen kute pendusta, bakea nuang moi lem lautan opoi ngen bli'ang de lai, adeba kematian de keduai.”

GALATIA 6:16

Bagiak tun-tun de idup ngen pendirian o, awei o kulo bagiak kute umat Allah, uku ma'ep Allah bakea melei damoi sejahtera ngen rahmat das tobo'o ngen das Israel de Allah temuan.

LUKAS 10:5

Amen udi masuk moi do umeak, nadeakba lebiak dute, ‘Semoga sejahteraba lem umeak yo.’

LUKAS 12:4

“Uku madeak ngen udi, hoi kekuat-Ku, jibeakba udi saben te'adep tobo'o de dapet munuak awok ngen sesudo'o coa dapet menea jejano igai.