YOHANES 14:20 - JANJAI BLAU Lem Bahaso Jang Bebilai

²⁰ Pado waktau'oba udi bakea namen bahwo Uku lem Bak-Ku ngen udi neak lem Uku ngen Uku lem udi.

YOHANES 14:20 ပူးပေါင်းရင်းမြစ်များ

YOHANES 10:38

Tapi amen Uku kemerjone ngen udi coa lok pecayo ngen Uku, pecayoba ngen kerjo-kerjo o. Supayo udi buliak namen ngen ngertai bahwo Bak neak lem Uku ngen Uku neak lem Bak.”

YOHANES 14:10

Coa pecayo ko bahwo Uku lem Bak ngen Bak lem Uku? Jano de Uku madeak ngen udi, coa Uku madeak kunei dirai-Ku suang, tapi Bak, de tinggea lem Uku, Siba de menea kerjo-kerjo-Ne.

YOHANES 14:11

Pecayoba ngen-Ku bahwo Uku lem Bak ngen Bak lem Uku; pecayoba kerno kerjo-kerjo o suang.

YOHANES 16:23

Pado bilai o udi coa bakea temanye jejano ngen Uku. Sesungguakne Uku madeak ngen udi: Kute sesuaktau de udi minoi ngen Bapa lem gen-Ku bakea nelei-Ne.

YOHANES 16:26

Pado bilai o udi bakea bedu'o lem gen-Ku. Uku coa bakea minoi kunei Bapa utuk udi,

YOHANES 17:11

Uku coa ade igai neak lem dunio, tapi tobo'o masiak ade neak lem dunio, Uku teko ngen Ko. Au Bapa de sucai, jagoba tobo'o lem gen-Nu, adeba gen-Nu de sudo Ko melei ngen-Ku, supayo tobo'o jijai do serai awei ite.

YOHANES 17:26

Uku bi melei namen ngen Ko, tobo'o ngen Uku bakea melei namenne, supayo kasiak de Ko melei ngen Uku ade neak lem tobo'o ngen Uku neak lem tobo'o.”

YOHANES 17:7

Uyo tobo'o namen bahwo kute de Ko melei ngen-Ku o berasal kunei Bapa.

YOHANES 6:56

Tun de mbuk daging-Ku ngen menem daleak-Ku, tep jijai do ngen Uku, ngen Uku ngen si.

ROMA 16:7

Semapei kulo salamku ngen Andronikus ngen Yunias. Tobo'o do sukau bangso ngen uku, ngen perneak masuk sel besamo-samo uku. Ayok uku pecayo ngen Kristus, tob'o bi lebiak dute pecayo. Tobo'o terkenal neak antaro para rasul.

ROMA 8:1

Awei'oba uyo coa ade hukuman utuk tobo'o de ade neak lem Kristus Yesus.

1 KORINTUS 1:30

Allah suangba de nea sehinggo udi jijai do ngen Kristus Yesus. Liwet Kristus, ite jenijai-Ne bijaksana. Liwet Si kulo Allah menea te baik igai ngen dirai-Ne, jemijai ite umat-Ne de khusus, ngen mbebas ite.

2 KORINTUS 12:2

Uku namen tetang suang tun neak lem Kristus; pat blas taun de sudo – teak neak lem awok, uku coa namen, teak neak luea awok, uku coa namen, Allah de namenne – tun o seketiko'o naket moi tiket ke telau kunei surgo.

2 KORINTUS 13:5

Cubo udi cemubo dirai suang jano udi benea-benea idup das dasar pecayo ngen Kristus! Paset udi sadar bahwo Kristus Yesus ade neak lem udi! Sebab amen coa awei o, udi coa taen cenubo.

2 KORINTUS 5:17

Jijai, api de ade neak lem Kristus, si adeba ciptaan blau: De an bi liwet, sesungguakne de blau bi teko.

2 KORINTUS 5:19

Sebab neak lem Kristus, Allah ndamoi dunio ngen dirai-Ne ngen coa kemliak saleak tobo'o, Si bi melei kepercayaan bito perdamaian o nge keme.

GALATIA 2:20

Uyo iso igai uku de idup, tapi Kristus de idup lem dirai uku. Idup de uyo uku maneu seca'o jasmani adeba idup ngen imen lem Anok Allah de sudo mengasihi uku ngen semreak dirai-Ne utuk uku.

EFESUS 2:10

Kerno ite adeba ciptaan Allah, liwet Kristus Yesus utuk menea kerjo baik, de seniap Allah ayokne. Si lok, supayo ite idup lem-Ne.

KOLOSE 1:19

Allah suangba de kemlok supayo kute sesuaktau de ade neak dirai Allah, ade kulo neak dirai Anok-Ne.

KOLOSE 1:27

Ngen umat-Ne o Allah melei namen padeak baikne ngen agungne resio-Ne o utuk kute umat manusio. Resio o adeba: Kristus ade neak lem dirainu, de taine udi bakea meding kebesaran Allah.

KOLOSE 2:9

Sebab kute kepribadian Allah ade lem Kristus, adeba lem kemanusiaan-Ne.

1 YOHANES 4:12

Coa ade suang kulo de perneak kemliak Allah, tapi amen ite samo-samo mengasiak, Allah jijai do ngen ite, kasih-Ne jijai sempurno lem dirai ite.