YOHANES 14:12 - JANJAI BLAU Lem Bahaso Jang Bebilai

¹² Sesungguakne Uku madeak ngen udi: Api bae de pecayo ngen Uku, si bakea menea kulo kerjo-kerjo de Uku menea, bahkan kerjo-kerjo de lebiak lai kunei o. Sebab Uku lalau ngen Bak.

YOHANES 14:12 ပူးပေါင်းရင်းမြစ်များ

MATIUS 21:21

“Sungguak,” jawab Yesus, “Amen udi pecayo ngen coa ragau, udi kulo dapet menea jano de sudo ku menea teradep pun ara yo. Ngen coa'o bae, tapi udi dapet madeak ngen tebo yo, ‘Taketba ngen teku'ang moi lem laut’; hal'o bakea tejijai.

MARKUS 11:13

Ngen kunei ku'uak Si kemliak pun ara de sudo tunes. Si ma'okne utuk kemliak amen Si dapet jano bae ngen pun ara'o. Tapi waktau Si sapei neak di Si coa dapet jejano seluyen daun-daun bae, sebab waktau'o ati musim bueak ara.

MARKUS 16:17

Tando-tandoyo bakea semerto tun-tun de pecayo; tobo'o bakea musir semat-semat utuk gen-Ku, tobo'o bakea miling lem bahaso-bahaso de belau bagiak tobo'o.

YOHANES 14:28

Udi bi temi'uk bahwo Uku bi madeak ngen udi: ‘Uku lalau, tapi Uku teko igai ngen udi.’ Sekirone udi mengasiak Uku, udi bakea riang kerno Uku lalau ngen Bapa-Ku, sebab Bapa lebiak lai kunei Uku.

YOHANES 16:7

Tapi benea de Uku madeak yo ngen udi: Lebiak beguno utuk udi, amen Uku lalau. Sebab amen Uku coa lalau, penulung o coa bakea teko ngen udi, tapi amen Uku lalau, Uku bakea mutus Si ngen ko.

YOHANES 4:37

Beneaba pribahasa yo, ‘De do temanem ngen de luyen panen.’

YOHANES 5:20

Sebab Bapa kemasiak Anok ngen Si temunjuk ngen Si kute sesuatau de kenerjo-Ne suang, bahkan Si bakea tenunjuk ngen Si kerjo de lebiak lai igai kunei kerjo o, sehinggo udi jijai sele.

YOHANES 7:33

Lajau padeak Yesus, “Tinggea didik waktaune Uku ade sesamo udi ngen sesudo'o Uku bakea lalau ngen Si de sudo mutus Uku.

YOHANES 7:39

De taine adeba Roh de bakea tenimo ngen tobo'o de pecayo ngen Si; kerno Yesus ati mulio.)

KISAH RASUL-RASUL 10:46

Sebab tobo'o temi'uk tun-tun o miling lem dau bahaso ngen memuliakan Allah. Lajau nadeak Petrus,

KISAH RASUL-RASUL 16:18

Hal o neane selamo kekedau bilai. Tapi waktau Paulus coa taen igai ngen gangguan o, si bepaling madeak ngen roh o, “Lem gen Yesus Kristus uku meluak ko keluea kunei selawei yo.” Seketiko o kulo kelueaba roh o.

KISAH RASUL-RASUL 19:12

Bahkan tun mbin setangen atau kain de perneak nakei Paulus ngen mpekne das tun-tun bolon, mako ka'enba tobo'o ngen kelueaba roh-roh kidek.

KISAH RASUL-RASUL 2:33

Sesudo Si nelekat ngen tangen kanen Allah ngen temimo kunei Bapa, Roh Sucai de jenanjai o, mako nelei-Ne Roh o awei de udi kemliak ngen temi'uk neak yo.

KISAH RASUL-RASUL 2:41

Tun-tun de temimo kecekne o neak baptis ngen pado bilai o jumlah tobo'o betambeak kekiro telau ribau jiwo.

KISAH RASUL-RASUL 4:16

Tobo'o madeak, “Ite arus menea jano te'adep tun-tun yo? Sebab kute tun de tinggea neak Yerusalem bi namen bahwo mujizat de luea biaso yo, de nea ngen tobo'o beduai. Ite coa dapet muker o.

KISAH RASUL-RASUL 4:33

Ngen kuaso de lai, rasul-rasul o melei saksai bahwo Yesus sudo idup igai. Mako Allah kembiak memberkati tobo'o.

KISAH RASUL-RASUL 4:4

Tapi neak antaro tun de temi'uk ajaran o dau de jijai pecayo, sehinggo jumlah tobo'o kekiro lemo ribau tun semanei.

KISAH RASUL-RASUL 5:15

Tobo'o mbin tun-tun bolon moi luea, moi dalen lai, gemulingne neak das penan tidua ngen neak tikea, supayo amen Petrus liwet, tobo'o paling didikne nam keno bayangan Petrus.

KISAH RASUL-RASUL 6:7

Firman Allah tambeak tesebea, jumlah penotoa neak Yerusalem tambeak dau; ngen dau kulo imem-imem de pecayo ngen Yesus.

KISAH RASUL-RASUL 8:7

Sebab roh-roh kidek sudo keluea ngen mekik kunei dau tun de pasuk semat. Tun-tun pakuak ngen tipang kulo dau de kena'enne.

KISAH RASUL-RASUL 9:34

Petrus madeak ngen Eneas, “Eneas, Yesus Kristus kema'en ko. Klongonba lajau mberes penen tiduanu.” Saat o kulo Eneas klongon.

KISAH RASUL-RASUL 9:40

Petrus meluak tobo'o kutene keluea, lajau si sujud ngen bedu'o. Sesudo'o si madep jenazah Dorkas lajau madeak, “Tabita, klongon!” Mako Dorkas mukok matai ketiko si kemliak Petrus, si temot.

ROMA 15:19

de senerto keajaiban-keajaiban ngen hal-hal luea biaso; kutene o kerno kuaso Roh Allah. Bito Baik tetang Kristus bi uku melei namen kutene ngen tun-tun, muloi kunei Yerusalem sapei moi Ilirikum.