YOHANES 14:26 - JANJAI BLAU Lem Bahaso Jang Bebilai

²⁶ Tapi penulung, adeba Roh Sucai, de bakea nutus Bapa lem gen-Ku. Siba de bakea ngajea kute sesuaktau ngen udi ngen bakea minget udi kute de sudo Uku madeak ngen udi.

YOHANES 14:26 ပူးပေါင်းရင်းမြစ်များ

MATIUS 1:18

Awei'oba cerito laherne Yesus Kristus: waktau Mariam betunang ngen Yusuf rupone Mariam bi ngandung kunei Roh Sucai kunei Allah ayok tobo'o nikeak.

MATIUS 1:20

Waktau si meker klokne'o, malaikat Tuhan keten lem mipaine. Malaikat'o madeak, “Yusuf turunan Daud, jibeak saben nikeak Mariam; kerno Anok de neak lem kandungan Mariam tejijai kerno kuaso Roh Sucai kunei Allah.

MATIUS 28:19

Kerno'o lalauba ngen kute bangso neak kute dunio, jijaiba tobo'o penotoa-penotoa-Ku. Baptis tobo'o ngen sembut Gen Bak, Anok, ngen Roh Sucai kunei Allah.

MATIUS 3:11

Uku membaptis udi ngen bio'a betando udi bi tobat kunei duso-duso, tapi Si de bakea teko sesudo uku, bakea membaptis Udi ngen opoi ngen Roh Sucai kunei Allah. Si lebiak bekuaso kunei uku. Utuk mbin sepatu-Ne bae uku coa patas.

MARKUS 12:36

Daud su'ang ngen pemipin Roh Sucai madeak: ‘Tuhan bi befirman ngen Tuan-Ku: Temot ba neak depeak kanen-Ku, sapei musuak-musuak-Nu nyereak ngen-Ko.’

MARKUS 13:11

Amen udi ni'ing ngen senerak, jibeakba udi renyeng jano de harus udi nadeak. Tapi nadeak ba jano de udi nelei ngen ko pado saat o kulo, sebab iso udi de kemecek, meluyen Roh Sucai.

LUKAS 1:15

Sebab si bakea lai neak adep Tuhan ngen si coa bakea menem anggur-anggur ngen menem de luyen ngen si bakea penuak ngen Roh Sucai ayok kunei kandungan makne ngen.

LUKAS 1:35

Jawab malaikat o ngen si, “Roh Sucai bakea tu'un das ko ngen kuaso Allah De Kembiak lekat bakea melindung ko; sebab o anok de bakea ko melaher o bakea senbut Sucai, Anok Allah.

LUKAS 1:41

Ketiko Elisabet temi'uk salam Maria, anok neak lem kandungan Elisabet o begerok. Mako Elisabet kenuaso Roh Allah,

LUKAS 1:67

Zakhria, tiakne, penuak ngen Roh Sucai sehinggo semapei pesen kunei Tuhan. Si madeak:

LUKAS 11:13

Jijai amen udi de jahat namen melei pelei de baik ngen anok-anoknu. Jano igai Bapanu de neak surgo! Si bakea melei Roh Sucai ngen tobo'o de minoi ngen-Si.”

LUKAS 2:25

Pado waktau o neak Yerusalem ade suang de genne Simeon. Si tun baik, de saben ngen Allah ngen gidong mbot saatne Allah semlamat Israel. Roh Allah semerto si,

LUKAS 24:49

Ngen Uku bakea mbo ngen udi jano de jenanjai Bapa-Ku. Tapi udi arus tinggea neak lem kota yo sapei pasuak nelekep ngen kuaso kunei penan de lekat.”

LUKAS 3:22

Roh Allah tu'un moi das Yesus awei burung daro. Lajau teti'uk sa'ei Allah madeak, “Koba Anok-Ku de Uku kemasiak. Ko semnang atei-Ku.”

YOHANES 1:33

Waktau'o kulo uku coa kemnal Si. Tapi Si, de nutus uku utuk membaptis ngen bioa, sudo berfirman ngen uku, ‘Amen ko kemliak Roh'o tu'un moi das suang tun ngen tinggea neak das-Ne, Siba de bakea membaptis ngen Roh Sucai.’

YOHANES 12:16

Memulo penotoa-penotoa Yesus coa ngertai ngen hal o. Tapi sesudo Yesus de mulio sesudo idup igai, tingget ba tobo'o bahwo ayat o tetang Si, bahwo tobo'o bi meneane kulo utuk Si.

YOHANES 14:16

Uku bakea minoi ngen Bak. Si bakea melei ngen udi Penolong de luyen, supayo si semerto udi seke'anne.

YOHANES 14:25

Kutene o Uku madeak ngen udi, semasiak Uku ade sesamo ngen udi.

YOHANES 15:26

Uku bakea mutus ngenko penulung de asalne kunei Bapa. Adeba Roh bakea madeak kebenea tetang Allah. Amen Si teko, Si bakea saksai tetang Uku.

YOHANES 16:7

Tapi benea de Uku madeak yo ngen udi: Lebiak beguno utuk udi, amen Uku lalau. Sebab amen Uku coa lalau, penulung o coa bakea teko ngen udi, tapi amen Uku lalau, Uku bakea mutus Si ngen ko.

YOHANES 2:22

Kerno'o sesudo Si idup igai kunei antaro tun matei, penotoa-penotoa-Ne tinget bahwo hal'o de nadeak-Ne, ngen tobo'o kulo pecayo ngen Kiteb Sucai ngen kecek de sudo nadeak Yesus.

YOHANES 20:22

Sesudo madeak awei o, Si kembus tobo'o ngen madeak, “Temimoba Roh Sucai.

YOHANES 6:45

Ade tetulis lem Kiteb Nebai-nebai: Tobo'o kute bakea najea ngen Allah. Ngen tiep tun, de sudo temi'uk ngen belajea kunei Bapa, teko ngen Uku.

YOHANES 7:39

De taine adeba Roh de bakea tenimo ngen tobo'o de pecayo ngen Si; kerno Yesus ati mulio.)

KISAH RASUL-RASUL 1:2

sapei waktau bilai Si naket moi Surgo. Ayok o Si bi melei periteak-Ne liwet Roh Sucai ngen rasul-rasul de miliak-Ne.

KISAH RASUL-RASUL 1:4

Pado waktau o Si bekopoa sesamo tobo'o, Si melei periteak yo ngen tobo'o, “Jibeak lalau kunei Yerusalem, ngen meluak tobo'o tinggea neak di mbot janjai Bapa, de awei de nadeak-Ne, sudo udi temi'uk kunei Uku.

KISAH RASUL-RASUL 1:8

Tapi udi bakea temimo kuaso amen Roh Sucai tu'un ngen udi, udi bakea jijai saksai-saksai-Ku neak Yerusalem ngen neak kute Yudea ngen Samaria sapei moi ujung bumai.”

KISAH RASUL-RASUL 11:16

Lajau tingetba uku ngen kecek Tuhan, ‘Yohanes membaptis ngen bioa, tapi udi bakea di baptis ngen Roh Sucai.’

KISAH RASUL-RASUL 13:2

Pado suaktau bilai waktau tobo'o semyang ngen puaso, madeakba Roh Sucai, “Miliakba Barnabas ngen Saulus khusus utuk-Ku utuk tugas de sudo Uku tentau utuk tobo'o.”

KISAH RASUL-RASUL 13:4

Kerno nelueak Roh Sucai, Barnabas ngen Saulus berakat moi Seleukia, kunei di tobo'o belayea moi puleu Siprus.

KISAH RASUL-RASUL 15:28

Kerno adeba keputusan Roh Sucai ngen keputusan keme, supayo ngen udi jibeak tenanggung lebiak dau ban kunei pado de perlu yo:

KISAH RASUL-RASUL 15:8

Allah, de kemnal atei manusio, melei saksai utuk tobo'o ngen melei karunio Roh Sucai ngen tobo'o serai awei ngen ite.

KISAH RASUL-RASUL 16:6

Tobo'o melitas taneak Frigia ngen taneak Galatia, kerno Roh Sucai temgeak tobo'o utuk melei namen Bito Baik neak Asia.

KISAH RASUL-RASUL 2:33

Sesudo Si nelekat ngen tangen kanen Allah ngen temimo kunei Bapa, Roh Sucai de jenanjai o, mako nelei-Ne Roh o awei de udi kemliak ngen temi'uk neak yo.

KISAH RASUL-RASUL 2:4

Tobo'o kute kenuaso Roh Sucai, ngen muloi miling lem bahaso-bahaso luyen, awei de nelei Roh'o ngen tobo'o utuk nadeak.

KISAH RASUL-RASUL 20:28

Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang.

KISAH RASUL-RASUL 20:35

Lem kute pekaro uku bi melei contoh ngen ko bahwo ngen kerjo awei yo ite harus temulung tun-tun de lemah. Kerno ite harus inget ngen jano de Tuhan Yesus suang bi nadeak, ‘Lebiak riang melei kunei pado mimo.’ ”

KISAH RASUL-RASUL 28:25

Lajau bubarba pertemuan o ngen coa ade kesesuoian neak antaro tobo'o. Tapi Paulus masiak madeak hal de do yo, “Tepatba jano de nadeak Roh sucai tetang ninik muyang te, awei de nucep Nebai Yesaya.

KISAH RASUL-RASUL 5:3

Mako Petrus madeak ngen si, “Ananias, getai ko munyau Iblis kemuaso atei nu, sapei ko mike ngen Roh Sucai, seca'o dediem tema'en utuk dirainu suang tengeak kunei caci jemuoa taneak o?

KISAH RASUL-RASUL 7:51

Padeak ketelo ulau udi-udi ngen kembiak saro taat ngen Allah! Ti'uknu pekok nien te'adep kecek Allah! Udi serai ngen ninik puyangnu; bogoa melawen Roh Sucai!

KISAH RASUL-RASUL 7:55

Tapi Stefanus de kenuaso Roh Sucai, demnong moi lenget. Si kemliak kemuliaan Allah ngen Yesus je neak penan bekuaso neak depeak kanen Allah.

ROMA 14:17

Sebab amen Allah meriteak su'ang tun, jano de si buliak mbuk atau menem, coa peting igai. De peting adeba bahwo tun o temotoa kelok Allah, meding atei tenang ngen temimo sukocito de nelei Roh Allah.

ROMA 15:13

Allah adeba penan udi ma'ep. Semoga Si menea ateinu ngen kute sukocito ngen sejahtera kerno udi pecayo ngen Si, supayo ngen kuaso Roh Allah udi tambeak ma'ep ngen Allah.

ROMA 15:16

Si bi menea uku jijai pelayan Kristus Yesus utuk nutus ngen bangso-bangso de iso Yahudi. Ngen uku bertindak sebagai imem, de melei namen Bito Baik kunei Allah, supayo tun-tun iso Yahudi jijai suaktau persembahan ngen Allah de dapet tenimo-Ne. Semoga Roh Allah menea tobo'o jijai suaktau persembahan de khusus utuk Allah.

ROMA 5:5

Harapan de awei yo coa bakea menea ite keciwo, kerno atei ite sudo nelei Allah ngen kasih-Ne. Allah menea o liwet Roh-Ne de sudo nelei ngen ite.

1 KORINTUS 12:3

Udi harus namen bahwo tun de nipin Roh Allah coa nam miling, “Tekutukba Yesus!” Awei'o kulo coa ade suang dapet madeak, “Yesus adeba Tuhan!” amen tun o coa nipin Roh Allah.

1 KORINTUS 6:19

Udi harus namen bahwo awoknu adeba penan tinggea Roh Allah. Roh o tinggea neak lem udi. Ngen Allah suangba de melei roh o ngen udi. Awok Saudaro iso de ko temuan. Do'o Allah de temuan.

2 KORINTUS 6:6

Ngen atei sucai, bijaksano, sabar ngen baik atei; lem Roh Kudus ngen kasih de tulus ikhlas;

EFESUS 1:13

Udi kulo bi jijai umat Allah sewaktau udi temi'uk pesen Allah, adeba Bito Baik de melei keselamatan ngen ko. Udi pecayo ngen Yesus Kristus kerno o Allah melei tando de temuan-Ne ngenko, adeba Roh-Ne de jenanjai-Ne.

EFESUS 1:17

ngen minoi ngen Allah Tuhante Yesus Kristus, Bapa de mulio, supayo Si melei Roh-Ne ngen udi. Roh o bakea jemijai udi bijaksano, ngen bakea kemnal Allah ngen udi sehinggo udi kemnal Si.

EFESUS 4:30

Jibeakba udi menea atei Roh Allah jijai ibo, de sudo memateraikan udi ayok bilai penyelamatan.

1 TESALONIKA 4:8

Tun de temulok ajaran iyo, iso temulok manusio, meluyen temulok Allah de melei Roh-Ne de sucai ngen udi.

2 TIMOTIUS 1:14

Ngen tulung kunei Roh Allah de idup neak lem ite, lokba ko jemago baik-baik hal-hal de bego de sudo cayo ngen udi.

TITUS 3:5

Si semlamat ite, iso kerno ite sudo menea sesuaktau de baik, tapi kerno Si suang mengasihi ite. Si semlamat ite liwet Roh Allah, de melei ite laher blau, idup blau, ngen dalen semucai ite.

IBRANI 10:15

Tetang hal o Roh Allah melei kulo saksai-Ne ngen ite. Roh Allah madeak,

IBRANI 2:4

Seluyen o, Allah kemuet saksai tun-tun o ngen menea kute mecem keajaiban ngen hal-hal de luea biaso serto magiak pelei kunei Roh Allah temurut kelok-Ne suang.

IBRANI 3:7

Kerno o, awei nadeak Roh Allah, “Amen pado bilai yo udi temi'uk saei Allah,

IBRANI 9:8

Ngen aturan awei o, Roh Allah kemten ngen jelas, bahwo selamo kemah bagian muko o masiak tegok, dalen masuk moi lem Ruang Mahasucai o ati tukok.

1 PETRUS 1:12

Ngen nebai-nebai o Allah melei namen bahwo jano de tobo'o nea iso utuk kepetingan tobo'o, meluyen utuk udi; adeba hal-hal de uyo yo udi teni'uk ngen jelas kunei paro de semapei Bito Baik tetang Yesus Kristus. Tobo'o semapei hal-hal o ngen udi ngen kuaso Roh Allah de nembo-Ne kunei surgo. Bahkan malaikat-malaikat kulo lok namen bito de tobo'o melei namen o.

2 PETRUS 1:21

Sebab, coa perneak pesen kunei Allah nelei namen cuma das kelok manusio. Tapi Roh Allah kemuaso tun utuk semapei pesen kunei Allah suang.

1 YOHANES 2:20

Tapi udi sudo temimo Roh Sucai kunei Yesus Kristus, do'o sebabne udi kutene kemnal ajaran de benea.

1 YOHANES 2:27

Tapi tetang udi su'ang, Kristus bi melei Roh-Ne ngen Udi. Selamo Roh-Ne Ade ngen udi, coa perlu ade tun luyen majea udi. Sebab Roh-Ne majea udi tetang kute sesuaktau; jano de najea-Ne o benea, iso mike. Sebab o, lokba udi taat ngen jano de najea Roh o, lokba udi tep idu jijai do ngen Kristus.

1 YOHANES 5:7

Ade telau saksai, de neak surgo adeba Bapa, Firman ngen Roh Allah, ketelaune adeba do. Saksai-saksai de neak bumai adeba:

YUDAS 1:20

Tapi udi, Saudaro-saudaroku, binaba terus idupnu bedasar pecayonu ngen Yesus Kristus. Imennu o kembiak sucai. Sementaro o bedu'oba ngen kuaso Roh Allah,

WAHYU 2:11

Api temuan ti'uk, lokba si temi'uk jano de nadeak Roh Allah ngen jemaat-jemaat! Api de menang si coa bakea saro kerno kematian de keduai.”